شي جينپيڭ باسشىلاردىڭ كليمات باس قوسۋىنا قاتىناستى ءارى ماڭىزدى ءسوز سويلەدى
جاسىل دامۋدا، كوپ جاقتىلىقتا، ورتاق، ءبىراق پارىقتى جاۋاپكەرلىك ارقالاۋ پرينسيبىندە تاباندى بولىپ، ادام مەن تابيعاتتىڭ تىرشىلىك ورتاق تۇلعاسىن بىرگە قۇرۋدى دارىپتەدى
2021.04.23 14:35 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 22 - كۇنى، بەيجيڭ. ا ق ش زۇڭتۇڭى بايدەننىڭ ۇسىنىسى بويىنشا مەملەكەت ءتوراعاسى شي جينپيڭ 4 - ايدىڭ 22 - كۇنى كەشتە بەيجيڭدە بەينە ەكران تاسىلىمەن باسشىلاردىڭ كليمات باس قوسۋىنا قاتىناستى ءارى «ادام مەن تابيعاتتىڭ تىرشىلىك ورتاق تۇلعاسىن بىرگە قۇرايىق» دەگەن تاقىرىپتا ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: كليمات وزگەرىسى ادامزاتتىڭ ءومىر ءسۇرۋى مەن دامۋىنا اۋىر سىن الا كەلدى. جەر شارى ورتاسىن وڭاۋداعى بۇرىن بولىپ كورمەگەن قيىنشىلىق الدىندا حالىقارالىق قوعام بۇرىن بولىپ كورمەگەن ۇلى مۇرات پەن ارەكەتپەن كليمات وزگەرىسىنە توتەپ بەرۋدىڭ شارالارىن بىرگە اقىلداسىپ، ادام مەن تابيعاتتىڭ جاراسىمدى قاتار ءومىر ءسۇرۋ جولىن بىرگە قاراستىرىپ، جاۋاپكەرلىكتى باتىلدىقپەن ارقالاپ، ءبىر جاعادان باس، ءبىر جەڭنەن قول شىعارىپ، ادام مەن تابيعاتتىڭ تىرشىلىك ورتاق تۇلعاسىن بىرگە قۇرۋى كەرەك.
ءبىرىنشى، ادام مەن تابيعاتتىڭ جاراسىمدى قاتار ءومىر سۇرۋىندە تاباندى بولۋ كەرەك. ادامزات تابيعاتتى نەگىز ەتىپ، تابيعاتقا قۇرمەت ەتۋى، تابيعاتقا ۇيلەسۋى، تابيعاتتى قورعاۋى كەرەك. تابيعات پەن ەكولوگيالىق ورتانى كوز قاراشىعىنداي قورعاپ، ادام مەن تابيعاتتىڭ جاراسىمدى قاتار ءومىر ءسۇرۋىنىڭ جاڭا جاعدايىنىڭ قالىپتاسۋىن ىلگەرىلەتۋ كەرەك.
ەكىنشى، جاسىل دامۋدا تاباندى بولۋ كەرەك. ەكولوگيالىق ورتانى قورعاۋدىڭ ءوزى − وندىرگىش كۇشتى قورعاعاندىق، ەكولوگيالىق ورتانى جاقسارتۋدىڭ ءوزى − وندىرگىش كۇشتى دامىتقاندىق. ەكولوگيالىق ورتانى بۇلدىرەتىن، ءتىپتى، ويراندايتىن دامۋ ۇلگىسىن تاستاپ، ورتانى قۇربان ەتۋ ارقىلى ءبىر مەزەتتىك دامۋعا قول جەتكىزۋدەگى كوز بوياۋشىلىق ادىستەن ارىلۋ كەرەك. ەكونوميكانىڭ، ەنەرگيانىڭ، كاسىپ قۇرىلىمىنىڭ تيبىن وزگەرتىپ، دارەجەسىن جوعارىلاتۋدى كۇش سالا ىلگەرىلەتىپ، تاماشا ەكولوگيالىق ورتانى دۇنيە ءجۇزى ەكونوميكاسىنىڭ، قوعامىنىڭ باياندى دامۋىنىڭ تىرەگىنە اينالدىرۋ كەرەك.
ءۇشىنشى، جۇيەلى جونگە سالۋدا تاباندى بولۋ كەرەك. تاۋ، سۋ، ورمان، اتىز، كول، جايىلىم، ءشول − بولىنبەس ەكولوگيالىق جۇيە. ەكولوگيالىق جۇيەنىڭ ىشكى زاڭدىلىعى بويىنشا، جاراتىلىستىق ەكولوگيانىڭ ءارقايسى فاكتورىن ءبىر تۇتاس ويلاستىرىپ، سول ارقىلى ەكولوگيالىق جۇيەنىڭ اينالىم قۋاتىن كۇشەيتۋ، ەكولوگيالىق تەپە - تەڭدىكتى قورعاۋ نىساناسىنا جەتۋ كەرەك.
