شينجياڭداعى ءار ۇلت بۇقاراسى ەڭبەك ىستەۋگە، جۇمىستانۋعا بۇكىلدەي ەرىكتى
2021.06.25 17:27 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى حي حۇڭۋي 6 - ايدىڭ 23 - كۇنى ۇرىمجىدەن حابارلايدى. ءبىر مەزەت ۋاقىتتان بەرى امەريكاداعى، باتىستاعى جۇڭگوعا قارسى ءىشىنارا كۇشتەر جۇڭگو شينجياڭىنىڭ ادامدىق ۇقىق جاعدايىن قاساقانا داتتاپ، شينجياڭنىڭ ۇشقارىلىقتى الاستاۋ جانە لاڭكەستىككە سوققى بەرۋ قۇلشىنىسىنا ورشەلەنە كۇيە جاعىپ، ايتىلمىس ”زورلىقپەن ەڭبەككە سالدى“ دەگەن وسەك - اياڭنان پايدالانىپ شينجياڭعا سوقتىعىپ، شينجياڭنىڭ ەكونوميكالىق، قوعامدىق دامۋىنا كەدەرگىلىك جاساۋعا ۇرىندى. 6 - ايدىڭ 23 - كۇنى شينجياڭ ۇيعۇر اۆتونوميالى رايونى ۇرىمجىدە شينجياڭعا ساياتىن ماسەلەلەر جونىندە ارناۋلى اقپار جاريالاۋ ءماجىلىسىن اشتى، قاشقار ايماعى، حوتان ايماعى، اقسۋ ايماعى سياقتى جەرلەردەن كەلگەن 6 از ۇلت بۇقاراسى ۋاكىلى وزدەرىنىڭ قىزمەتىن، تۇرمىسىن ايتىپ، شىنايى كەشىرمەلەرى ارقىلى ”زورلىقپەن ەڭبەككە سالدى“ دەگەن سياقتى شينجياڭعا ساياتىن وسەڭ - اياڭدارعا تويتارىس بەردى.
”ءبىزدىڭ شينجياڭدا ماقتا ەگۋدىڭ دەنى ماشينالاستى، ايتىلمىس ’زورلىقپەن ەڭبەككە سالۋ‘ مۇلدە ءومىر سۇرگەن ەمەس، شينجياڭعا قيسىنسىز كۇيە جاعۋشى بولماڭدار!“، - دەدى اۋات اۋدانى بەسارىق قالاشىعى قۇمويلا قىستاعىنىڭ ديقانى ماحمۇت تۇرسۇن.
ماحمۇت تۇرسۇن سول جەردەگى قىستاق تۇرعىندارىن باستاپ، شارۋالار ەگىمشىلىك سەلبەستىك كووپەراتيۆىن قۇرىپ، ماشينالاسقان تاسىلدەن پايدالانىپ ماقتا ەگىپ، ەڭبەككۇشتى ۇنەمدەپ، وزىندىك قۇندى تومەندەتىپ، كىرىستى ارتتىردى. ءوزى دە كىرىستى ارتتىرىپ بايۋدىڭ باستاماشىسىنا اينالىپ، بىلتىر جىلدىق جەكە كىرىسىن 150 مىڭ يۋانعا جەتكىزدى.
”قازىر قىستاعىمىزدا ەگىن ەگۋدەن ءبىر كىرىس، كاسىپ سالاسىن دامىتۋدان نەمەسە تەحنيك بولۋدان ءبىر كىرىس كىرگىزەتىن ’قوس كىرىستى‘ ديقاندار كوبەيدى، كوپشىلىكتىڭ بارلىعى تاماشا تۇرمىس كەشىرىپ جاتىر“، - دەدى ماحمۇت تۇرسۇن.
”مەن ءۇي ماڭايىنان جۇمىستانىپ، وتباسىمنىڭ كىرىسىن ارتتىرۋمەن بىرگە، بالالارىما دا ويداعىداي قارايلاسا الامىن، قازىر توتەنشە باقىتتى تۇرمىس كەشىرىپ جاتىرمىن“، - دەدى جاڭا ءشار اۋدانى ياندۇما اۋىلى كەستەشىلىك فابريكاسىنىڭ جۇمىسشى - قىزمەتكەرى اجىگۇل قادىر.
اقپار جاريالاۋ ماجىلىسىندە اجىگۇل قادىر ءوزىنىڭ كەستە ونىمدەرىن كورسەتىپ، سول ورىنداعى كورەرمەندەردىڭ شاپالاق سوعىپ القاۋىنا يە بولدى.
ۇزدىكسىز قۇلشىنۋ ارقىلى اجىگۇل قادىر كەستەشىلىك فابريكاسىنىڭ سەح مەڭگەرۋشىسى بولىپ، ايلىق كىرىسى 4000 يۋانعا جەتتى، سەرىكتەستىك ونىڭ ”بەس قامسىزداندىرۋ، ءبىر قورىن“ دا تاپسىردى، اجىگۇل قادىر تاماشا تۇرمىس كەشىرىپ، بانكەگە امانات اقشا دا قويدى.
”الداعى جەردە ءتىپتى دە قۇلشىنىپ، قوس قولىممەن مۇنان دا كوپ قۇن جاراتامىن، جانىمداعى تۋىس - تۋعاندار مەن دوس - جاراندارىما دا بەلسەنە كومەكتەسىپ، كوپشىلىكتىڭ مۇنان دا باقىتتى تۇرمىسقا كەنەلۋىنە مۇمكىندىك جاسايمىن“، - دەدى اجىگۇل قادىر.
