لي كىچياڭ ا ق ش – تىڭ ونەركاسىپ – ساۋدا سالاسىنىڭ جەتەكشىلەرىمەن وتكىزىلگەن سۇحپات كەڭەسىنە قاتىناستى
2021.04.14 16:37 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 13 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 4 - ايدىڭ 13 - كۇنى جۇڭنانحايداعى زىگۋاڭگى سارايىندا ا ق ش - تىڭ ونەركاسىپ - ساۋدا سالاسىنىڭ جەتەكشىلەرىمەن وتكىزىلگەن بەينە ەكران سۇحپات كەڭەسىنە قاتىناستى. ا ق ش - جۇڭگو ساۋدا مەملەكەتتىك كوميتەتى مەن ا ق ش - تىڭ 20 نەشە ايگىلى ەل ارالىق سەرىكتەستىگىنىڭ باس جورالارى مەن باس اتقارۋشى ءمانساپتىلارى قاتىناستى. لي كىچياڭ ولارمەن پىكىر الماستىردى ءارى سۇراۋلارعا جاۋاپ بەردى. ا ق ش - تىڭ بۇرىنعى قازىنا مينيسترى، پاۋلسون قور قوعامىنىڭ ءتوراعاسى حەنري پاۋلسون ءماجىلىستى باسقاردى.
لي كىچياڭ مىنانى ءبىلدىردى: جۇڭگو مەن ا ق ش قاتىناسىنىڭ اقاۋسىز، ورنىقتى دامۋىن ىلگەرىلەتۋ ــ ەكى ەل حالىقتارى مەن حالىقارالىق قوعامنىڭ ورتاق تىلەگى. ەكى ەل باسشىلارىنىڭ تەلەفوندا سويلەسۋدە كەلىسكەن ورتاق تانىمىنا ساي، قاقتىعىسپاۋ، قارسىلاسپاۋ، ءوزارا قۇرمەت ەتۋ، سەلبەسىپ تەڭ يگىلىككە كەنەلۋ رۋحىن ۇستانىپ، ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىنە قۇرمەت ەتىپ، پىكىرلەسۋدى، تىلدەسۋدى كۇشەيتىپ، ناقتى سەلبەستىكتى كەڭەيتىپ، الاۋىزدىقتاردى ۇيلەسىمدى تىزگىندەپ، جۇڭگو - ا ق ش قاتىناسىنىڭ جالپى تۇلعالىق ورنىقتىلىق بەتالىسىنا قاراي قادام تاستاۋىن ىلگەرىلەتۋ كەرەك.
لي كىچياڭ بىلاي دەپ اتاپ كورسەتتى: جۇڭگو مەن ا ق ش دۇنيە جۇزىندەگى ەڭ ءىرى دامۋ ۇستىندەگى ەل جانە ەڭ ءىرى دامىعان ەل سانالادى، تاتۋلاسسا ەكى جاققا دا پايدالى، مۇيىزدەسۋ ەكى جاققا دا زياندى. ەكى ەلدىڭ ەكونوميكا - ساۋدا قاتىناسىنىڭ ءمانى ــ ءوزارا تيىمدىلىك جەتكىزىپ، تەڭ يگىلىككە كەنەلۋ، بۇل ەكى ەل حالىقتارىنىڭ باقىتىنا، دۇنيە ءجۇزىنىڭ بەيبىتشىلىگى مەن ورنىقتىلىعىنا جانە دامىپ، گۇلدەنۋىنە ءتيىمدى. وتكەن جىلى كوپ ءتۇرلى سوققىنىڭ استارىندا ەكى ەلدىڭ ساۋدا سوماسى قيىن – قىستاۋ جاعدايدا ارتتى، بۇل ەكى جاقتىڭ سەلبەستىگىنىڭ شارت - جاعدايى مەن ورايى وبيەكتيۆ تۇردە ءومىر سۇرەتىنىن، ەكونوميكا - ساۋدا سەلبەستىگىن ورىستەتۋدىڭ ءوزارا قاجەتى بار ەكەنىن ايگىلەدى. سەلبەستىك بارىسىندا جارىققا شىققان ماسەلەلەردى سەلبەستىك بارىسىندا شەشۋ كەرەك. «توپتان اجىراۋدىڭ» ەشكىمگە دە پايداسى جوق، دۇنيە جۇزىنە دە زيان جەتكىزەدى. ەكى جاقتىڭ ءبىر باعىتتا ءجۇرىپ، ورتاق مۇددە پايداسىن زورايتۋ ارقىلى سەلبەستىكتى جەبەپ، كاسىپ تىزبەگى مەن قامداۋ تىزبەگىنىڭ حاۋىپسىزدىگىن، ورنىقتىلىعىن قورعاۋىن ءۇمىت ەتەمىن.
