شي جينپيڭ بو - اۋ ازيا تالقى مىنبەرىنىڭ 2021 - جىلعى جىلدىق ءماجىلىسىنىڭ اشىلۋ سالتىندا ارقاۋ ءسوز سويلەدى
ازيا مەن دۇنيە جۇزىندەگى ءار ەلدىڭ ءداۋىردىڭ ۇنىنە جاۋاپ قايتارىپ، ىندەتتى قول ۇستاسا بىرگە جەڭىپ، دۇنيە جۇزىلىك جونگە سالۋدى كۇشەيتىپ، «ءبىر بەلدەۋ، ءبىر جولدى» جوعارى ساپامەن بىرگە قۇرىپ، ادامزاتتىڭ تاعدىرلاس ورتاق تۇلعاسىن قۇرۋ بەتالىسىنا قاراي ۇزدىكسىز العا باسۋى جونىنەن باستاما كوتەردى
2021.04.21 15:29 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 20 - كۇنى، بەيجيڭ. بو - اۋ ازيا تالقى مىنبەرىنىڭ 2021 - جىلعى جىلدىق ءماجىلىسىنىڭ اشىلۋ سالتى 4 - ايدىڭ 20 - كۇنى تۇستەن بۇرىن حاينان ولكەسىنىڭ بو - اۋ قالاسىندا وتكىزىلدى، مەملەكەت ءتوراعاسى شي جينپيڭ «تار جول، تايعاق كەشۋلەردەن بىرگە ءوتىپ، قيىنشىلىقتاردى جەڭىپ، تاعدىرلاس بولا وتىرىپ بولاشاقتى بىرگە جاراتايىق» دەگەن تاقىرىپتا ارقاۋ ءسوز سويلەدى.
شي جينپيڭ بىلاي دەپ اتاپ كورسەتتى: بو - اۋ ازيا تالقى مىنبەرى قۇرىلعان 20 جىلدان بەرى جۇڭگو، ازيا، دۇنيە ءجۇزى باسىپ وتكەن وزگەشە بارىسقا كۋا بولىپ، ازيا مەن دۇنيە ءجۇزىنىڭ دامۋىن جەبەۋدە ماڭىزدى ىقپال كۇشىن، جەبەۋ كۇشىن ساۋلەلەندىردى. قازىر 100 جىلدىق وزگەرىس پەن عاسىرلىق ىندەت ارالاسىپ، قاباتتاسىپ، دۇنيە ءجۇزى اۋمالى - توكپەلى وزگەرىس كەزەڭىنە ءوتتى. ءبىز سىن - سايىسقا تولى داۋىردە ءارى ۇمىتكە تولى داۋىردە تۇرمىز. ادامزات قوعامى قايدا بارادى؟ ءبىز ۇرپاقتارعا قانداي بولاشاق جاراتۋىمىز كەرەك؟ وسى كەلەلى تاقىرىپ جونىندە، ءبىز ادامزاتتىڭ ورتاق مۇددەسىن شىعار ءتۇيىن ەتىپ، جاۋاپكەرلىك پوزيتسياسىمەن پاراساتتى تالعام جاساۋىمىز كەرەك. جۇڭگو جاق مىناداي باستاما كوتەرەدى: ازيا مەن دۇنيە جۇزىندەگى ءار ەل ءداۋىردىڭ ۇنىنە جاۋاپ قايتارىپ، ىندەتكە قول ۇستاسا بىرگە توتەپ بەرىپ، دۇنيە ءجۇزىن جونگە سالۋدى كۇشەيتىپ، ادامزاتتىڭ تاعدىرلاس ورتاق تۇلعاسىن قۇرۋ باعىتىنا قاراي ۇزدىكسىز قادام تاستاۋى كەرەك.
− ءبىز تەڭ تۇرعىدا كەڭەسىپ، تەڭ يگىلىككە كەنەلۋدىڭ، بىرگە يگىلىكتەنۋدىڭ بولاشاعىن اشۋىمىز كەرەك. ناعىز كوپ جاقتىلىقتا تاباندى بولىپ، دۇنيە جۇزىلىك جونگە سالۋ جۇيەسىنىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتۋ كەرەك. حالىقاراداعى ىستەردى كوپشىلىك بىرگە اقىلداسىپ ىستەۋى، دۇنيە ءجۇزىنىڭ بولاشاعى مەن تاعدىرىن ءار ەل بىرگە يگەرۋى كەرەك. دۇنيە ءجۇزى ءادىل بولۋى، زورەكەرلىككە سالىنباۋى كەرەك. ءىرى ەلدە ءىرى ەلدىڭ بەينەسى بولۋى، اناعۇرلىم كوپ جاۋاپكەرلىكتى ارقالاۋى كەرەك.