چارقىلىق اۋدانى ۋاششەرى قالاشىعى تاسساي قىستاعىنداعى بيىل 35 جاسقا شىققان جەكەشە تيجاراتشى ناسىرجان عۇجبۇللا بارىنە جۇيرىك، باعىمشىلىقپەن شۇعىلدانۋمەن بىرگە، شىلان ەگىپ، جولاۋشى تاسۋ ارناۋلى جۇمىسىمەن اينالىستى. 2019 - جىلى چارقىلىق اۋداندىق ەلەكتروندى ساۋدا الەۋمەتتىك قىزمەت وتەۋ ورتالىعىنىڭ كومەگىندە، ول ”ەلەكتروندى ساۋدا + ءتۇرلى بۇيىمدار“ ءبىر تۇلعالانعان ەرەن بازاردى دا اشىپ، جەرگىلىكتى ورىننىڭ اۋىل شارۋاشىلىق ەرەكشە ونىمدەرىن ساتۋعا اناعۇرلىم كەڭ بازار اشتى.
”ءتۇرلى كىرىستى قوسقاندا مەن بيىل 170 نەشە مىڭ يۋان اقشا تابا الامىن، ىستەرىم ءۇشىن ۇزدىكسىز كۇرەس جاساپ، جۇرتقا مۇنان دا كوپ قولايلىلىق جاسايمىن“، - دەدى ناسىرجان عۇجبۇللا، - ”امەريكاداعى، باتىستاعى جۇڭگوعا قارسى ءىشىنارا كۇشتەر شينجياڭدا ’زورلىقپەن ەڭبەككە سالۋ‘ ءومىر ءسۇرىپ وتىر دەپ جالا جاپتى، ولاردىڭ ماقساتى ءبىزدى كەدەيلىكتەن باس الدىرماۋ، ءبىز كەدەيلەسكەن سايىن ولار سولعۇرلىم مارسيادى، بۇل ولاردىڭ قۇر قيالى، ءبىزدىڭ تۇرمىسىمىز بارعان سايىن جاقسارا تۇسەدى، شينجياڭعا جالا جاپقاندار شىندىقپەن بەتتەسسىن!“.
شينجياڭ يۋانشىڭ عىلىم - تەحنيكا دامۋ شەكتى سەرىكتەستىگىنىڭ قىزمەتكەرى ءابدۇمۇتالىپ توحتىمامەت، جاڭا ءشار اۋدانىنداعى ءبىر توقىماشىلىق سەرىكتەستىگىنىڭ جۇمىسشىسى حانزادا قۇربان، قورعاس شينلينتۋشىفاڭ ماشينا جالعا بەرۋ شەكتى سەرىكتەستىگىنىڭ قىزمەتكەرى كەرىم ابدۇقادىر ءوز قۇلشىنىستارى ارقىلى كاسىپورىننىڭ تىرەكتى كۇشتەرىنە اينالدى ءارى ايتارلىقتاي كىرىسكە يە بولدى. ولار ءبىر اۋىزدان مىنانى ءبىلدىردى: امەريكاداعى، باتىستاعى جۇڭگوعا قارسى ءىشىنارا كۇشتەر شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەن وسەك - اياڭدى بارىن سالا ويدان قۇرادى، بۇل بۇكىلدەي اۋزىنا كەلگەنىن كوكىگەندىك، شينجياڭداعى ءار ۇلت بۇقاراسى ەڭبەك ىستەۋگە، جۇمىستانۋعا بۇكىلدەي ەرىكتى، شينجياڭدىقتار توتەنشە باقىتتى تۇرمىس كەشىرىپ جاتىر.
شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى ءىليجان انايات مىنانى ءبىلدىردى: شينجياڭ بۇرىننان بەرى جۇمىستاندىرۋدى جەبەۋدى ەڭ ۇلكەن حالىق تۇرمىسى ينجەنەرياسى ەتۋگە تاباندى بولىپ، ءوز ءوڭىرىنىڭ ءىس جۇزىندىك جاعدايىمەن ۇشتاستىرىپ، ءبىرسىپىرا جەرگىلىكتى سيپاتتى ساياسات، زاڭ ەرەجەلەردى شىعارىپ، اتقارىپ، ازاماتتاردىڭ ەڭبەك ىستەۋ، جۇمىستانۋ ۇقىعىنان تەڭ تۇرعىدا يگىلىكتەنۋىنە پارمەندى زاڭمەن جونگە سالۋ قامتاماسىزدىعىن ازىرلەدى. شينجياڭداعى ءار ۇلت بۇقاراسى ءوز ەركىمەن جۇمىستانىپ، دەربەس كاسىپ تاڭدايدى، ءتۇرلى ۇقىق - مۇددەسى زاڭ جاعىنان قورعالعان. شينجياڭ ەڭبەكشىلەردىڭ تىلەگى مەن قاجەتىن باستان - اياق جۇمىستاندىرۋ ساياساتىن جاساۋدىڭ، جۇمىستاندىرۋ ارناسىن كەڭەيتۋدىڭ، جۇمىس ورنىن اشۋدىڭ، جۇمىستانۋعا باۋلۋدىڭ، جۇمىستانۋعا قىزمەت وتەۋدىڭ ماڭىزدى نەگىزى ەتىپ، ەڭبەكشىلەردىڭ جۇمىستانۋ تىلەگىنە مەرزىم بويىنشا تەكسەرۋ جۇرگىزىپ، ەڭبەكشىلەردىڭ قاجەتىن دەر كەزىندە يگەرىپ، ادام مەن جۇمىس ورنىن سايكەستىرۋگە قۇلشىنىپ، باياندى، ورنىقتى جۇمىستانۋدى جەبەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
