ۋكراينا جۇڭگوعا قارسى بىرلەسكەن مالىمدەمەنى قايتارىپ العاندىعىن جاريالادى
2021.06.28 14:30 كەلۋ قاينارى : حالىق تورابى
ۋكراينانىڭ جەنەۆادا تۇراقتى تۇراتىن ۋاكىلدەر ۇيىرمەسى 6 - ايدىڭ 25 - كۇنى رەسمي تورابىندا مالىمدەمە جاريالاپ، 6 - ايدىڭ 22 - كۇنى ب م ۇ ادامدىق ۇقىق القالار كەڭەسىنىڭ 47 - رەتكى ماجىلىسىندەگى «شينجياڭنىڭ ادامدىق ۇقىق جاعدايى جونىندەگى بىرلەسكەن مالىمدەمەنى» ۋكراينا جاق قايتارىپ العاندىعىن ايتتى.
ۋكراينانىڭ سىرتقى ىستەر مينيسترلىگى 6 - ايدىڭ 24 - كۇنى كەشتە ۇكىمەت تورابىندا مالىمدەمە جاريالاپ، ۋكراينانىڭ جۇڭگومەن ستراتەگيالىق ارىپتەستىك قاتىناسقا ءمان بەرەتىندىگىن، جۇڭگونىڭ ىشكى ىسىنە كيلىكپەيتىندىگىن قايتالاي دارىپتەدى، ءوزارا قۇرمەت ەتۋ، دەربەستىك، يەلىك ۇقىق جانە تەرريتوريا تۇتاستىعى پرينسيبىن ۇزدىكسىز اتقارىپ، ەكى ەل قاتىناسىنىڭ ۇزدىكسىز دامۋىن قۇلشىنا ىلگەرىلەتۋدى قالايتىندىعىن ءبىلدىردى.
سىرتقى ىستەر مينيسترلىگىنىڭ مالىمدەمەشىسى ۋكراينانىڭ ادامدىق ۇقىق القالار كەڭەسىنىڭ 47 - كەزەكتى ءماجىلىسىنىڭ جۇڭگوعا قارسى بىرلەسكەن بايانداماسىن قايتارىپ العاندىعى جونىندە تىلشىلەردىڭ سۇراۋىنا جاۋاپ بەردى
سۇراق: حابارعا قاراعاندا، ۋكراينانىڭ جەنەۆادا تۇراقتى تۇراتىن ۋاكىلدەر ۇيىرمەسى رەسمي تورابىندا مالىمدەمە جاريالاپ، بىرلەسىپ ۇيعارعان، كانادانىڭ بىرلەسكەن مەملەكەتتەر ۇيىمى ادامدىق ۇقىق القالار كەڭەسىنىڭ 47 - كەزەكتى ماجىلىسىندە جۇڭگوعا قارسى سويلەگەن بىرلەسكەن بايانداماسىن قايتارىپ العان. جۇڭگو بۇعان قالاي قارايدى؟
جاۋاپ: بىرلەسكەن مەملەكەتتەر ۇيىمى ادامدىق ۇقىق القالار كەڭەسىنىڭ 47 - كەزەكتى ماجىلىسىندە 90 نەشە مەملەكەت ادىلەتتى ءۇن قاتىپ، كوپ ءتۇرلى تاسىلمەن جۇڭگونى قولدادى جانە وعان ءۇن قوستى. از ساندى باتىس ەلدەرىنىڭ شينجياڭعا، شياڭگاڭعا، شيزاڭعا ساياتىن ماسەلەلەردەن پايدالانىپ جۇڭگونى قارالاۋ قاسكۇنەمدىگى تاعى دا جەڭىلىسپەن تىندى. بۇل ادىلدىك جۇرت جۇرەگىندە ەكەنىن، از ساندى باتىس ەلدەرىنىڭ ادامدىق ۇقىقتى جەلەۋ ەتىپ جۇڭگونىڭ ىشكى ىسىنە كيلىگۋىنىڭ، جۇڭگونى قىسپاققا الۋىنىڭ، جۇڭگونىڭ دامۋىنا كەدەرگىلىك جاساۋىنىڭ قۇر ارامتەر بولعاندىعىن تولىق تۇسىندىرەدى.
ءبىز ۋكراينانىڭ ادامدىق ۇقىق القالار كەڭەسىنىڭ 47 - كەزەكتى ءماجىلىسىنىڭ جۇڭگوعا قارسى بىرلەسكەن بايانداماسىن قايتارىپ العانىن، ۋكراينانىڭ سىرتقى ىستەر مينيسترلىگىنىڭ جۇڭگونىڭ ىشكى ىسىنە كيلىكپەيتىندىگىن ايقىن مالىمدەگەنىن بايقادىق .ۋكراينا جاقتىڭ ۇيعارىمى دەربەس، –وزىنە - ءوزى قوجايىن بولۋ جانە شىندىقتى ءىس جۇزىنەن ىزدەۋ رۋحىن ايگىلەدى، بىرلەسكەن مەملەكەتتەر ۇيىمى ۋستاۆىنىڭ نەگىزگى ماقساتىنا جانە حالىقارالىق قارىم - قاتىناستىڭ نەگىزگى ولشەمىنە ۇيلەسەدى، جۇڭگو مۇنى قارسى الادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