ءتورتىنشى، ادامدى نەگىز ەتۋدە تاباندى بولۋ كەرەك. ورتانى قورعاۋ مەن ەكونوميكانى دامىتۋدىڭ، جۇمىستانۋ ورىندارىن اشۋدىڭ، كەدەيلىكتى جويۋدىڭ سايكەستى ونىمدىلىگىن ارتتىرۋ جونىندە ىزدەنىس جاساپ، جاسىل تيپكە بۇرىلىس جاساۋ بارىسىندا قوعامدىق ادىلدىك پەن ادىلەتتىلىكتى قۇلشىنا جۇزەگە اسىرىپ، ءار ەل حالقىنىڭ تابىس، باقىت، حاۋىپسىزدىك سەزىمىن ارتتىرۋ كەرەك.
بەسىنشى، كوپ جاقتىلىقتا تاباندى بولۋ كەرەك. حالىقارالىق زاڭدى نەگىز، ادىلدىك پەن ادىلەتتىلىكتى ماقسات، ءونىمدى ارەكەتتى جەتەكشى ەتۋدە تاباندى بولىپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى قورعاپ، «بىرلەسكەن مەملەكەتتەر ۇيىمىنىڭ كليمات وزگەرىسى جونىندەگى جۇلگەلىك شارتىنا» جانە «پاريج كەلىسىمىنىڭ» نىساناسى مەن پرينسيبىنە بويسۇنۋ كەرەك. جۇڭگو ا ق ش - تىڭ كوپ جاقتى كليماتتى جونگە سالۋ اياق الىسىنا قايتا ورالۋىن قارسى الادى، ا ق ش - تى قامتىعان حالىقارالىق قوعاممەن بىرگە دۇنيە جۇزىلىك قورشاعان ورتانى جونگە سالۋدى ىلگەرىلەتۋ جولىندا بىرگە قۇلشىنۋدى ءۇمىت ەتەدى.
التىنشى، ورتاق، ءبىراق پارىقتى جاۋاپكەرلىك ارقالاۋ پرينسيبىندە تاباندى بولۋ. وركەندەپ كەلە جاتقان ەلدەردىڭ كليمات وزگەرىسىنە توتەپ بەرۋدە قوسقان ۇلەسىن تولىق تۇراقتاندىرىپ، ولارىڭ ەرەكشە قيىنشىلىعى مەن كوڭىل ءبولىپ وتىرعان ماسەلەلەرىنە كوڭىل ءبولۋ كەرەك. دامىعان ەلدەر اناعۇرلىم ۇلى مۇرات پەن ارەكەتتى ايگىلەۋى، سونىمەن بىرگە، وركەندەپ كەلە جاتقان ەلدەردى قارجى، تەحنيكا، قابىلەت قۇرىلىسى سياقتى جاقتاردان شىنايى قولداۋى كەرەك.
شي جينپيڭ مىنالاردى دارىپتەدى: جۇڭگو ەكولوگيالىق وركەنيەت ۇستانىمى مەن ەكولوگيالىق وركەنيەت قۇرىلىسىن جۇڭگوشا سوتسياليزمنىڭ جالپى تۇلعالىق ورنالاستىرۋىنا ەنگىزىپ، ەكولوگيانى الدىمەن ەسكەرۋ، جاسىل، تومەن كومىرتەكتى دامۋ جولىمەن جۇرۋدە تاباندى بولادى. جۇڭگو جاق 2030 - جىلدان بۇرىن كومىرتەگىن ىعىستىرۋدى جوعارى شەككە جەتكىزۋ، 2060 - جىلدان بۇرىن كومىرتەگىن بەيتاراپتاندىرۋدى جۇزەگە اسىرۋ نىساناسىن ورىنداۋعا كۇش سالاتىنىن جاريالادى، بۇل − ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جانە باياندى دامۋدى جۇزەگە اسىرۋ نەگىزىندە جاسالعان كەلەلى ستراتەگيالىق شەشىم، جۇڭگونىڭ جاپالى قۇلشىنىسىن قاجەت ەتەدى. جۇڭگو كومىرتەگىن ىعىستىرۋدى جوعارى شەككە جەتكىزۋ ارەكەت جوسپارىن جاساپ، كومىرتەگىن ىعىستىرۋدى جوعارى شەككە جەتكىزۋ ارەكەتىن كەڭ كولەمدە ىشكەرىلەي ورىستەتىپ، شارت - جاعدايى بار جەرلەر مەن ءتۇيىندى سالالاردىڭ، ءتۇيىندى كاسىپورىنداردىڭ الدىمەن كومىرتەگىن ىعىستىرۋدى جوعارى شەككە جەتكىزۋىنە قولداۋ كورسەتىپ وتىر. جۇڭگو كومىر ەلەكتر نىساندارىن قاتاڭ تىزگىندەپ، «14 - بەسجىلدىق» مەزگىلىندە كومىر تۇتىنۋىنىڭ ارتۋىن قاتاڭ تىزگىندەپ، «15 - بەسجىلدىق» مەزگىلىندە بىرتىندەپ ازايادى.
