ەركەش قۇرمانبەك قىزىنىڭ «ارعىماق اسۋى» اتتى رومانى جونىندەگى تالقى بەيجيڭدە وتكىزىلدى
2021.05.08 14:51 كەلۋ قاينارى : حالىق تورابى
5 – ايدىڭ 7 – كۇنى، جۇڭگو جازۋشىلار وداعىنىڭ جاسامپازدىق بايلانىس ءبولىمى مەن شينجياڭ ۇيعۇر اۆتونوميالى رايوندىق جازۋشىلار وداعى بىرگە ۇيىمداستىرعان، قازاق جازۋشى ەركەش قۇرمانبەك قىزىنىڭ «ارعىماق اسۋى» اتتى رومانى جونىندەگى تالقى بەيجيڭدە وتكىزىلدى. جۇڭگو جازۋشىلار وداعى شۋجيچۋىنىڭ شۋجيى چيۋ حۋادۇڭ، شينجياڭ جازۋشىلار وداعىنىڭ ءتوراعاسى قايرات اسىم، «ادەبيەت – كوركەمونەر گازەتىنىڭ» باس رەداكتورى لياڭ حۇڭيىڭ، «ۇلتتار ادەبيەتى» جۋرنالىنىڭ باس رەداكتورى شى ينيڭ قاتالى 10 نەشە جازۋشى، سىنشى تالقىعا قاتىناستى. تالقىنى جۇڭگو جازۋشىلار وداعى جاسامپازدىق بايلانىس ءبولىمىنىڭ مەڭگەرۋشىسى پىڭ شۋەميڭ باسقاردى.
چىن حۋادۇڭ مىنانى ءبىلدىردى: ەركەش قۇرمانبەك قىزىنىڭ «ارعىماق اسۋى» اتتى رومانى جونىندە تالقى وتكىزۋ — ادەبيەت سالاسىنداعىلاردىڭ باس شۋجي شي جينپيڭنىڭ ورتالىقتىڭ شينجياڭ قىزمەتى جونىندەگى 3 – رەتكى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن تياناقتاندىرىپ، «شينجياڭدى مادەنيەتپەن نارلەندىرۋدى» قۇلشىنا ىلگەرىلەتۋدەگى ماڭىزدى شارالارىنىڭءبىرى. ادەبيەت جۇرەكتەردى ءۇنسىز نارلەندىرەتىن قۋاتقا يە، ول مادەنيەتتى مويىنداۋدى جانە ۇلتتار ارا سۇيىسپەنشىلىك جاقىندىعىن كۇشەيتۋدە، ءار ۇلت كادرلارى مەن جۇرتشىلىعىن مەملەكەت، تاريح، ۇلت، مادەنيەت، ءدىن جونىندە دۇرىس كوزقاراس ورناتۋعا جەتەلەۋدە جانە سوتسياليستىك وزەكتى قۇن كوزقاراسىن جەتىلدىرۋ جاعىندا ەجەلدەن بەرى وزگەشە ءارى ماڭىزدى رول اتقارىپ كەلەدى.
قايرات اسىم بىلاي دەدى: «ارعىماق اسۋى» رومانىنداعى ۇلتتىق سالت – سانانى سۋرەتتەگەن تۇستارى وتە ناتيجەلى بولعان، اۆتوردىڭ الىمدىلىعى دا وسى جاعىندا ايگىلەنەدى، ول بىزگە شينجياڭداعى كوپ نەگىزدى مادەنيەت پەن حالىقتىڭ تاماشا تۇرمىسقا قول جەتكىزۋى سىندى امالياتتى ايقىن كورسەتكەن. روماندا ءار ۇلت مالشىلارىنىڭ جارتى عاسىردان بەرگى دۇبىرگە تولى، الاڭسىز دا تاماشا ءومىر ىزدەرى مەن رۋحاني تۇرمىسى ءتۇيىندى باياندالعان. قاينار، تولەۋبەك، شى بيڭچىن، سىمۋرى قاتارلى قايسار ازاماتتار وزگەرىسكە تولى ومىرمەن بەتپە – بەت كەلىپ، ءداۋىر سيلاعان ورايلاردى مىقتى يگەرىپ، قۇلشىنۋ ارقىلى ومىرلەرىن وزگەرتىپ، بەرەكەلى دە مەرەكەلى ومىرگە قادام تاستايدى.
تالقىعا قاتىناسقان ماماندار بىلاي دەپ قارادى: «ارعىماق اسۋى» — شينجياڭداعى باي جۇڭحۋا مادەنيەتىنىڭ مايەگىنەن ءنار العان، تاريحي تەرەڭدىك پەن تۇرعىدا جازىلعان شىنايى شىعارما. شىعارمادا اۆتور جەرگىلىكتى ورىننىڭ رەفورما جاساپ، ەسىك اشقاننان بەرگى ءار مەزگىلدەگى ءتۇرلى مادەني بەت – بەينەسىنە نازاردى شوعىرلاندىرىپ، ءار ۇلت جۇرتشىلىعىنىڭ بەرەكەمەن بىرگە ءومىر سۇرگەن، تاماشا تۇرمىسقا قول ۇستاسا قادام تاستاعان جاندى سۋرەتىن كەستەلەگەن. روماننىڭ وقيعا جەلىسى ايقىن، بايانداۋى جاتىق، باس – اياعى تابيعي قابىسقان، ءداۋىردىڭ قادامىنا ساي قالىپتاسقان ءداستۇرلى مادەنيەت پەن وسىزامانعى كوزقاراس اراسىنداعى قايشىلىقتارمەن بىرگە، رومانداعى كەيىپكەرلەردىڭ اراسىنداعى ءبىر شاڭىراقتىڭ ادامدارىنداي جاقىندىق كورنەكتى بەينەلەنگەن، كەيىپكەرلەردىڭ مىنەزدەمەلەرىنە بايلانىستى شيەلەنىستى جاعدايلارمەن قوسا، تۇسىنىستىك پەن ءبىر – بىرىنە دەگەن سەنىم دە شىنايى باياندالىپ، اۆتوردىڭ تۋىندىنىڭ نەگىزگى تاقىرىبىن، قۇرىلىمىن جانە كەيىپكەرلەرىن ءدال بەينەلەگەنىن ايگىلەيدى. شىعارما وسكەلەڭ ويمەن تۇرمىستاعى وڭاي بايقالمايتىن تۇيىندەر ارقىلى ماڭىزدى تاقىرىپتىڭ شىرايىن اشىپ، ۇلتتىق مادەنيەت پەن ۇلتقا دەگەن ماحابباتتىڭ كوپ تۇرلىلىگىن بايانداي كەلە، جۇڭحۋا ۇلتى ورتاق تانىمى سىندى زور ارنادا توعىستىرادى، بۇل دا شىعارمانىڭ شىنايى ءمانى مەن وسكەلەڭ داۋىرلىك رۋحىن كورنەكتىلەندىرە تۇسكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
