راديو ارقىلى دەنساۋلىق ساقتاۋ ونىمدەرىن جارنامالاۋ كوبەيدى
جالعان ۇگىتتى پارىقتاۋ قابىلەتىن جوعارىلاتۋ كەرەك
شينحۋا اگەنتتىگىنىڭ ءتىلشىسى شيۇڭ لين، لياڭ زى
2021.04.23 14:26 كەلۋ قاينارى : حالىق تورابى
جاي عانا دەنساۋلىق ساقتاۋ ءونىمى «بارلىعىنا ەم بولاتىن كەرەمەت توركىن كىلەتكا» دەپ ۇگىتتەلدى، ءارقانداي اۋرۋعا ەم بولىپ قالماستان، «80 كۇندە كىلەتكانى قايتا تۋىنداتاتىن، 80 كۇندە قاندى تازارتاتىن» حيكىمەت رولدارى دا بار دەپ جارنامالاندى ... ءتىلشىنىڭ تەكسەرۋ بارىسىندا بايقاۋىنشا، راديو ارقىلى جارنامالاۋ جاسىرىن ەتەك العان، اسىلگى باعاسى بىرنەشە يۋانعا تاتيتىن دەنساۋلىق ساقتاۋ ءدارىسى لەزدە «حيكىمەت دارىگە» اينالىپ شىعا كەلىپ، باعاسى 10 ەسەدەن 100 ەسەگە دەيىن كۇرت ارتتى.
«ەسكىلىكتى اۋرۋدى، سوزىلمالى اۋرۋدى، وڭايشىلىقپەن ەم قونبايتىن اۋرۋدى تۇگەل جازا الا ما؟ الاڭداماڭىز، ادام دەنەسىنىڭ نەگىزگى كىلەتقاسى ارقىلى ەمدەۋ ءتاسىلى 80 كۇندە دەنەڭىزدەگى كىلەتكالاردى قايتا تۋىنداتادى! 80 كۇندە باۋىردىڭ قىزمەتىن قالپىنا كەلتىرەدى! دەرەۋ تەلەفون سوعىپ، تاپسىرىس بەرىڭىز!» وسى تەكتەس مامانداردىڭ ءتۇسىندىرۋى، تىڭدارماندارمەن سويلەسۋى، تەلەفون ارقىلى ءدارى ساتۋ سياقتى راديو مازمۇندارىنىڭ «كومەسكى راديو» ارقىلى تارالىپ جاتقان بولۋى مۇمكىن.
مۇنداي راديو مازمۇندارىنىڭ نەگىزگى مازمۇنى ۇقساپ كەتەدى — ولاردىڭ بارلىعى دەنساۋلىق ساقتاۋ جونىندەگى كەڭەس فورماسىندا جاسالاتىن ءدارى – دارمەكتەردى ۇگىتتەيتىن جارنامالار، بەلگىلى تۇردەگى ەمدەۋ امالىن جالپىلاستىرۋ ارقىلى ءدارى – دارمەك ساتۋدى كوزدەيدى.
مەملەكەتتىڭ كوپ جىلداردان بەرى قاتاڭ باسقارۋىنىڭ ارقاسىندا، ەمدەۋ اسپاپتارى مەن دەنساۋلىق ساقتاۋ ونىمدەرىنە قاتىستى بەلگىلەمەگە قايشى كوپ مولشەردەگى جارنامالار رەسمي راديو – تەلەۆيزيا ستانسيالارى ارقىلى جاريالانا المايتىن بولدى. الايدا، ءىشىنارا رايون، اۋداندارداعى راديو – تەلەۆيزيا ستانسيالارى جارناما ۋاقىتىن جارناما سەرىكتەستىكتەرىنە كوتەرەگە بەرەتىندىكتەن، بۇل جالعان جارنامالارعا وراي تۋدىرادى.
مۇنداي «كومەسكى راديولار»، ءىس جۇزىندە، زاڭدى راديو جيىلىگى ارقىلى جارناما زاڭىنداعى بەلگىلەمەلەرگە قايشى كەلەتىن جارنامالاردى بەرەدى. جارنامالاردىڭ مازمۇنى دەنساۋلىق ساقتاۋ ونىمدەرىن، ەمدەۋ اسپاپتارىن جارنامالاۋ قاتارلىلاردى نەگىز ەتەدى.
ال، اتالمىش «مامانداردىڭ تانىستىرۋى» جانە «تىڭدارمانداردان كەلگەن تەلەفوندى قابىلداۋ» تۇگەلدەي ساتۋشىلاردىڭ الدىن – الا دىبىسقا الىپ قويعان ماتەريالدارى. ءىس جۇزىندە، تىڭدارمانداردىڭ جالعاعان تەلەفونى «لەكسيا» الاڭىندا مۇلدە قابىلدانبايدى، راديونىڭ مازمۇنى تۇگەل الدىن – الا دايىندالعان.
ءتىلشى مىنانى بايقادى: «كومەسكى راديو» كوڭىل – كۇيگە اسەر ەتۋ ارقىلى زات ساتۋ سىندى امالدى قولدانىپ، ورتا جاستارداعىلار مەن قارتتاردى نەگىزگى نىسانا ەتەدى.