− ءبىز ەسىك اشىپ، جاڭالىق جاراتىپ، دامۋ مەن گۇلدەنۋدىڭ بولاشاعىن اشۋىمىز كەرەك. ساۋدا مەن قارجى قوسۋدىڭ ەركىن، قولايلى بولۋىن ىلگەرىلەتىپ، وڭىرلىك ەكونوميكانىڭ ءبىر تۇلعالانۋىن تەرەڭدەتىپ، قامداۋ تىزبەگىن، كاسىپ تىزبەگىن، ساندى مالىمەت تىزبەگىن، دارىندىلار تىزبەگىن بەكەمدەپ، اشىق دۇنيە ءجۇزى ەكونوميكاسىن قۇرۋ كەرەك. جاساندى جولمەن «داۋال تۇرعىزۋ»، «توپتان ءبولىنۋ» ەكونوميكالىق زاڭدىلىق پەن بازار ەرەجەسىنە قايشى، وزگەنى زياندايدى، وزىنە پايدا جەتكىزبەيدى.
− ءبىز تار جول، تايعاق كەشۋلەردەن بىرگە ءوتىپ، اقاۋسىز، حاۋىپسىز بولاشاق اشۋىمىز كەرەك. ينفورماتسيادان ورتاق يگىلىكتەنۋدى جانە بىرلەسىپ قورعانۋدى، بىرلەسىپ تىزگىندەۋدى كۇشەيتىپ، جاڭا تيپتى ايدارشا ۆيرۋس وكپە قابىنۋ ۆاكسيناسىنىڭ حالىقارالىق سەلبەستىگىن كۇشەيتىپ، دۇنيە جۇزىلىك الەۋمەتتىك دەنساۋلىق ساقتاۋ حاۋىپسىزدىگىن جونگە سالۋدى جاپپاي كۇشەيتىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن بىرگە قۇرۋ كەرەك. كليمات وزگەرىسىنە توتەپ بەرۋدىڭ حالىقارالىق سەلبەستىگىن ىلگەرىلەتۋ كەرەك.
− ءبىز ادىلەتتىلىكتە تاباندى بولىپ، ءوزارا قۇرمەت ەتۋدىڭ، ءوزارا ۇلگى الۋدىڭ بولاشاعىن اشۋىمىز كەرەك. قىرعي قاباقتىق وي مەن ىمىراسىز سايىستان ارىلىپ، ءارقانداي فورماداعى «جاڭا قىرعي قاباقتىق سوعىس» پەن يدەولوگيالىق قارسىلاسۋعا قارسى تۇرۋ كەرەك. مەملەكەت پەن مەملەكەت تاتۋ - ءتاتتى ءوتۋ ءۇشىن، تەڭ تۇرعىدا مامىلە جاساۋدى، ءوزارا قۇرمەت ەتۋدى، ءوزارا سەنىمدىلىكتى ماڭداي الدى ورىنعا قويۋ كەرەك. بەيبىتشىلىك، دامۋ، ادىلدىك، ادىلەتتىلىك، دەموكراتيا، ەركىندىك سىندى بۇكىل ادامزاتتىڭ ورتاق قۇنىن ساۋلەلەندىرىپ، تۇرلىشە وركەنيەتتەردىڭ اۋىس - كۇيىسىن، ءوزارا ۇلگى الۋىن دارىپتەۋ كەرەك.
شي جينپيڭ بىلاي دەپ جاريالادى: جۇڭگو ىندەت تىزگىندەلگەننەن كەيىن ازيا وركەنيەتتەر تىلدەسۋى 2 - كەزەكتى جينالىسىن وتكىزىپ، ازيا مەن دۇنيە ءجۇزى وركەنيەتتەرىنىڭ تىلدەسۋىن جەبەۋدە بەلسەندى رول اتقارادى.
