مەملەكەتتىك ساياسي كەڭەس قوس اپتالىق كەڭەس اڭگىمە ءماجىلىسىن اشتى
«شياڭگاڭ، اۋمىن جاستارى مەن ورەندەرىنىڭ وتانشىلدىق تاربيەسىن كۇشەيتۋ» توڭىرەگىندە ۇكىمەت ءىسىن كەڭەستى، ۋاڭ ياڭ ءماجىلىستى باسقاردى
2021.04.25 16:21 كەلۋ قاينارى : حالىق تورابى
«حالىق گازەتى»، 4 - ايدىڭ 23 - كۇنى، بەيجيڭ. مەملەكەتتىك ساياسي كەڭەس 13 - كەزەكتى كوميتەتىنىڭ 48 - رەتكى قوس اپتالىق كەڭەس اڭگىمە ءماجىلىسى 4 - ايدىڭ 23 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى. ول مىنالاردى دارىپتەدى: شياڭگاڭ، اۋمىن جاستارى مەن ورەندەرىنىڭ وتانشىلدىق تاربيەسىن كۇشەيتۋ − شياڭگاڭ مەن اۋمىننىڭ باياندى تىنىشتىعىنا قاتىستى، نەگىز قالايتىن، ۇزاق بولاشاققا پايدالى ماڭىزدى قىزمەت. باس شۋجي شي جينپيڭنىڭ شياڭگاڭ، اۋمىن جاستارى مەن ورەندەرىنىڭ وتانشىلدىق تاربيەسىن كۇشەيتۋ جونىندەگى ماڭىزدى پايىمداۋلارىن ىشكەرىلەي ءتۇسىنىپ، «ءبىر ەل، ەكى ءتۇزىم» باعىتىن جاپپاي دۇرىس دايەكتىلەندىرىپ، «وتانشىلدار شياڭگاڭدى جونگە سالۋ»، «وتانشىلدار اۋمىندى جونگە سالۋ» پرينسيبىن تياناقتاندىرىپ، ماسەلەنى نىشان ەتۋدى كورنەكتىلەندىرىپ، شەشۋشى فاكتورلاردى مىقتى يگەرىپ، دالمە - ءدال شارا قولدانۋعا ءمان بەرىپ، ستراتەگيالىق تۇراقتىلىقتى ساقتاپ، ءار جاقتاعى كۇشتەردى شياڭگاڭ، اۋمىن جاستارى مەن ورەندەرىنىڭ اقاۋسىز ەسەيىپ - ەرجەتۋىنە كوڭىل ءبولىپ، قولداۋ كورسەتىپ، كومەكتەسۋگە جۇمىلدىرىپ، وتاندى، شياڭگاڭدى، اۋمىندى ءسۇيۋ داڭقتى ءداستۇرىنىڭ ۇرپاقتان - ۇرپاققا جالعاسۋىنا مۇمكىندىك جاساۋ كەرەك.
10 مۇشە مەن ۇسىنىس ەتىلگەن ۋاكىل ءماجىلىستىڭ نەگىزگى تاقىرىبىن ارقاۋ ەتىپ، تۇرلىشە تۇرعىدان اقىل - كەڭەس بەردى. 80 گە جۋىق مۇشە مەملەكەتتىك ساياسي كەڭەس مۇشەلەرىنىڭ مىندەت اتقارۋ تەكشەسىندە پىكىر ايتتى. مۇشەلەر بىلاي دەپ قارادى: وتاندى ءسۇيۋ − ادامدار اراسىنداعى ەڭ تەرەڭ، ەڭ باياندى سۇيىسپەنشىلىك، وتانشىلدىق تاربيە جاستار مەن ورەندەردىڭ ەسەيىپ - ەرجەتۋىندە نەگىزدىك ورىنعا يە، شياڭگاڭ، اۋمىن رايوندارىندا بۇل قىزمەتتى ىشكەرىلەي ورىستەتۋدىڭ ماڭىزى زور، كەزەك كۇتتىرمەيدى. مۇشەلەر مىنالاردى ۇسىنىس ەتتى: ورتالىقتىڭ جاپپاي باسقارۋ، جونگە سالۋ ۇقىعىن تياناقتاندىرىپ، ەرەكشە اكىمشىلىك رايون ۇكىمەتىنىڭ تۇلعالىق جاۋاپكەرلىگىن اتقارۋىن قولداپ، وقۋ - اعارتۋدىڭ جەتەكشىلىك ۇقىعىن مىقتى يگەرىپ، «ءبىر ەل، ەكى ءتۇزىم» باعىتىنا ۇيلەسەتىن وقۋ - اعارتۋ جۇيەسىن بىرتىندەپ ورناتىپ، «وتانشىلداردىڭ وقۋ - اعارتۋدى جونگە سالۋىن» جۇزەگە اسىرۋ كەرەك. شياڭگاڭ، اۋمىن جاستارى مەن ورەندەرىنىڭ وتانشىلدىق تاربيەسىنىڭ ورتا، ۇزاق مەرزىمدىك پلانىن جاساپ، قاتىستى زاڭداردى ورناتىپ جانە كەمەلدەندىرىپ، وتانشىلدىق