كىرىس مولايدى، بارعان سايىن بالداي ءتاتتى تۇرمىس كەشىردى
دوڭگەلەك داۋلەتتىلىككە ءبىر نيەتپەن ۇمتىلۋ
□ انار بۇلت/ شينجياڭ گازەتىنىڭ ءتىلشىسى ۋاڭ نا
2021.04.25 14:32 كەلۋ قاينارى : شينجياڭ گازەتى
4 - ايدىڭ سوڭعى شەنى، بوعدا تاۋىنىڭ باسى ءالى اپپاق قارعا قىمتانىپ جاتقاندا، تاۋ ەتەگىندەگى موري قازاق اۆتونوميالى اۋدانىنىڭ دانانگوۋ وزبەك اۋىلىندا كوكتەم لەبى ەستى، قابىرعاسى سارى رەڭدى، قىزىل توبەلى بەيقۇت ۇيلەر قاز - قاتار ءتىزىلىپ، ءۇي - ءۇيدىڭ ەسىك الدى مەن ارتىندا اعاشتار بۇرشىك جارىپ، گۇلدەپ، بىرەۋلەر كورشى ءۇيدىڭ سيىرىنا ”جەم“ اپارۋمەن قاربالاس بولسا، بىرەۋلەر مالشىلار شاتتىعى ساياجايىن رەتتەۋمەن ابىگەر... بارلىعىنان جالىنداعان ومىرشەڭدىك مەن مۇندالايدى.
تاۋدان ءتۇسىپ وتىرىقتاندى، تۇرمىستارى بارعان سايىن جاقساردى
دانانگوۋ وزبەك اۋىلى دۇڭگوۋ قىستاعىنىڭ تۇرعىنى قايراتبەك ءبيسۇلتان بيىل 53 جاستا. وسى ەكى كۇندە ول جەم جەتكىزۋمەن قاربالاس ءجۇر. ”ەكى بالام دا ءۇيلى - باراندى بولدى. جۇبايىم ەكەۋىمىز وسىنشا كەڭ بەيقۇت ۇيدە تۇرامىز، جەم ساتۋدان جىلىنا 10 نەشە مىڭ يۋان كىرىس كىرەدى، بارعان سايىن بالداي ءتاتتى تۇرمىس كەشىرىپ كەلەمىز“، - دەدى ول.
بالداي ءتاتتى تۇرمىسىن انىق ءتۇسىندىرۋ ءۇشىن، قايراتبەك تىلشىگە ءوزىنىڭ جاس كەزىندە باسىنان وتكەن ءبىر ءىستى ايتىپ بەردى.
”بۇرىن تاۋدا كوشپەندى تۇرمىس وتكىزەتىنبىز“، - دەدى قايراتبەك، ول 19 جاسقا شىققان جىلى قىستا ءبىر كاريا تۇتقيىل اۋىر ناۋقاسقا شالدىعادى، ءدال سول كەزدە تاۋدى قالىڭ قار باسىپ قالعاندىقتان، ۇيىندەگىلەر اتتىلى - جاياۋ ءجۇرىپ 7 كۇن دەگەندە اۋداندىق شيپاحاناعا جەتكىزەدى، ءبىراق كاريا قۇتقارۋ ۋاعىندا جۇرىلمەگەندىكتەن وكىنىشپەن كوز جۇمادى.
1987 - جىلى 7 - ايدا دانانگوۋ وزبەك اۋىلى قۇرىلدى، ىلە - شالا مەملەكەت بەلگىلەگەن مالشىلاردى وتىرىقتاندىرۋ ءتيىمدى ساياساتتارى ءجۇرىلدى. ”مەن ويلانىپ - تولعانىپ وتىرماي، تاۋدان ءتۇسۋ بەكىمىنە كەلدىم“، - دەدى قايراتبەك.