شي جينپيڭ بىلاي دەپ اتاپ كورسەتتى: دۇنيە ءجۇزىنىڭ ەكولوگيالىق وركەنيەت قۇرىلىسىنا ات سالىسۋشى، ۇلەس قوسۋشى، جەتەكشىلىك ەتۋشى رەتىندە جۇڭگو كوپ جاقتىلىقتى تاباندىلىقپەن امالياتتا ايگىلەپ، ءادىل دە ۇيلەسىمدى، سەلبەسىپ تەڭ يگىلىككە كەنەلەتىن دۇنيە جۇزىلىك قورشاعان ورتانى جونگە سالۋ جۇيەسىن ورناتۋدى قۇلشىنا ىلگەرىلەتتى. جۇڭگو جاق بيىل 10 - ايدا «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىن وتكىزىپ، دۇنيە جۇزىندەگى ورگانيزمدەردىڭ الۋان تۇرلىلىگىن جونگە سالۋدىڭ تىڭ ساتىعا كوتەرىلۋىن ءار جاقپەن بىرگە ىلگەرىلەتەدى. جۇڭگو وركەندەپ كەلە جاتقان ەلدەردىڭ ءتۇرلى فورماداعى ناقتى سەلبەستىگى ارقىلى وركەندەپ كەلە جاتقان ەلدەردىڭ كليمات وزگەرىسىنە توتەپ بەرۋ قابىلەتىن جوعارىلاتۋىنا كومەكتەسەدى. جۇڭگو تاعى ەكولوگيالىق وركەنيەت سالاسىنداعى سەلبەستىكتى «ءبىر بەلدەۋ، ءبىر جولدى» بىرگە قۇرۋدىڭ ءتۇيىندى مازمۇنى ەتىپ، «ءبىر بەلدەۋ، ءبىر جولدى» بىرگە قۇرۋعا ات سالىسقان ءار ەل حالىقتارىنا ۇزدىكسىز باقىت جاراتادى.
شي جينپيڭ بىلاي دەپ اتاپ كورسەتتى: كليمات وزگەرىسىنىڭ ادامزاتقا الا كەلگەن سايىسى − رەال، قاتاڭ، ۇزاق بولاشاقتىق سايىس. مەن تەك ءبىر جاعادان باس، ءبىر جەڭنەن قول شىعارساق بولعانى، ادامزاتتىڭ جەر شارى كليمات ورتاسىنىڭ سىن - سايىسىنا ويداعىداي توتەپ بەرىپ، ۇرپاقتارعا تازا دا كوركەم دۇنيە ءجۇزىن قالدىراتىنىنا كامىل سەنەمىن (ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار).
ماجىلىسكە قاتىناسقان باسشىلار مىنانى ءبىلدىردى: كليمات وزگەرىسى − حالىقارالىق قوعام ورتاق ءدوپ كەلىپ وتىرعان قاتاڭ سايىس، ول بۇكىل دۇنيە ءجۇزىنىڭ تىزە قوسا توتەپ بەرۋىن قاجەت ەتەدى. جەدەل ارەكەت قولدانىپ، بىلعانىشتىڭ شىعارىلۋىن ازايتۋ تەبىنىن ونان ارى ارتتىرىپ، تەحنيكادا جاڭالىق اشۋدى كۇشەيتىپ، تازا ەنەرگيانى زور كۇشپەن دامىتىپ، اناعۇرلىم كوپ جۇمىستانۋ ورايىن جانە اناعۇرلىم زور ارتۋ كەڭىستىگىن جاراتىپ، جاسىل، اناعۇرلىم باياندى دامۋدى جۇزەگە اسىرىپ، ادامزاتتىڭ ورتاق مەكەنىن ويداعىداي قورعاپ، ادام مەن تابيعاتتىڭ جاراسىمدى قاتار ءومىر سۇرۋىنە مۇمكىندىك جاساپ، ۇرپاقتارعا باقىت جاراتۋ كەرەك. كۇنميڭدەگى «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ تابىستى بولۋىنا قولداۋ كورسەتەمىز. ءالسىز ەلدەر مەن توپتارعا اناعۇرلىم نازار اۋدارۋ كەرەك، دامىعان ەلدەر وركەندەپ كەلە جاتقان ەلدەرگە قارجى جانە تەحنيكا جاقتارىنان ءتىپتى دە كوپ قولداۋ كورسەتىپ، ولاردىڭ كليمات وزگەرىسىنە توتەپ بەرۋىنە جانە وعان ۇيلەسۋىنە كومەكتەسۋى كەرەك.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار باسشىلار باس قوسۋىنا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