تەكسەرۋگە الىنعان بەلگىلى دەنساۋلىق ساقتاۋ ونىمدەرى سەرىكتەستىگىنىڭ ىشكى جاقتاعى كۋرس ماتەريالدارىندا، «لەكسيا» جاريالانعان سوڭ، ساتۋشىلار الارمانداردىڭ تەلەفونىن قابىلداعان كەزدە قالاي سويلەسۋى كەرەك ەكەنى ەگجەي – تەگجەيلى جازىلعان: تاۋاردى تىكەلەي ۇگىتتەۋگە بولمايدى، الارمانداردىڭ اۋرۋ تاريحىن ۇعىسۋ بارىسىندا جىلى سويلەسىپ، جاعدايىن سۇراۋ كەرەك، سونىمەن بىرگە، الارمانداردىڭ مىنەزىنە، وتباسى جاعدايىنا جانە ساتىپ الۋ مۇمكىنشىلىگىنە تالداۋ جاساۋ كەرەك. تۇتىنۋشىلارعا كوڭىل ءبولۋ ارقىلى ولاردىڭ سەنىمىنە يە بولۋ قاجەت. ورتا جاستارداعىلار مەن قارتتار ءدارى – دارمەك ساتۋشىلاردى ىشتەي «جاقىن تارتقان» سوڭ، ساتۋشىلار الارماندارمەن بولعان جاقىن بايلانىستان پايدالانىپ، تاۋارلاردى ساتۋى كەرەك.
راديو تولقىنى بەيجيڭ – تيانجين – حىبەيدى قامتىسا، ءدارى – دارمەكتەرى شىعىس سولتۇستىك، باتىس وڭتۇستىك قاتارلى جەرلەردە وندىرىلگەن بولۋى مۇمكىن، ال، زاتتارى جەدەل جولداما ارقىلى بۇكىل ەلىمىزدىڭ جەر – جەرىنە جونەلتىلەدى ... مۇنداي بىتىراڭقى تيجارات فورماسى باقىلاۋ – باسقارۋدىڭ قيىندىق دارەجەسىن ارتتىرىپ، تۇتىنۋشىلاردىڭ ۇقىعىن قورعاۋىنا قيىندىق تۋدىرادى.
قازىرگە دەيىن، پروكۋراتۋرا ورگاندارى وسىعان بايلانىستى اكىمشىلىك جاقتاعى الەۋمەتتىك يگىلىك سيپاتتى ارىز – شاعىم دەلوسىن اياقتاتتى. قاتىستى تاراۋلار «كومەسكى راديوعا» قاتىستى ورىنداردى، كاسىپورىندارى جونگە سالدى جانە ءبىرجاقتى ەتتى. سونىمەن بىرگە، بەيجيڭ قالالىق پروكۋراتۋرا مەكەمەسىنىڭ 4 – بولىمشە مەكەمەسى تەكسەرىپ انىقتاعان دەلوعا قاتىستى ءجىپ ۇشتارىن حىبەي قاتارلى جەرلەردەگى پروكۋراتۋرا ورگاندارىنىڭ ءبىرجاقتى ەتۋىنە جوتكەپ بەردى، حىبەي پروكۋراتۋرا ورگانى الەۋمەتتىك سيپاتتاعى ارىز – شاعىم ءتارتىبىن ىسكە قوستى ءارى قاتىستى ورىندارعا پروكۋراتۋرالىق پىكىر جولداپ، ماسەلەنى تۇبىرىنەن شەشىم ەتۋگە قۋزاۋ سالدى.
بەيجيڭ قالالىق پروكۋراتۋرا مەكەمەسى 4 – بولىمشە مەكەمەسى 4 – پروكۋرورلىق ءبولىمىنىڭ پروكۋرورىنىڭ كومەكشىسى لي فانشى تىلشىگە: «تۇتىنۋشىلاردىڭ وزدەرى دە ساقتىقتى كۇشەيتۋى، جالعان جارنامالاردى پارىقتاۋ قابىلەتىن جوعارىلاتۋى كەرەك»، — دەدى. جوعارىداعى دەلونى مىسالعا الساق، وسى تەكتەس اتالمىش «ادام دەنەسىندەگى كەرەمەت نەگىزدىك كىلەتكا» دەنساۋلىق ساقتاۋ ءونىمى ءارقانداي اۋرۋدى ەمدەيتىن حيكىمەت ءدارى دەپ ۇگىتتەلگەن، ادامنىڭ قاي جەرىندە اۋرۋ بولسا، سول جەردى ەمدەيدى، جوعارى قان قىسىمى، قانتتى نەسەپ اۋرۋى، جۇرەك – قان تامىر اۋرۋلارى، جەل – قۇز، سۇيەك اۋرۋلارى قاتارلىلاردىڭ بارلىعىن ەمدەي الادى، «بۇل مۇمكىن ەمەس قوي»، — دەيدى ول.ذ
تيانجين قالاسى شىچۋان ادۆوكاتتار ءىس باسقارماسىنىڭ سەرىكتەسى لي حان بىلاي دەپ ەسكەرتتى: كەيبىر جاڭا دارىلەر مەن جاڭا ەمدەۋ تاسىلدەرىنە ۇستامدى، بايسالدى پوزيتسيادا بولعان ءجون. ەگەر سەنە كەتىپ، يلانا كەتىپ، بۇل تەكتەس ەمدەۋ ونىمدىلىگىن اسىرا ماقتاۋ، جالعان جارناما جاساۋ قاتارلى تاسىلدەرمەن ساتىلعان دەنساۋلىق ساقتاۋ ونىمدەرىن ساتىپ العان بولساڭىز، تۇتىنۋشىلاردىڭ ۇقىق – مۇددەسىن قورعاۋ زاڭىنىڭ 55 – تارماعىنداعى بەلگىلەمەلەر بويىنشا، تيجارات ەتۋشىلەردەن تولەم الۋىڭىزعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
