شيحۋ قالاسى چاڭماۋ توقىماشىلىق شەكتى جاۋاپكەرشىلىك سەرىكتەستىگى:
شينجياڭ ماقتاسى العا، جۇڭگو توقىماشىلىعى العا
2021.04.14 14:59 كەلۋ قاينارى : شينجياڭ گازەتى
جۋىقتا H&M سياقتى ايگىلى ماركا ساۋداگەرلەرى ايتىلمىس ”زورلىقپەن ەڭبەككە سالۋ“ ماسەلەسىن سىلتاۋ ەتىپ، شينجياڭنىڭ ماقتاسىن شەكتەدى، بۇل ەلىمىزدىڭ توقىماشىلىق كاسىپ سالاسىن جات نيەتپەن قىسپاققا الۋ. ءبىز مۇنداي جات نيەتتى ارەكەتكە باتىل قارسى تۇرامىز.
شيحۋ قالاسى چاڭماۋ توقىماشىلىق شەكتى جاۋاپكەرشىلىك سەرىكتەستىگى 2010 - جىلى 8 - ايدا قۇرىلعان، قازىر ءوندىرىس كولەمى 13 مىڭ 600 ۇرشىققا جەتەدى (ساقينا ۇرشىقپەن يىرۋدەگى 200 مىڭ ۇرشىق كولەمىمەن قارايلاس)، 6000 بۇكىلدەي اۆتوماتتى اۋا ەكپىندىك ءيىرۋ جابدىعى كەزەكتەگى دۇنيە جۇزىندەگى ەڭ وزىق R66 تۇرپاتتى جابدىق. سەرىكتەستىك قۇرىلعان 10 نەشە جىلدان بەرى ءونىم ساپاسىن ۇزدىكسىز جوعارىلاتىپ، كوپتەگەن تانىمال ماركالى كاسىپورىنداردىڭ جانە ەكسپورتتىق تولىمدىلىعى بار كيىم - كەشەك كاسىپورىندارىنىڭ قابىلداۋىنا يە بولىپ، ونىمدەرىن گۋاڭجوۋ، چاڭجوۋ، جىجياڭ قاتارلى جەرلەرگە ساتىپ، پايدالانۋشىلاردىڭ ءبىر اۋىزدان جاقسى باعاسىن الدى.
سەرىكتەستىگىمىزدە 200 جۇمىسشى بار، حانزۋ، ۇيعۇر، موڭعۇل، حۇيزۋ قاتارلى كوپ ۇلتتان قۇرالعان ۇلكەن شاڭىراق. سەرىكتەستىگىمىزدەگى بارلىق جۇمىسشى وز ەرىكتەرىمەن سەرىكتەستىككە كەلىپ قىزمەت ىستەگەن، سەرىكتەستىك زاڭ بويىنشا ولارمەن ەڭبەك توقتامىن جاساسقان. كۇندەلىكتى تۇرمىس بارىسىندا سەرىكتەستىك جۇمىسشىلاردىڭ تۇرمىس ادەتىنە قۇرمەت ەتىپ، ولارعا مونشاحانا، كىر جۋۋ ءۇيى جانە اسحانا ازىرلەپ بەردى. قىزمەت بارىسىندا ۇستاز شاكىرت جەتەكتەۋ، بىرگە ءبىر كومەكتەسۋ ءتاسىلىن قولدانىپ، تاجىريبەلى ۇستاز جۇمىسشىلارعا توقىما ماشيناسىن جەتىك جۇرگىزۋ شەبەرلىگىن باسپا - باس ۇيرەتتى، جۇمىسشىلاردىڭ ايلىق ەڭبەكاقىسى العاشقى كەزدەگى 2000 يۋاننان قازىرگى 5000 اينالاسىنا ارتتى. وڭتۇستىك شينجياڭ ءوڭىرىنىڭ دامۋىنا ىلەسە، ءبىز باۋلىپ جەتىلدىرگەن كوپتەگەن شەبەر جۇمىسشىلار وڭتۇستىك شينجياڭداعى توقىماشىلىق زاۆودىنا بارىپ قىزمەت ىستەپ، جەرگىلىكتى ورىننىڭ جۇمىستانۋىن جەبەدى.
شينجياڭنىڭ ساپالى ماقتا بايلىعىنا سۇيەنىپ، ءبىز ساپالى ماقتا ءجىپ وندىردىك، جۇمىسشىلاردىڭ كىرىسى كوپ مولشەردە ارتتى. كوپتەگەن جۇمىسشىلار اۋىل - قىستاقتاعى تاۋلى وڭىردەن قالاعا كوشىپ كەلىپ، ءۇي، ماشينا ساتىپ الىپ تىنىش ءومىر، شات - شادىمان تىرشىلىك كەشىردى.
H&M سياقتى كاسىپورىنداردىڭ ويدان قۇراستىرعان وسەك - اياڭى ونىڭ استارىندا جاتقان امەريكاداعى، باتىس جاقتاعى جۇڭگوعا قارسى كۇشتەردىڭ شينجياڭ ماقتاسىن شەكتەۋ ارقىلى تەز قارقىنمەن دامىعان جۇڭگو توقىماشىلىق كاسىپ سالاسىن قىسپاققا الىپ، شينجياڭنىڭ ىنتىماعىن، ورنىقتىلىعىن ءبۇلدىرىپ، جۇڭگو ەكونوميكاسىنىڭ دامۋىنا بوگەت جاساۋعا ۇرىنعان سۇرقيا نيەتىن پاش ەتتى. الايدا ولار ەسەپتى قاتە سوقتى. شينجياڭنىڭ ماقتاسى ساپالى دا ادەمى، كەڭ بازارعا يە، شينجياڭنىڭ ماقتاسىن شەكتەۋ قاسكۇنەمدىگى استە جۇزەگە اسپايدى، شينجياڭ ماقتاسى العا، جۇڭگو توقىماشىلىعى العا!
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
