لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
«جۇڭحۋا حالىق رەسپۋبليكاسىنىڭ بازار تۇلعالارىن تىزىمدەۋدى باسقارۋ ەرەجەسىن (جوبا)» ماقۇلداپ، بازار تۇلعالارىن جەتىلدىرۋ، زورايتۋ جانە ءادىل باسەكەنى جەبەۋدى زاڭمەن باسقارۋ جاعىنان قامتاماسىزداندىردى
2021.04.15 16:15 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 14 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 4 - ايدىڭ 14 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، «جۇڭحۋا حالىق رەسپۋبليكاسىنىڭ بازار تۇلعالارىن تىزىمدەۋدى باسقارۋ ەرەجەسىن (جوبا)» ماقۇلداپ، بازار تۇلعالارىن جەتىلدىرۋ، زورايتۋ جانە ءادىل باسەكەنى جەبەۋدى زاڭمەن باسقارۋ جاعىنان قامتاماسىزداندىردى.
ءماجىلىس بىلاي دەپ اتاپ كورسەتتى: بازار تۇلعالارىن جەتىلدىرۋ، زورايتۋ سوتسياليستىك بازار شارۋاشىلىعىن دامىتۋ جونىنەن توتەنشە ماڭىزدى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، تاياۋ جىلداردان بەرى ساۋدا ىستەرى ءتۇزىمى سياقتى رەفورمالاردى ىلگەرىلەتۋ ارقىلى بازار تۇلعالارىنىڭ سانى «13 – بەسجىلدىق» كەزىندە 60 ميلليوننان استام ارتىپ، ەكونوميكانىڭ ومىرشەڭدىك كۇشى مەن سەرپىمدىلىگىن كۇشەيتىپ، جۇمىستانۋ ورنىنىڭ كوپتەپ اشىلۋىن جەبەدى. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، ءونىمدى ادىستەردى ءتۇزىم ولشەمىنە كوتەرۋ، اسىرەسە، بازار تۇلعالارىن تىزىمگە الىپ باسقارۋ سىندى نەگىزدىك ءتۇزىمدى كەمەلدەندىرۋ كەرەك. ءماجىلىس «جۇڭحۋا حالىق رەسپۋبليكاسىنىڭ بازار تۇلعالارىن تىزىمدەۋدى باسقارۋ ەرەجەسىن (جوبا)» ماقۇلداپ، بازار تۇلعالارىنىڭ زاڭدى ۇقىق - مۇددەسىن قورعاۋدى، شارۋاشىلىق قۇرۋدى، جاڭالىق اشۋدى جەبەۋدى، بازار ءتارتىبىن قورعاۋدى زاڭمەن جونگە سالۋ جاعىنان قامتاماسىز ەتتى. جوبادا بازار تۇلعالارىن تىزىمگە الىپ باسقارۋ جونىندەگى اكىمشىلىك زاڭ - ەرەجەلەر بىرىكتىرىلىپ، ەلىمىز شەكاراسى ىشىندە پايدا تابۋدى ماقسات ەتىپ تيجارات قيمىلىمەن شۇعىلداناتىن ءتۇرلى كاسىپورىندار، جەكەشە ونەركاسىپشىلەر مەن ساۋداگەرلەر، شارۋالار كاسىپتىك كوپەراتيۆتەرى قاتارلىلاردى تىزىمگە الىپ باسقارۋ جونىندە ءبىر تۇتاس بەلگىلەمەلەر جاسالدى. بۇل باستىسى مىنالاردى قامتيدى: (1) تىزىمگە الۋدىڭ قولايلىلىعىن جوعارىلاتۋ كەرەك. ۇستىندە ءبىتىرۋ، ءبىر جولدا ءبىتىرۋ، شەكتى مەرزىمدە ءبىتىرۋ، توراپتا ءبىتىرۋ، باسقا جەردە ءبىتىرۋ جولعا قويىلادى. تىزىمگە الۋشى ورگان ءوتىنىش ماتەريالدارى زاڭدا بەلگىلەنگەن تالاپقا ۇيلەسەتىندەرىن ناق مايداندا تىزىمگە الۋى كەرەك؛ ناق مايداندا تىزىمگە الۋعا بولماسا، ادەتتە 3 قىزمەت كۇنى ىشىندە تىزىمگە الۋ كەرەك. ەلەكتروندى جانە قاعاز نۇسقاسىنداعى تيجارات كۋالىگى ۇقساس زاڭدىق كۇشكە يە. (2) ءوتىنىش ماتەريالدارىن جانە