شينجياڭ ۇيعۇر اۆتونوميالى رايوندىق حالىق ۇكىمەتى مەن جۇڭگو ليانتۇڭ توبى سەرىكتەستىگى ستراتەگيالىق سەلبەستىك كەلىسىمىنە قول قويدى
شوكىرات زاكىر، ۋاڭ شياۋچۋ قاتىناستى ءارى ءسوز سويلەدى
2021.06.25 17:24 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لياڭ ليحۋا 6 - ايدىڭ 23 - كۇنى ۇرىمجىدەن حابارلايدى. 6 - ايدىڭ 23 - كۇنى تۇستەن كەيىن اۆتونوميالى رايوندىق حالىق ۇكىمەتى مەن جۇڭگو ليانتۇڭ توبى سەرىكتەستىگى ”14 - بەسجىلدىق“ مەزگىلىندە ”سيفرلى شينجياڭ“ قۇرىلىسىن ىلگەرىلەتۋ جونىندە ستراتەگيالىق سەلبەستىك كەلىسىمىنە قول قويدى، ەكى جاق اۆتونوميالى رايوننىڭ ”14 - بەسجىلدىقتاعى“ كەلەلى ستراتەگياسىن اتقارۋمەن جانە جاڭا تيپتى نەگىزدىك قۇرىلعىلار قۇرىلىسىمەن بىرلەستىرە وتىرىپ، 5G، جاساندى زەردە، چۇيكۋايليان، بۇلتتىق ەسەپتەۋ، ۇلكەن ساندى مالىمەت قاتارلى سالالاردا جان - جاقتى سەلبەستىكتى كۇشەيتىپ، ءوزارا تيىمدىلىك جاساپ، تەڭ يگىلىككە كەنەلۋدى جۇزەگە اسىرادى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، جۇڭگو ليانتۇڭ توبى سەرىكتەستىگى پارتيا باسشىلىق گرۋپپاسىنىڭ شۋجيى، القا باستىعى ۋاڭ شياۋچۋ قاتىناستى ءارى ءسوز سويلەدى.
شوكىرات زاكىر مىنالاردى ءبىلدىردى: بۇكىل شينجياڭدا جوعارىدان تومەنگە دەيىن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاڭا باستامادا شينجياڭنىڭ ورنىقتىلىق، دامۋ ىستەرىن جالعاستى ۇزدىكسىز ىلگەرىلەتىپ جاتقان ساتتە، جۇڭگو ليانتۇڭ توبى سەرىكتەستىگى مەن اۆتونوميالى رايوندىق حالىق ۇكىمەتىنىڭ ستراتەگيالىق سەلبەستىك كەلىسىمىنە قول قويۋى جۇڭگو ليانتۇڭ توبى سەرىكتەستىگىنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن تاباندىلىقپەن، بۇلجىماي دايەكتىلەندىرۋدەگى وسكەلەڭ ساياسي سانالىلىعى مەن كۇشتى جاۋاپكەرشىلىگىن تولىق ايگىلەدى. ”13 - بەسجىلدىق“ مەزگىلىندە جۇڭگو ليانتۇڭ توبى سەرىكتەستىگى شينجياڭعا جالپى 16 ميلليارد 500 ميلليون يۋان قارجى قوسىپ، ”ينتەرنەت + جىبەك جولى ەكونوميكالىق بەلدەۋى“، ”ينتەرنەت + تىنىش شينجياڭ“، ”ينتەرنەت + حالىق تۇرمىسى“ قاتارلى 8 ءىرى ينفورماتسيالاندىرۋ ينجەنەرياسىن قۇرۋدى اتقارىپ، ءتۇرلى بازالىق ستانسيادان 20 مىڭنان استامىن سالدى، ءار سالا، ءار كاسىپتەگى 7 ميلليوننان استام پايدالانۋشىعا قىزمەت وتەپ، شينجياڭنىڭ ينفورماتسيالاندىرۋ قۇرىلىسى مەن حابار - بايلانىس ىستەرىنىڭ دامۋىنا كۇش سالا قولداۋ كورسەتتى. ”14 - بەسجىلدىق“ مەزگىلىندە ەكى جاقتىڭ اسا كەڭ سەلبەستىك ءورىسى بار. جۇڭگو ليانتۇڭ توبى سەرىكتەستىگىنەن كاسىپ، ينتەرنەت جانە تەحنيكا سياقتى جاقتارداعى جالپىلىق ابزالدىلىعىن تولىق ساۋلەلەندىرىپ، جاڭا ۇرپاق ينفورماتسيا تەحنيكاسىنىڭ شينجياڭدا كەڭ كولەمدە قولدانىلۋىن جەبەپ، رايونىمىز ەكونوميكاسىنىڭ جوعارى ساپالى دامۋى ءۇشىن جاڭا قوزعاۋشى قۋات، جاڭا دەمەۋشى كۇش ازىرلەۋىن ءۇمىت ەتەمىن. اۆتونوميالى رايون جۇڭگو ليانتۇڭ توبى سەرىكتەستىگىنىڭ شينجياڭدا دامۋىنا كۇش سالا قولداۋ كورسەتىپ، قۇلشىنا تاماشا ورتا جاراتىپ، ساپالى قىزمەت وتەيدى.