تاۋدان ءتۇسىپ وتىرىقتانعان سوڭ مالشىلار ۇكىمەت قوسىمشا قاراجات بەرىپ سالدىرعان ۇيلەردە تۇردى، سايكەستى مەكتەپ، شيپاحانا بار، مال باعۋ دا بىردەن - ءبىر ءوندىرىس ءتاسىلى بولۋدان قالدى، ادامدار بىرتىندەپ كولەمدەنگەن قورادا باعىمشىلىقپەن شۇعىلدانۋ جولىنا ءتۇستى، تاعى ەگىن ەكتى، جۇمىس ىستەدى، ساۋدا جاسادى... كىرىس قاينارى كوپ نەگىزدەندى، قالتاسى دا بارعان سايىن قامپايا ءتۇستى.
قايراتبەك سيىر - قويلاردى باسقالارعا اماناتتاپ باقتىرىپ، ءوزى جەم - ءشوپ ساۋداسىمەن اينالىستى. ول تاعى جۇڭگو كوممۋنيستىك پارتياسىنا مۇشە بولدى، الەۋمەتتىك يگىلىك قيمىلدارعا قاتىناسىپ، قوعامعا قارىمجى قايتاردى. بىلتىر ىندەت كەزىندە ول قايىرىمدىلىق تاراۋلارى ارقىلى حۋبەيعا 5000 يۋان جىلۋ اتادى.
مىعىم كۇش - قايراتپەن ساياحاتتىڭ قاۋىرت مەزگىلىن قارسى الدى
بوعدا تاۋىنىڭ ءشوبى شۇيگىن، اعاشى كوپ، اعىن سۋى مول. مالشىلار تاۋدان ءتۇسىپ وتىرىقتانعاننان كەيىن كورىكتى تاۋ ەلسىز قالىپ قۇلازىعان جوق، جەرگىلىكتى ورىن ەكولوگيالىق ورتانى قورعاۋ العى شارتىندا، تاۋ باسىندا ساياحات نەگىزدىك قۇرىلعىلارىن قۇرىپ، مالشىلاردى ساياحات قىزمەت وتەۋىمەن شۇعىلدانۋعا شابىتتاندىردى.
”كەيىن كەلە موريدان ءپىشانعا دەيىنگى تاس جولدا كولىك قاتىناپ، ءبىزدىڭ اۋىلدىڭ ساياحات كاسىبىنە تاماشا وراي اكەلدى“، - دەدى دانانگوۋ وزبەك اۋىلدىق پارتكومىنىڭ ورىنباسار شۋجيى، اۋىل باستىعى نۇرلان، ءپىشان مەن موريدىڭ اراسىن بيىك تاۋ ءبولىپ تۇرادى، بۇرىن ەكى اراعا قاتىناۋ ءۇشىن، تاۋدان ءوتىپ، اسۋدان اسىپ 10 ساعاتقا جۋىق ۋاقىت جۇمسالاتىن، قازىر كولىكپەن شىعىس تيانشان تۋنەلىنەن وتكەندە نەبارى 3 ساعات عانا ۋاقىت كەتەدى.
جازدا موري سالقىن، جانعا جايلى، كوپتەگەن ءپىشاندىقتار دانانگوۋ وزبەك اۋىلىنا ءوز كولىگىمەن كەلىپ سالقىندايدى. ”ءار كۇنى 800 نەشە كولىك كەلەدى“، - دەدى نۇرلان، مالشىلار ساۋدا ورايىن ءداپ باسىپ، كەيبىرەۋى تاۋدا كيىز ءۇي تىگىپ ساياحاتتىق كۇتىپ الۋمەن شۇعىلدانسا، كەيبىرەۋى ساياحاتشىلاردىڭ مىنۋىنە ات جالدادى، كەيبىرەۋلەر كورىنىس وڭىرىندە ەرەكشە اۋىل شارۋاشىلىعى ونىمدەرىن ساتتى.
دۇڭگوۋ قىستاعىنىڭ تۇرعىنى ەرمۇرات تاۋدا 3 كيىز ءۇي تىگىپ الدى، ساياحاتتىڭ قاۋىرت كەزىندە ول ايەلى ەكەۋى تاۋدا ساياحاتتىق كۇتىپ الۋمەن اينالىسادى، ءار جىلى جازدا تەك وسى تۇردەن 40 مىڭ يۋاننان استام كىرىس تابادى.
