شي جينپيڭ ساۋد ارابياسىنىڭ تاق مۇراگەرى مۇحاممەدپەن تەلەفوندا سويلەستى
2021.04.21 15:34 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 20 - كۇنى، بەيجيڭ. مەملەكەت ءتوراعاسى شي جينپيڭ 4 - ايدىڭ 20 - كۇنى ساۋد ارابياسىنىڭ تاق مۇراگەرى مۇحاممەدپەن تەلەفوندا سويلەستى.
شي جينپيڭ مۇحاممەد ارقىلى سالمان پاتشاعا سالەم ايتتى. شي جينپيڭ مىنالاردى اتاپ كورسەتتى: جۇڭگو مەن ساۋد ارابياسى − جان - جاقتى ستراتەگيالىق سەرىكتەر ءارى ماڭىزدى سەلبەستىك سەرىكتەرى. تاياۋ جىلداردان بەرى ەكى ەل قاتىناسى جاپپاي دامىپ، ساياسي ءوزارا سەنىمدىلىك ۇزدىكسىز تەرەڭدەپ، ءار سالاداعى سەلبەستىك ۇزدىكسىز كەڭەيىپ، ءبىر - بىرىنە سەنەتىن، ءوزارا پايدا جەتكىزىپ، تەڭ يگىلىككە كەنەلەتىن، بىرگە داميتىن ابزال دوسقا، تاتۋ سەرىككە، جاقسى باۋىرعا اينالدى. جۇڭگو ساۋد ارابياسىمەن قاتىناسىنا ستراتەگيالىق جانە ۇزاق بولاشاقتىق تۇرعىدان مامىلە جاسايدى، ساۋد ارابياسىنىڭ يەلىك ۇقىعى مەن دامۋ جولىنا قۇرمەت ەتەدى. جۇڭگو ساۋد ارابياسىمەن بىرگە ەنەرگيا، ەكونوميكا - ساۋدا، جوعارى تەحنيكا سياقتى سالالارداعى جان - جاقتى، جوعارى دەڭگەيلى سەلبەستىك جاعدايىن قالىپتاستىرىپ، حالىقارالىق جانە وڭىرلىك ىستەردەگى سايكەسۋدى، سەلبەسۋدى تەرەڭدەتىپ، جۇڭگو مەن ساۋد ارابياسىنىڭ جالپى بەتتىك ستراتەگيالىق سەرىكتەستىك قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ بىلاي دەپ دارىپتەدى: كليمات وزگەرىسى مەن جاڭا تيپتى ايدارشا ۆيرۋس وكپە قابىنۋ ىندەتىنىڭ بارلىعى − ادامزات ءدوپ كەلىپ وتىرعان كەلەلى سايىس، كوپ جاقتىلىق جۇلگەسىندە ءار ەلدىڭ كۇشىن ۇيىستىرىپ، تىزە قوسا توتەپ بەرۋ كەرەك. جۇڭگو ساۋد ارابياسىنىڭ بۇكىل جەر شارى كليماتىن جونگە سالۋ مەن باياندى دامۋدى ىلگەرىلەتۋ ءۇشىن العا قويعان باستاماسى مەن قولدانعان شارالارىن قولدايدى، ساۋد ارابياسىن قامتىعان حالىقارالىق قوعاممەن بىرگە ورتاق، ءبىراق پارىقتى جاۋاپكەرلىك ارقالاۋ پرينسيبىندە تاباندى بولىپ، كليمات وزگەرىسىنە توتەپ بەرۋ جونىندەگى «پاريج كەلىسىمىنىڭ» جاپپاي ءونىمدى اتقارىلۋىن ىلگەرىلەتىپ، سەلبەسىپ تەڭ يگىلىكتەنەتىن، ءادىل، ۇيلەسىمدى كليماتتى جونگە سالۋ جۇيەسىن قول ۇستاسا ورناتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە پەيىل.
مۇحاممەد سالمان پاتشانىڭ شي جينپيڭگە جولداعان ىقىلاستى سالەمى مەن ىزگى تىلەگىن جەتكىزدى. مۇحاممەد مىنانى ءبىلدىردى: جۇڭگو − ساۋد ارابياسىنىڭ سەنىم ارتۋعا تايتىن جاقسى باۋىرلاسى جانە ماڭىزدى ستراتەگيالىق سەرىگى، ساۋد ارابياسى جۇڭگومەن دوستىقتى، ءوزارا سەنىمدىلىكتى تەرەڭدەتىپ، ەنەرگيا، ەكونوميكا، ساۋدا سياقتى سالالارداعى ءوزارا ءتيىمدى سەلبەستىكتى كۇشەيتىپ، ساۋد ارابياسىنىڭ «2030 - جىلعا دەيىنگى بولاشاق جوسپارى» مەن «ءبىر بەلدەۋ، ءبىر جول» دارىپتەمەسىنىڭ ستراتەگيالىق ۇشتاسۋىن ىلگەرىلەتىپ، ساۋد ارابياسى مەن جۇڭگونىڭ جان - جاقتى ستراتەگيالىق سەرىكتەستىك قاتىناسىن اناعۇرلىم جوعارىلاتۋدى قالايدى. ساۋد ارابياسى جۇڭگونىڭ وزەكتى مۇددە ماسەلەسىندەگى ورىندى مايدانىن باتىل قولدايدى. ساۋد ارابياسى جۇڭگو جاريالاعان مەملەكەتتىڭ دەربەس ۇلەس قوسۋ نىساناسىن القايدى، «جاسىل ساۋد ارابياسى»، «جاسىل ورتا شىعىس» سياقتى دارىپتەمەلەردى العا قويدى، جۇڭگومەن كليمات وزگەرىسىنە توتەپ بەرۋ جانە قورشاعان ورتانى قورعاۋ جونىندە ستراتەگيالىق سەلبەستىكتى كۇشەيتۋگە پەيىل.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