تىزىمدەۋ بۋىندارىن ىقشامداۋ كەرەك. تىزىمگە الۋشى ورگاننىڭ اكىمشىلىك ىستەر ينفورماتسياسىنان ورتاق يگىلىكتەنۋ تەكشەسى ارقىلى يە بولعان قاتىستى ينفورماتسيالاردى ءوتىنىش ەتۋشىدەن قايتالاي بەرۋدى تالاپ ەتۋىنە بولمايدى. ءوتىنىش ماتەريالى تولىق بولماسا نەمەسە زاڭدا بەلگىلەنگەن فورماعا ۇيلەسپەسە، تىزىمگە الۋشى ورگان ءوتىنىش ەتۋشىگە تولىقتاپ تۇزەتۋگە ءتيىستى ماتەريالداردى ءبىر جولدا ۇقتىرۋى كەرەك. (3) «كۇشىنەن قالدىرۋ قيىن بولۋ» ماسەلەسىن شەشۋدى ىلگەرىلەتۋ ءۇشىن، بازار تۇلعالارىنىڭ الاشاق - بەرەشەك، جۇمىسشى - قىزمەتكەرلەردىڭ ەڭبەكاقىسى، قوعامدىق قامسىزداندىرۋ قاراجاتى، تاپسىرۋعا ءتيىستى سالىق سوماسى قاتارلىلار جونىندە ايقىن بەلگىلەمە شىعارۋ كەرەك، قاتىستى زاڭدىق جاۋاپكەرلىك ارقالاۋعا ءارى بەلگىلەمە بويىنشا جاريا ەتۋگە جازباشا ۋادە بەرسە، كۇشىنەن قالدىرۋعا بولادى، مۇنىڭ ىشىندە جەكەشە ونەركاسىپشىلەر مەن ساۋداگەرلەردىڭ اشىق جاريالاۋىنىڭ قاجەتى جوق. (4) بازار تۇلعالارىنىڭ وزىندىك قۇنىن ساقتاۋ ءۇشىن، كاسىبىن توقتاتۋ ءتۇزىمىن ورناتۋ كەرەك. جاراتىلىستىق اپات، شىرعالاڭ اپاتى، الەۋمەتتىك دەنساۋلىق ساقتاۋ وقيعاسى سياقتىلار سەبەبىنەن تيجاراتتا قيىنشىلىق تۋىلسا، بازار تۇلعاسىنىڭ بەلگىلى مەرزىم ىشىندە جۇمىستان توقتاتۋ ءارى تىزىمگە الۋ ورگانىنا ەستەلىككە الدىرۋ جونىندە دەربەس شەشىم جاساۋىنا بولادى، كاسىبىن توقتاتۋدى ەڭ ۇزاعاندا 3 جىلدان اسىرماۋ كەرەك. (5) سەنىمدىلىك پەن باقىلاۋ - باسقارۋ تالابىن ايقىنداۋ كەرەك. بازار تۇلعاسى شىن اتى - جونىمەن تىزىمدەلىپ، تاپسىرعان ماتەريالدىڭ شىندىعىنا، زاڭدىلىعىنا جانە ونىمدىلىگىنە جاۋاپتى بولادى، سونداي - اق بەلگىلەمە بويىنشا جىلدىق مالىمەت بەرۋ جانە قاتىستى ينفورماتسيالاردى تىزىمگە الدىرۋ كەرەك. تىزىمگە الدىرعان كەزدە جالعان ماتەريال تاپسىرسا نەمەسە باسقا دا الدامشىلىق ارەكەتى بولسا، ونىڭ بازار تۇلعاسى رەتىندە تىزىمگە الىنۋى كۇشىنەن قالدىرىلادى، تىكەلەي جاۋاپكەرلىگى بار ادامنىڭ 3 جىل ىشىندە تاعى دا تىزىمگە الدىرۋدى ءوتىنىش ەتۋىنە بولمايدى. تىزىمگە الۋشى ورگان بازار تۇلعالارىنىڭ سەنىمدىلىك جاعدايىنا قاراي دارەجەگە، تۇرگە ءبولىپ باقىلاۋ - باسقارۋ جۇرگىزىپ، كەز كەلگەن ۋاقىتتا تەكسەرۋ، كەز كەلگەن ۋاقىتتا تەكسەرۋشى جىبەرۋ، ءبىردى اشىق جاريالاۋ ءتاسىلىن قولدانىپ، تىزىمگە الدىرعان ىستەرگە باقىلاۋ - تەكسەرۋ جۇرگىزۋ كەرەك. (6) زاڭعا قايشى ارەكەتتىڭ زاڭدىق جاۋاپكەرلىگى مەن جازالاۋ شارالارىن ايقىنداۋ كەرەك. جازالاۋدىڭ باعىتتامالىلىعىن كۇشەيتىپ، ءىسى اۋىرلارىنىڭ تيجارات كۋالىگىن كۇشىنەن قالدىرىپ، ادال، سەنىمدى، ءادىل باسەكەلى بازار ءتارتىبىن قورعاۋ كەرەك.
ءماجىلىس باسقا ىستەردى دە اقىلداستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