جۋىقتا ەرمۇرات پەن ايەلى ۇلتتىق ەرەكشەلىككە باي كورپە - جاستىقتى، توسەنىشتەردى، سۇيەنىش جاستىقتاردى تاپ - تازا جۋىپ، ەڭ جاقسى كۇيمەن الداعى ساياحاتتىڭ قاۋىرت مەزگىلىنە جاقسى دايىندالدى.
جۇمىستانۋدى كۇش سالا قامتاماسىز ەتتى
دانانگوۋ وزبەك اۋىلىندا ساياحاتتىق كۇتىپ الۋعا شەبەر ەمەس، ساۋدا ىستەي المايتىن مالشىلار دا كىرىستەن الاڭدامايدى، ولارعا قىزمەت ورايى كوپ.
نۇرلان بىلاي دەپ تانىستىردى: دانانگوۋ وزبەك اۋىلى ءتيىمدى ساياسات شىعارىپ ورتاشا، شاعىن، ۇساق كاسىپورىنداردى اۋىل - قىستاققا ىرگە تەبۋگە شابىتتاندىرىپ، ەڭبەككۇشتەردى جاقىن ماڭدا جۇمىستانۋعا باۋرادى.
موري قازاق اۆتونوميالى اۋدانى الي ازىق - تۇلىك شەكتى سەرىكتەستىگىنىڭ باس ديرەكتورى ما گوجۇن بىلاي دەپ تانىستىردى: ساپالى ءسۇت بايلىعى قاينارى، مول ادام كۇشى بايلىعى، سالىق تيىمدىلىك ساياساتى سياقتىلار كاسىپورنىمىزدى 2017 - جىلى اۋدان قالاشىعىنان دانانگوۋ وزبەك اۋىلىنا كوشىپ كەلۋگە باۋرادى.
قازىر الي ازىق - تۇلىك شەكتى سەرىكتەستىگىندە 41 جۇمىسشى - قىزمەتكەر بار، كوپشىلىگى دانانگوۋ وزبەك اۋىلىنان كەلگەن. سەرىكتەستىكتە نان، بولكا، شيراتپا، بالكۇلشە، تۇشپارا، پراندىك سياقتى 10 نەشە تارماق ءوندىرىس جەلىسى بار، ونىمدەر سانجى، ءۇرىمجى، تۇرپان، التاي سياقتى كوپتەگەن قالالارعا ىركىلىسسىز ساتىلۋدا.
دانانگوۋ قىستاعىنىڭ تۇرعىنى سايرامحان نۇرعازى بىلاي دەدى: بۇرىن بۇكىل ءۇي ىشىمىزبەن كۇيەۋىمنىڭ جۇمىس ىستەپ تاپقان كىرىسى مەن جەردى اينالىمعا بەرۋدەن تۇسكەن اقشاعا سۇيەنەتىنبىز، كۇنىمىز ءۇپى - ءتاپى وتەتىن. بالاسى ىشكى وڭىرلەردەگى شينجياڭ ورتا مەكتەپ كلاسىنا قابىلدانعان سوڭ، ول الي ازىق - تۇلىك شەكتى سەرىكتەستىگىنە جۇمىسقا شىقتى، ايلىق ەڭبەكاقىسى 2800 يۋان، تۇرمىسى ءماندى دە قۋانىشتى.
نۇرلان بىلاي دەپ تانىستىردى: دانانگوۋ وزبەك اۋىلىنىڭ 2020 - جىلعى جان باسىندىق تازا كىرىسى 15 مىڭ 700 يۋان بولدى. بيىل بۇكىل اۋىل بولىپ جوعارىدان تومەنگە دەيىن مىعىم كۇش - قايراتقا كەلىپ، دامۋ ورايىن اناعۇرلىم مىقتاپ يگەرىپ، ءبىر نيەتپەن كۇش بىرىكتىرە كۇندەرىن اناعۇرلىم تاماشا وتكىزبەك.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
