جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلىنىڭ اقپارات ورتالىعى ەكىنشى رەتكى اقپار جاريالاۋ ءماجىلىسىن وتكىزدى، ءتورت تاراۋداعى جاۋاپتى جولداس ءارقايسى تاراۋلاردىڭ قىزمەت مىندەتىمەن ۇشتاستىرا وتىرىپ، قاتىستى جاعدايلاردى تانىستىردى

2021.06.29 16:09   كەلۋ قاينارى : حالىق تورابى

　　شينحۋا اگەنتتىگىنىڭ ءتىلشىسى سۇن شاۋلۇڭ، گاۋ جيڭ 6 – ايدىڭ 28 – كۇنى بەيجيڭنەن حابارلايدى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلىنىڭ اقپارات ورتالىعى 6 – ايدىڭ 28 – كۇنى ەكىنشى رەتكى اقپار جاريالاۋ ءماجىلىسىن وتكىزدى، ورتالىق كوميتەت ءتارتىپ تەكسەرۋ كوميتەتىنىڭ ورىنباسار شۋجيى، مەملەكەتتىك باقىلاۋ كوميتەتىنىڭ ورىنباسار مەڭگەرۋشىسى شياۋ پەي، ورتالىق كوميتەت بىرلىكساپ ءبولىمىنىڭ ورىنباسار باستىعى شۇي يوۋشىڭ، ورتالىق كوميتەت شەتەلمەن بايلانىس جاساۋ ءبولىمىنىڭ ورىنباسار باستىعى گو يەجوۋ، ورتالىق كوميتەت قازىنا كەڭسەسىنىڭ كۇندەلىكتى قىزمەتتەرگە جاۋاپتى ورىنباسار مەڭگەرۋشىسى حان ۋىنشيۋ ءارقايسى تاراۋلاردىڭ قىزمەت مىندەتىمەن ۇشتاستىرا وتىرىپ، قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.

　　شياۋ پەي بىلاي دەپ تانىستىردى: 2012 – جىلى 12 – ايدان بيىل 5 – ايعا دەيىن، پارتيا ورتالىق كوميتەتىنىڭ پارمەندى باسشىلىعىندا، ءتارتىپ تەكسەرۋ، باقىلاۋ ورگاندارى ولكە، مينيسترلىك دارەجەلىدەن جوعارى باسشى كادرلاردان جيىنى 392 ادامعا، مەڭگەرمە، مەكەمە دارەجەلى باسشى كادرلاردان جيىنى 22 مىڭ ادامعا دەلو تۇرعىزىپ، تەكتەۋ – تەكسەرۋ جۇرگىزگەن؛ ورتالىقتىڭ سەگىز ءتۇرلى بەلگىلەمەسىنىڭ رۋحىن تياناقتاندىرۋى پارمەندى بولماعان ماسەلەلەردەن، «ءتورت بۇرىس ستيل» ماسەلەلەرىنەن 626 مىڭ 500 ماسەلەنى تەكسەرىپ - انىقتاپ، ءبىرجاقتى ەتكەن. «جاڭا داۋىردەگى پارتيانى جاپپاي قاتاڭ باسقارۋدا تاريحي سيپاتتى ناتيجە جاراتىلىپ، ءبىرىنشى ءجۇز جىلدىق كۇرەس نىساناسىن ورىنداۋعا ساياسي جاقتا قۋاتتى جەتەكشىلىك جانە پارمەندى كەپىلدىك ازىرلەنگەن»، — دەدى شياۋ پەي.

　　شۇي يوۋشىڭ بىلاي دەدى: ءجۇز جىلدان بەرى، جۇڭگو كوممۋنيستىك پارتياسى ەڭ كەڭ كولەمدەگى بىرلىكساپقا باستان – اياق تاباندى بولىپ جانە ونى دامىتىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، حالىققا باقىت جاراتۋ ءۇشىن تالپىنۋ، ۇلتتى گۇلدەندىرۋ ءۇشىن قۇلشىنۋ سىندى ۇلى ىسكە بىرگە كۇش شىعاردى. پارتيا ورتالىق كوميتەتىنىڭ پارمەندى باسشىلىعىندا، ەلىمىزدەگى ساياسي پارتيالار ارا قارىم – قاتىناس، ۇلتتار ارا قارىم – قاتىناس، ءدىن ارالىق قارىم – قاتىناس، جىكتەر اراسىنداعى قارىم – قاتىناس جانە ەل ءىشى – سىرتىنداعى باۋىرلاستار ارا قارىم – قاتىناس اناعۇرلىم جاراسىمدى بولىپ، بىرلىكساپ شەبىندە ىنتىماقتى، قايراتتانا ۇمتىلعان، ءورىس اشقان، ارىنداعان تاماشا جاعداي جارىققا شىقتى.

　　گو يەجوۋ بىلاي دەپ تانىستىردى: 100 جىلدان بەرى، پارتيانىڭ شەتەلگە باعىتتالعان قىزمەتى باستان – اياق پارتيامەن جانە حالىقپەن بىرگە بولىپ، باستان – اياق ماركسيزمدى جۇڭگوشالاندىرۋدىڭ نازاريالىق جەتىستىكتەرىن جەتەكشى ەتۋگە تاباندى بولىپ، ونى جۇڭگونىڭ توڭكەرىس، قۇرىلس، رەفورما قاتارلى ءتۇرلى تاريحي كەزەڭدەرىنىڭ تۇتاس بارىسىنا ءسىڭىردى. «قازىر پارتيامىز دۇنيە جۇزىندەگى 160 نەشە مەملەكەتتەگى 560 تان استام ساياسي پارتيامەن جانە ساياسي ۇيىممەن ۇنەمىلىك بارىس – كەلىستى ساقتاپ وتىر، ءبىزدىڭ دوستارىمىز دۇنيە ءجۇزىنىڭ بارلىق جەرىنەن تابىلادى»، — دەدى گو يەجوۋ.

　　حان ۋىنشيۋ بىلاي دەدى: جاڭا جۇڭگو قۇرىلعان 70 جىلدان بەرى، جۇڭگو ەكونوميكاسى، ءىس جۇزىندە، جيىنى شامامەن 189 ەسە ارتتى، قازىر جۇڭگو ەكونوميكاسىنىڭ جالپى مولشەرى ءجۇز تريلليون يۋاننان اسىپ، دۇنيە ءجۇزى بويىنشا ەكىنشى ءىرى ەكونوميكالىق تۇلعاعا اينالىپ، دۇنيە ءجۇزى ەكونوميكاسىنان ۇستايتىن سالىستىرماسى %17 تەن جوعارى بولدى. جۇڭگو كوممۋنيستىك پارتياسىنىڭ باسشىلىعىندا، جۇڭگونىڭ ەكونوميكالىق قۋاتىندا زور مولشەردە ارتۋ بولىپ، جۇڭگو حالقىنىڭ تۇرمىسىندا وراسان زور وزگەرىستەر بولدى، جۇڭگو حالقى ورتاق اۋقاتتانۋ نىساناسىنا قاراي نىق قادام تاستاۋدا.

　　كەلۋ قاينارى: حالىق تورابى