تاربيەنىڭ سيپاتىن، مازمۇنىن، ولشەمىن، جولىن، قامتاماسىزداندىرۋ شارالارىن ايقىنداپ، قىزمەتتە بويسۇناتىن زاڭ، بويسۇناتىن ەرەجە بولۋىنا كەپىلدىك ەتۋ كەرەك. مەكتەپتەردىڭ نەگىزگى شەپ قۇرىلىسىن كۇشەيتىپ، ساباق ورنالاستىرۋ، وقۋلىق تاڭداۋ، وقىتۋشىلاردى تاربيەلەۋ، وقىتۋدى باعالاۋ سياقتى قىزمەتتەردى جاقسارتىپ، ەمتيحان الۋ جانە باعالاۋ قۇرىلىمدارى رەفورماسىن ىلگەرىلەتىپ، وقىتۋشىلاردىڭ كاسىپپەن شۇعىلدانۋىنا رۇقسات ەتۋ جانە تاربيەلەۋ ءتۇزىمىن كەمەلدەندىرىپ، وتاندى، شياڭگاڭدى سۇيەتىن مەكتەپتەردى اشۋعا قولداۋ كورسەتۋ كەرەك. قوعامدىق وقۋ - اعارتۋعا ءمان بەرىپ، ەرەكشە اكىمشىلىك رايون ۇكىمەتىنىڭ اقپارات قۇرالدارىن باسقارۋدى زاڭ بويىنشا كۇشەيتۋىن قولداپ، جاستار مەن ورەندەردىڭ اقاۋسىز ەسەيىپ - ەرجەتۋىنە تاماشا قوعامدىق ورتا ازىرلەۋ كەرەك. شياڭگاڭدىق، اۋمىندىق جاستار مەن ورەندەردىڭ ىشكى ولكەلەرگە بارىپ اۋىس - كۇيىس جاساۋ قىزمەت تاسىلىندە جاڭالىق اشىپ، ات سالىسۋ، سەزىنۋ، ىشكەرىلەي ارالاسۋ سياقتى فورمالاردى كوبىرەك قولدانىپ، باۋراۋ قۋاتى مەن ناقتى ونىمدىلىكتى كۇشەيتۋ كەرەك. ىشكى ولكە، قالالاردىڭ، اسىرەسە، گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ شياڭگاڭدىق، اۋمىندىق جاستار مەن ورەندەردىڭ وتانشىلدىق تاربيە بازاسىن قۇرۋىنا قولداۋ كورسەتىپ، شياڭگاڭدىق، اۋمىندىق جاستار مەن ورەندەردىڭ ىشكى ولكەلەرگە بارىپ ۇيرەنۋ، قىزمەت ىستەۋ، تۇرمىس كەشىرۋىنە قولايلى ساياساتتاردى ۇزدىكسىز كەمەلدەندىرىپ، ولاردىڭ تابىس سەزىمىن، تاۋەلدىلىك سەزىمىن ۇزدىكسىز كۇشەيتۋ كەرەك. شياڭگاڭ، اۋمىن ساياسي كەڭەس مۇشەلەرى باتىلدىقپەن جاۋاپكەرلىك ارقالاپ، ىسكەرلىك كورسەتىپ، ۇسىنىس - پىكىر بەرۋ جانە ورتاق تانىم ۇيىستىرۋ قىزمەتىن كوبىرەك ىستەپ، شياڭگاڭ، اۋمىن جاستارى مەن ورەندەرىنىڭ وتانشىلدىق تاربيەسىنىڭ ۇگىتشىسى جانە جەبەۋشىسى بولۋى كەرەك.
مەملەكەتتىك ساياسي كەڭەس ءتوراعاسىنىڭ ورىنباسارلارى دۇڭ جيانحۋا، ۋان گاڭ، حى حوۋحۋا، لي بين ماجىلىسكە قاتىناستى. مەملەكەتتىك ساياسي كەڭەس ءتوراعاسىنىڭ ورىنباسارى لياڭ جىنيىڭ تاقىرىپتىق ءسوز سويلەدى. مەملەكەتتىك ساياسي كەڭەستىڭ مۇشەلەرى جۋ شياۋدان، شى دىسۇڭ، لي جوبين، چىن حۇڭ، حۋاڭ چۋبياۋ، چىن جۇڭني، ۋاڭ ميڭفان، حۋاڭ حۋاكاڭ، شۋە ۋەيمين جانە ۇسىنىس ەتىلگەن ۋاكىلدەر جىڭ شياڭليڭ ءسوز سويلەدى. وقۋ – اعارتۋ مينيسترلىگىنىڭ جاۋاپتىسى قاتىستى جاعدايلاردى تانىستىردى، مەملەكەتتىك كەڭەستىڭ شياڭگاڭ، اۋمىن ىستەرى كەڭسەسىنىڭ، كوممۋنيستىك جاستار وداعى ورتالىق كوميتەتىنىڭ، ورتالىق حالىق ۇكىمەتىنىڭ اۋمىندا تۇراتىن بايلانىس كەڭسەسىنىڭ جاۋاپتىلارى كەڭەستە پىكىر الماستىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
