شي جينپيڭ مەن رەسەيدىڭ زۇڭتۇڭى پۋتين جۇڭگو - رەسەي بيلىكتى پارتيالارىنىڭ تىلدەسۋ مەحانيزمىنىڭ 9 - رەتكى ماجىلىسىنە جەكە - جەكە قۇتتىقتاۋ حاتىن جولدادى
2021.04.21 15:30 كەلۋ قاينارى : حالىق تورابى
«حالىق گازەتى»، 4 - ايدىڭ 20 - كۇنى، بەيجيڭ (ءتىلشى ۋ گاڭ). جۇڭگو – رەسەي بيلىكتى پارتيالارىنىڭ تىلدەسۋ مەحانيزمىنىڭ 9 – رەتكى ءماجىلىسى 4 - ايدىڭ 20 - كۇنى جەلىدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن رەسەي فەدەراتسياسىنىڭ زۇڭتۇڭى پۋتين جەكە - جەكە قۇتتىقتاۋ حاتىن جولدادى.
شي جينپيڭ قۇتتىقتاۋ حاتىندا ءماجىلىستىڭ اشىلعانىن قىزۋ قۇتتىقتادى. ول بىلاي دەدى: 2021 - جىل − «جۇڭگو مەن رەسەيدىڭ تاتۋ كورشىلىك، دوستىق سەلبەستىك شارتىنا» قول قويىلعانىنىڭ 20 جىلدىعى، سونداي - اق جۇڭگو كوممۋنيستىك پارتياسىنىڭ ءبىر تۇتاس رەسەي پارتياسىمەن قاتىناس ورناتقانىنىڭ 20 جىلدىعى. 20 جىلدان بەرى جۇڭگو مەن رەسەي ۇرپاقتان - ۇرپاققا جالعاسقان دوستىق ۇستانىمىن جانە جاڭاشا حالىقارالىق قاتىناس پرينسيبىن ساۋلەلەندىرىپ، تىعىز جالپى بەتتىك ستراتەگيالىق سەلبەستىكتى ورىستەتىپ، قازىرگى دۇنيە جۇزىندەگى ءىرى ەلدەر قاتىناسىنىڭ ۇلگىسىن ورناتتى. ەكى پارتيا مەحانيزمدەنگەن بارىس - كەلىستى ۇزاق ۋاقىت ورىستەتىپ، جۇڭگو مەن رەسەيدىڭ ساياسي جانە ستراتەگيالىق سەنىمدىلىگىن پارمەندى بەكەمدەپ، ەكى ەلدىڭ جان - جاقتى، ءوزارا ءتيىمدى سەلبەستىگىن جەبەدى.
شي جينپيڭ بىلاي دەپ اتاپ كورسەتتى: قازىر عاسىرلىق ىندەت پەن 100 جىلدىق وزگەرىس جاعدايى قاباتتاسىپ، دۇنيە ءجۇزى اۋمالى - توكپەلى وزگەرىس كەزەڭىنە ءوتتى. جۇڭگو مەن رەسەي دۇنيە جۇزىلىك ىقپالعا يە ماڭىزدى كۇش رەتىندە جاڭا داۋىردەگى جالپى بەتتىك ستراتەگيالىق سەلبەستىكتى تەرەڭدەتىپ، حالىقارالىق ادىلدىك پەن ادىلەتتىلىكتى قورعاۋدا، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋدا، بىرگە دامۋدى، گۇلدەنۋدى جەبەۋدە تىرەكتىك رول اتقارۋى كەرەك. وسى رەتكى ماجىلىسكە قاتىناسقان ەكى پارتيا ۋاكىلدەرىنىڭ ىشكەرىلەي اۋىس - كۇيىس جاساپ، ورتاق تانىم ۇيىستىرىپ، ەكى پارتيانىڭ ستراتەگيالىق سەلبەستىگىنىڭ تىڭ پاراعىن بىرگە اشىپ، جاڭا داۋىردەگى جۇڭگو - رەسەي قاتىناسىن جاپپاي تەرەڭدەتۋگە، اناعۇرلىم ءادىل، ۇيلەسىمدى حالىقارالىق ءتارتىپ ورناتۋدى ىلگەرىلەتۋگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ەكى ەلدىڭ بيلىكتى پارتياسىنىڭ اقىل - پاراساتى مەن كۇش - قۋاتىن ارناۋىن ءۇمىت ەتەمىن.
پۋتين قۇتتىقتاۋ حاتىندا مىنانى ءبىلدىردى: ءبىر تۇتاس رەسەي پارتياسى مەن جۇڭگو كوممۋنيستىك پارتياسى جەكە - جەكە رەسەي مەن جۇڭگونىڭ نەگىزگى ساياسي كۇشى رەتىندە بيىل پارتيانىڭ كەلەلى ەسكە ءتۇسىرۋ كەزەڭىن، ياعني جۇڭگو كوممۋنيستىك پارتياسى قۇرىلعانىنىڭ 100 جىلدىعىن جانە ءبىر تۇتاس رەسەي پارتياسى قۇرىلعانىنىڭ 20 جىلدىعىن قارسى الدى. ەكى پارتيانىڭ تىلدەسۋى اۋەلدەن - اق رەسەي مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ ماڭىزدى قۇرامداس بولەگى بولىپ كەلەدى. ەڭ ماڭىزدىسى، جاڭا تيپتى ايدارشا ۆيرۋس وكپە قابىنۋ اۋرۋىنىڭ ىقپالىنا ۇشىراعانىمەن، ءبىر تۇتاس رەسەي پارتياسى جۇڭگو كوممۋنيستىك پارتياسىمەن ورتالىق جانە جەرگىلىكتى ورىندار تۇرعىسىنان جالپى بەتتىك بارىس - كەلىستى باستان - اياق ساقتاپ كەلەدى. ەكى جاق ەكى جاقتى سەلبەستىكتىڭ كوپتەگەن كەلەلى كەڭەستىك تاقىرىبىن ىشكەرىلەي تالقىلاپ، پارتيا قۇرىلىسى، زاڭ شىعارۋ قىزمەتى سياقتىلاردى ارقاۋ ەتىپ، امالياتتىق تاجىريبەلەردى اۋىستىرىپ، كوپتەگەن پايدالى، رەال قاجەتكە ۇيلەسەتىن قوعامدىق ساياسي باستامانى سايكەستى قالىپتاستىردى. وسى رەتكى ماجىلىسكە قاتىناسقان ۋاكىلدەردىڭ سىندارلى، ناتيجەلى قىزمەت ىستەپ، رەسەي مەن جۇڭگونىڭ، سونداي - اق ەكى ەل حالىقتارىنىڭ دوستىعى مەن ءوزارا تۇسىنىگىن ونان ارى بەكەمدەۋىن ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
