كىشكەنە تەحنيك ۇلكەن ۇستاعا اينالدى
2021.04.27 16:45 كەلۋ قاينارى : شينجياڭ گازەتى
ەڭبەك تاماشا تۇرمىس جاراتادى
ەڭبەك ءبىر ادامدى جوقشىلىقتان بارشىلىققا جەتكىزەدى، ارمانىن جۇزەگە اسىرادى؛ ءبىر وتباسىن كەدەيلىكتەن بايلىققا، باقىتقا، تىنىشتىققا جەتكىزەدى. ”1 - مامىر“ حالىقارالىق ەڭبەكشىلەر مەرەكەسى كەلۋ قارساڭىندا، ەڭبەكتىڭ رۋحاني قۇنىن اسقاقتاتۋ، ەڭبەكتىڭ داۋىرلىك ماداق جىرىن شارىقتاتۋ ءۇشىن، انار بۇلت / شينجياڭ گازەتىنىڭ تىلشىلەرى زاۆود، كەن، كاسىپورىندارعا، اتىز باسىنا، ءوندىرىستىڭ ءبىرىنشى شەبىنە بارىپ، اپپارات كوزىن قاراپايىم ەڭبەكشىلەرگە تۋرالاپ، ولاردىڭ كۇرەس جۇرگىزۋ حيكايالارىنا قۇلاق ءتۇردى. بۇگىننەن باستاپ انار بۇلت / شينجياڭ گازەتى ”ەڭبەك تاماشا تۇرمىس جاراتادى“ اتتى ”1 - مامىر“ ارناۋلى ايدارىن اشىپ، ەڭبەك جەمىسىن ىزدەپ، قاراپايىم ەڭبەكشىلەردىڭ تابىس سەزىمىن، باقىت سەزىمىن ورتاقتاسادى. نازار اۋدارۋلارىڭىزدى سۇرايمىز.
انار بۇلت / شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى شاۋ حۇڭتاۋ 4 - ايدىڭ 25 - كۇنى ۇرىمجىدەن حابارلايدى. ساعىز قويمالجىڭ جاسايتىن جۇمىسشى بولعان، مۇناي تارتقىش ورناتقان، جۇڭگو مۇناي - حيميا توبى باتىس سولتۇستىك مۇناي الابى قازىلىپ بولعان قۇدىقتاردى ولشەۋ، باسقارۋ ورتالىعىندا قىزمەت ىستەيتىن لي حۇڭۋىن قۇمدى شولگە تامىر تارتىپ، بىلەك سىبانا قۇلشىنا ىستەپ، كىشكەنە تەحنيكتەن ۇلكەن ۇستاعا اينالدى.
4 - ايدىڭ 23 - كۇنى تۇستەن بۇرىن ءتىلشى لي حۇڭۋىنعا كەزدەسكەندە، ول 2 قىزمەتكەردى باستاپ قازىلىپ بولعان قۇدىقتىڭ باسىندا جابدىقتاردى ولشەپ جاتىر ەكەن. ءبىر - بىردەن تەكسەرىپ، سىناپ كوردى، تاڭەرتەڭنەن تۇسكە دەيىن جۇرگەن لي حۇڭۋىن قۇدىق باسىندا ءمىنىن قاراستىرىپ، كىناراتىن ىزدەۋمەن بولدى.
باتىس سولتۇستىك مۇناي الابى جۇڭگو مۇناي - حيميا توبى سەرىكتەستىگىنىڭ قۇدىقتى تىزگىندەۋ حاۋىپ - قاتەرى ەڭ جوعارى مۇناي الاپتارىنىڭ ءبىرى، 10 ميلليون توننا دارەجەسىندەگى مۇناي، گاز الابىن سالىپ، بارلاپ اشۋدا ايرىقشا ماڭىزعا يە. ءوندىرىس حاۋىپسىزدىگىن قامتاماسىز ەتۋ ءۇشىن، لي حۇڭۋىن ۇنەمى جۇمىس باسىنا ىشكەرىلەي بارىپ، جابدىقتاردى تەكسەرەدى. ”جەر استىنداعى ’مۇناي‘ مەن ’گاز‘ دى تارتىپ الىپ شىعىپ، ولاردىڭ قانداي قاسيەتى بار ەكەنىن كورەيىك، وسى’مۇناي‘مەن’گاز‘ دى جاقسى ءبىر جاقتى ەتپەسەڭ، كىلتيپان تۋىلادى“، - دەدى لي حۇڭۋىن ازىلدەپ.