لي كىچياڭ مىنانى ءبىلدىردى: سىرتقا ەسىك اشۋدا تاباندى بولۋ ــ جۇڭگونىڭ نەگىزگى مەملەكەت ساياساتى، جۇڭگونىڭ ەسىگى سىرتقا بارعان سايىن ايقارا اشىلادى. ءبىز جاڭا دامۋ جاعدايىن قالىپتاستىرۋدى جەدەلدەتۋدەمىز، ءبىر جاعىنان، ەل ءىشى بازارىنىڭ كومەسكى كۇشىن ۇزدىكسىز اشىپ، ەكونوميكانىڭ ارتۋى مەن جۇمىستاندىرۋدىڭ ورنىقتى تىرەگىن قالىپتاستىرۋىمىز، ەندى ءبىر جاعىنان، جۇڭگونىڭ ءبىر ميلليارد 400 ميلليون حالىق سانى بار ءىرى بازارىن اناعۇرلىم اشىق ۇستاپ، جۇڭگونى شەتەل ساۋداگەرلەرىنىڭ قارجى قوسۋىنداعى ماڭىزدى نىسانالى جەرگە، دۇنيە جۇزىندەگى ءىرى بازارعا ۇزدىكسىز اينالدىرۋىمىز كەرەك. ءبىز سىرتقا اناعۇرلىم ىرىقتىلىقپەن ەسىك اشىپ، بازارلانعان، زاڭمەن جونگە سالىناتىن، حالىقارالانعان ساۋدا ورتاسىن قالىپتاستىرىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ىلگەرىلەتىپ، ىشكى - سىرتقى قارجى قوسقان كاسىپورىنداردى بىردەي كورىپ، تەڭ باسەكەلەسەتىن بازار ورتاسىن قالىپتاستىرامىز. ا ق ش پەن دۇنيە جۇزىندەگى ءار ەل كاسىپورىندارىنىڭ جۇڭگونىڭ رەفورما جاساۋ، ەسىك اشۋ جانە وسىزامانداندىرۋ اياق الىسىنا بەلسەنە ات سالىسىپ، ءوزارا پايدا جەتكىزىپ، تەڭ يگىلىككە كەنەلۋدى اناعۇرلىم ويداعىداي جۇزەگە اسىرۋىن قارسى الامىز.
لي كىچياڭ تاعى كەڭەسكە قاتىناسقان كاسىپورىنشىلار ورتاعا قويعان جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ، كليمات وزگەرىسىنە توتەپ بەرۋ، گۋمانيتارلىق اۋىس - كۇيىستى تەرەڭدەتۋ سياقتى جاقتارداعى ماسەلەلەرگە جاۋاپ بەردى.
ا ق ش جاقتىڭ ۋاكىلى مىنانى ءبىلدىردى: قاقتىعىستان، قارسىلاسۋدان ساقتانىپ، ا ق ش - جۇڭگو قاتىناسىنىڭ سىندارلى ارناعا ءتۇسۋىن ىلگەرىلەتۋ ەكى جاقتىڭ ورتاق مۇددەسىنە ۇيلەسەدى. ەكونوميكا - ساۋدا سەلبەستىگى ــ ا ق ش - جۇڭگو قاتىناسىنىڭ ىرگە تاسى، «توپتان اجىراۋ» ا ق ش - جۇڭگو ەلدەرى مەن دۇنيە جۇزىنە وراسان زور ورنىقسىزدىق فاكتورلارىن الا كەلەدى. ا ق ش - تىڭ ونەركاسىپ - ساۋدا سالاسى ەكى جاقتىڭ بايلانىس جاساۋ، ءوزارا سەنىمدىلىكتى ارتتىرۋ ارقىلى ىندەتتەن ساقتانۋ - تىزگىندەۋ، كليمات وزگەرىسىنە توتەپ بەرۋ، باياندى دامۋ جانە جاڭالىق اشۋ سياقتى سالالارداعى سايكەستى سەلبەستىكتى كۇشەيتىپ، ادامداردىڭ اۋىس - كۇيىسى مەن بارىس - كەلىسىن تەز ارادا قالپىنا كەلتىرۋىن قولدايدى. ا ق ش كاسىپورىندارى جۇڭگونىڭ سىرتقا ەسىك اشۋدى كەڭەيتۋ، ساۋدا ورتاسىن ساپالىلاندىرۋ جاعىندا قول جەتكىزگەن اياق الىسىنا القاۋ بىلدىرەدى، جۇڭگونىڭ دامۋ بولاشاعى مەن بازار ورايىنان ءۇمىت كۇتىپ، جۇڭگودا ەكونوميكا - ساۋدا، قارجى قوسۋ سياقتى سەلبەستىكتى ۇزاق ۋاقىت ورىستەتۋگە ۇزدىكسىز كۇش سالادى.
ۋاڭ ي، حى ليفىڭ قاتارلىلار جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