شي جينپيڭ مىنالاردى اتاپ كورسەتتى: «ءبىر بەلدەۋ، ءبىر جول» − كوپشىلىكتىڭ قول ۇستاسا العا باسۋىنىڭ جارقىن جولى، بەلگىلى ءبىر جاقتىڭ جەكە شاعىن جولى ەمەس، دامۋعا تالپىنادى، تەڭ يگىلىككە كەنەلۋدى قاستەرلەيدى، ءۇمىت جەتكىزەدى. ءبىز ءار جاقپەن «ءبىر بەلدەۋ، ءبىر جولدى» ۇزدىكسىز جوعارى ساپامەن بىرگە قۇرىپ، بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن امالياتتا ايگىلەپ، اشىق، جاسىل، پاك بولۋ ۇستانىمىن ساۋلەلەندىرىپ، جوعارى ولشەمدى بولۋ، حالىق تۇرمىسىنا تيىمدىلىك جاساۋ، باياندى بولۋ نىساناسىن قۇلشىنا جۇزەگە اسىرامىز. ءبىز اناعۇرلىم تىعىز دەنساۋلىق ساقتاۋ سەلبەستىك سەرىكتەستىك قاتىناسىن، اناعۇرلىم تىعىز ۇلاستىرۋ - تۇتاستىرۋ سەرىكتەستىك قاتىناسىن، اناعۇرلىم تىعىز جاسىل دامۋ سەرىكتەستىك قاتىناسىن، اناعۇرلىم تىعىز اشىق، سيىسىمدى سەرىكتەستىك قاتىناستى ورناتىپ، ادامزاتتىڭ بىرگە گۇلدەنىپ - كوركەيۋىنە بەلسەندى ۇلەس قوسامىز.
شي جينپيڭ بىلاي دەپ دارىپتەدى: 2021 - جىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى. جۇڭگو كوممۋنيستىك پارتياسى جۇڭگو حالقىنىڭ باقىتىن، جۇڭحۋا ۇلتىنىڭ گۇلدەنۋىن، دۇنيە ءجۇزىنىڭ ۇلى بىرلىگىن كوزدەيدى. جۇڭگو دۇنيە ءجۇزى بەيبىتشىلىگىنىڭ قۇرۋشىسى، دۇنيە ءجۇزى دامۋىنىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولا بەرەدى. جۇڭگو بەيبىتشىلىك، دامۋ، سەلبەستىك، تەڭ يگىلىككە كەنەلۋ تۋىن باستان - اياق بيىك ۇستاپ، جاڭاشا حالىقارالىق قاتىناس ورناتۋدى بەلسەنە ىلگەرىلەتەدى. جۇڭگو مەيلى دامىپ قاي دارەجەگە جەتسە دە، ماڭگى زورەكەر بولمايدى، ىرگە كەڭەيتپەيدى، ىقپال كولەمىن قاراستىرمايدى، اسكەري دايىندىق باسەكەسىمەن شۇعىلدانبايدى. جۇڭگو ساۋدا جانە قارجى قوسۋ سالاسىنداعى كوپ جاقتى سەلبەستىككە بەلسەنە ات سالىسىپ، حاينان ەركىن ساۋدا پورتى قۇرىلىسىن ىلگەرىلەتىپ، اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس قۇرۋدى ىلگەرىلەتەدى. ءار جاقتىڭ جۇڭگو بازارىنىڭ وراسان زور ورايىنان بىرگە يگىلىكتەنۋىن قارسى الامىز.
شي جينپيڭ سوڭىندا بىلاي دەدى: تار جول، تايعاق كەشۋدەن بىرگە ءوتىپ، جەلكەن جايىپ، تولقىن جارا العا ۇمتىلۋ كەرەك. كەيدە دۇلەي تولقىندار مەن اساۋ تولقىندارعا تاپ بولساق تا، ءبىز ءبىر جاعادان باس، ءبىر جەڭنەن قول شىعارىپ، باعداردى ءدال يگەرسەك بولعانى، ادامزات قوعامى دامۋىنىڭ الىپ كەمەسى، ءسوز جوق، نىق قاداممەن الىسقا، اناعۇرلىم كوركەم بولاشاققا بەت الاتىن بولادى!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
