جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى پىكىر باسىپ تاراتتى
ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن ورناتۋ، اقاۋسىزداندىرۋ كەرەك
2021.04.28 14:27 كەلۋ قاينارى : شينجياڭ گازەتى
شينحۋا اگەنتتىگىنىڭ 4 - ايدىڭ 26 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن ورناتۋ، اقاۋسىزداندىرۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىك جاعدايمەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.
«پىكىردە» مىنالار اتاپ كورسەتىلدى: ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن ورناتۋ، اقاۋسىزداندىرۋ − شي جينپيڭنىڭ ەكولوگيالىق وركەنيەت يدەياسىن دايەكتىلەندىرۋدىڭ، تياناقتاندىرۋدىڭ ماڭىزدى شاراسى، تۇنىق سۋ، جاسىل تاۋ − باعالى بايلىق ۇستانىمىن امالياتتا ايگىلەۋدىڭ شەشۋشى جولى، ەكولوگيالىق ورتا سالاسىنداعى مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى تۋ باستان ىلگەرىلەتۋدىڭ قاجەتتى تالابى، ەكونوميكالىق، قوعامدىق دامۋدىڭ تيبىنىڭ جاپپاي جاسىلعا وزگەرۋىن ىلگەرىلەتۋدە كەلەلى ماڭىزعا يە.
«پىكىردە» مىنالار اتاپ كورسەتىلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى، ورنالاستىرۋلارى بويىنشا ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، ەكولوگيالىق ورتانى قورعاۋ دەگەنىمىز وندىرگىش كۇشتى قورعاۋ، ەكولوگيالىق ورتانى جاقسارتۋ دەگەنىمىز وندىرگىش كۇشتى دامىتۋ دەگەنگە تاباندى بولىپ، ءتۇزىلىس، مەحانيزم رەفورماسىندا جاڭالىق اشۋدى وزەك ەتىپ، ەكولوگيانىڭ كاسىپ سالالانۋى مەن كاسىپ سالالارىنىڭ ەكولوگيالانۋىن ىلگەرىلەتىپ، ۇكىمەت جەتەكشىلىك ەتەتىن، كاسىپورىن مەن قوعام ات سالىساتىن، بازارلاندىرىپ جۇمىس جۇرگىزەتىن، باياندى بولاتىن ەكولوگيالىق ونىمدەردىڭ قۇنىن جۇزەگە اسىرۋ جولىن جەدەل كەمەلدەندىرىپ، تۇنىق سۋ، جاسىل تاۋدى باعالى بايلىققا اينالدىراتىن ساياسات، ءتۇزىم جۇيەسىن كۇش سالا ورناتىپ، جۇڭگوشا ەرەكشەلىككە يە ەكولوگيالىق وركەنيەت قۇرىلىسى جاڭا ۇلگىسىنىڭ قالىپتاسۋىن ىلگەرىلەتۋ كەرەك.
باستى نىسانا: 2025 - جىلعا جەتكەندە، ەكولوگيالىق ونىمدەردىڭ قۇنىن جۇزەگە اسىرۋدىڭ ءتۇزىم جۇلگەسىن العاشقى ادىمدا قالىپتاستىرىپ، ەكولوگيالىق ونىمدەردىڭ قۇنىن ەسەپتەۋدىڭ ءبىرشاما عىلمي جۇيەسىن العاشقى ادىمدا ورناتۋ، ەكولوگيانى قورعاۋ تولەمى مەن ەكولوگيالىق ورتانى ءبۇلدىرۋدى تولەتۋ ساياسات، ءتۇزىمىن بىرتىندەپ كەمەلدەندىرىپ، ەكولوگيالىق ونىمدەردىڭ قۇنىن جۇزەگە اسىرۋدىڭ ۇكىمەتتىك ساراپتاۋ، باعالاۋ مەحانيزمىن العاشقى ادىمدا قالىپتاستىرۋ، ەكولوگيالىق ونىمدەردىڭ ”ولشەۋ قيىن بولۋ، كەپىلگە قويۋ قيىن بولۋ، ساۋدالاۋ قيىن بولۋ، اقشاعا اينالدىرۋ قيىن بولۋ“ سياقتى ماسەلەلەرىن ءونىمدى شەشىپ، ەكولوگيالىق ورتانى قورعاۋدىڭ مۇددەلىك باعدار مەحانيزمىن نەگىزىنەن قالىپتاستىرۋ، ەكولوگيالىق باسىمدىقتىڭ ەكونوميكالىق باسىمدىققا اينالۋ قابىلەتىن كورنەكتى جوعارىلاتۋ. 2035 - جىلعا جەتكەندە، ەكولوگيالىق ونىمدەردىڭ قۇنىن جۇزەگە اسىرۋدىڭ كەمەلدى مەحانيزمىن جاپپاي ورناتىپ، جۇڭگوشا ەرەكشەلىككە يە ەكولوگيالىق وركەنيەت قۇرىلىسىنىڭ جاڭا ۇلگىسىن جاپپاي قالىپتاستىرىپ، جاسىل ءوندىرىس، تۇرمىس ءتاسىلىن كەڭ كولەمدە قالىپتاستىرىپ، كورىكتى جۇڭگو قۇرىلىسى نىساناسىن نەگىزىنەن جۇزەگە اسىرۋعا پارمەندى تىرەك ازىرلەۋ.
«پىكىردە» تاعى ەكولوگيالىق ونىمدەردى تەكسەرۋ، قاداعالاۋ مەحانيزمىن ورناتۋ، ەكولوگيالىق ونىمدەردىڭ قۇنىن باعالاۋ مەحانيزمىن ورناتۋ، ەكولوگيالىق ونىمدەر بويىنشا تيجارات جۇرگىزۋ، اشۋ مەحانيزمىن اقاۋسىزداندىرۋ، ەكولوگيالىق ونىمدەردى قورعاۋ بويىنشا تولەم بەرۋ مەحانيزمىن اقاۋسىزداندىرۋ، ەكولوگيالىق ونىمدەردىڭ قۇنىن جۇزەگە اسىرۋدىڭ قامتاماسىزداندىرۋ مەحانيزمىن اقاۋسىزداندىرۋ، ەكولوگيالىق ونىمدەردىڭ قۇنىن جۇزەگە اسىرۋدى ىلگەرىلەتۋ مەحانيزمىن ورناتۋ سياقتىلار جونىندە تالاپتار قويىلدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