20 - عاسىردىڭ 90 - جىلدارىندا لي حۇڭۋىن تەحنيك جۇمىسشىلار مەكتەبىنەن وقۋ بىتىرگەن، ۇيرەنگەنى قۇدىق بۇرعىلاۋ ينجەنەرياسى ماماندىعى بولاتىن، دەنە تۇرقى كىشكەنە بولعاندىقتان ءاۋ باستا ساعىز قويمالجىڭ جاسايتىن جۇمىسشى بولۋعا ورنالاستىرىلادى، وندا تاباندىلىقپەن 6 جىل ىستەدى. ول بەرىلە شوگەلدىكپەن ىستەدى، جۇمىستىڭ ىعىن ءبىلىپ، جاقسى ىستەگەندە عانا جۇمىس ورنىندا تابان تىرەپ تۇرۋعا بولادى دەپ ويلادى.
كەيىنتىندە لي حۇڭۋىن قۇدىق ءتۇبى جۇمىسشىسى بولادى. قۇدىق قازۋ، قۇدىق سىناۋ، جەر قاباتىن سىناۋ، مۇناي تارتقىش ورناتۋ... بارلىعىن ىستەدى، بارلىعىنا ات سالىستى. بىرتە - بىرتە لي حۇڭۋىن شەبەرگە اينالدى، مۇناي ينجەنەرياسىنىڭ ءارقايسى بۋىندارىنا قانىق بولعاندىقتان ول بارلىعىن بىلەتىن مامانعا اينالدى.
لي حۇڭۋىن كەزىندە 2 رەت قۇدىق الاڭىن قاتەردەن اراشالاۋعا قاتىناستى. قۇدىق الاڭىن جوعارى قويۋلىقتاعى كۇكىرتتى سۋتەگى تورلاپ تۇرسا دا، ول اۋىر سالماقتاعى تىنىستاندىرعىش تاعىپ، وتتاي ىستىق شيكى مۇنايعا قاراماستان قۇدىق اۋزىنا قاراي ۇمتىلدى. ارتىنان قىزمەتتەستەرى قورىققان - قورىقپاعاندىعىن سۇراعاندا، لي حۇڭۋىن: ”ەرجۇرەكتەرمەن بىرگە بولعان سوڭ قورىقپادىم“، - دەدى.
قازىلىپ بولعان قۇدىقتاردى ولشەۋ جۇمىسىنىڭ ىركىلىسسىزدىگىنە شىنايى كەپىلدىك ەتۋ ءۇشىن لي حۇڭۋىن ۇجىمدى باستاپ «قازىلىپ بولعان قۇدىقتاردى ولشەۋ، باسقارۋ ءتۇيىنىنىڭ سالىستىرمالى قولدانباسىن» قۇراستىرىپ، قازىلىپ بولعان قۇدىقتاردى ولشەۋ جۇمىستارىن 100 ءتۇرلى باسقارۋ بۋىنىنا، 2000 باقىلاۋ تۇيىنىنە جىكتەدى. وسى قولدانبا بولعاندىقتان، مەكەمە جۇمىس قارقىنى بويىنشا قۇدىق قاسىندا تۇراتىن جۇمىس باسى نىسانىن باسقارۋشى ينجەنەرمەن باسقارۋ تۇيىندەرىن تۇيىلىستىرەدى، حاۋىپ - قاتەردى جانە حاۋىپ - قاتەردى ازايتۋ شارالارىن ەسكەرتەدى. قازىر وسى تاجىريبە كەڭىنەن جالپىلاستىرىلىپ پايدالانىلۋدا.
قانداي تەر توكسەڭ سونداي ءونىم الاسىڭ. قازىر لي حۇڭۋىن ينجەنەر بولدى، باتىس سولتۇستىك مۇناي الابى قازىلىپ بولعان قۇدىقتاردى ولشەۋ، باسقارۋ ورتالىعى قازىلىپ بولعان قۇدىق ءبولىمىنىڭ ديرەكتورى. 2018 - جىلى ول جۇڭگو مۇناي حيميا توبى سەرىكتەستىگىنىڭ ەڭبەك ەرى جانە بايىنعولين موڭعۇل اۆتونوميالى وبلىسىنىڭ ەڭبەك ەرى داڭق اتاعىنا يە بولدى. ”مۇنايدى تاڭداۋ دەگەنىمىز ۇلەس قوسۋدى تاڭداۋ دەگەندىك. قۇمدى شولگە تامىر تارتىپ، تەر توكسەڭ بولعانى، ءسوز جوق، تابىسقا كەنەلەسىڭ“، - دەدى لي حۇڭۋىن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