ۋاڭ شياۋچۋ شينجياڭنىڭ ەكونوميكالىق دامۋدا جانە حالىق تۇرمىسىن جاقسارتۋدا قول جەتكىزگەن كورنەكتى تابىستارىن قۇتتىقتادى، جۇڭگو ليانتۇڭ توبى سەرىكتەستىگى مەن شينجياڭنىڭ سەلبەستىك ورناتۋ، دامۋ بولاشاعىنا كامىل سەنىمدە ەكەندىگىن ءبىلدىردى. ول بىلاي دەدى: تاياۋ جىلداردان بەرى جۇڭگو ليانتۇڭ توبى سەرىكتەستىگى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى باستان - اياق ماڭىزدى ساياسي مىندەت ەتىپ، پارتيا ورتالىق كوميتەتىنىڭ ورنالاستىرۋى بويىنشا شينجياڭعا ساياسات، قارجى، نىسان، ادام كۇشى سياقتى جاقتارداعى ۇسىنىلىم تەبىنىن ارتتىرىپ، شينجياڭنىڭ ورنىقتىلىعىن، دامۋىن جەبەۋگە كۇش - قۋات قوستى. وسى رەت جۇڭگو ليانتۇڭ توبى سەرىكتەستىگى اۆتونوميالى رايوندىق حالىق ۇكىمەتىمەن بۇرىنعى سەلبەستىك نەگىزىندە ستراتەگيالىق سەلبەستىك كەلىسىمىنە قول قويدى، الداعى جەردە ەكى جاق سەلبەستىگىنىڭ جاڭا تاراۋى اشىلاتىندىعى داۋسىز. ”14 - بەسجىلدىق“ كەزىندە جۇڭگو ليانتۇڭ توبى سەرىكتەستىگى تەحنيكا، قارجى سياقتى جاقتاردا شينجياڭعا ءتۇيىندى قولداۋ كورسەتىپ جانە بەيىمدەلىپ، شينجياڭعا باعىتتامالى كومەكتەسۋ قىزمەتىن اناعۇرلىم ويداعىداي ىستەيدى. سونىمەن بىرگە جاڭا نەگىزدىك قۇرىلىستاردى جۇيەلى ورنالاستىرىپ، 5G، ونەركاسىپ ينتەرنەتى، ۇلكەن ساندى مالىمەت ورتالىعى سياقتى قۇرىلىستاردى جۇيەلى ورنالاستىرىپ، زەردەلى قالا، سيفرلى ۇكىمەت، زەردەلى مادەنيەت - ساياحاتى سياقتى ءتۇيىندى نىساندار قۇرىلىسىنا دەم بەرەدى، ”سيفرلى شينجياڭ“، ”زەردەلى شينجياڭ“ ارقىلى شينجياڭنىڭ جوعارى ساپالى دامۋىنا كۇش ۇستەيدى.
اۆتونوميالى رايوننىڭ ورىنباسار ءتوراعاسى جاۋ چيڭ قول قويۋ سالتىنا قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
