مەملەكەت ۇيىمداستىراتىن، بەسىنشى توپتا ءدارى – دارمەكتەردى شوعىرلى ساتىپ الۋعا قاتىستى تاڭداۋ ناتيجەسى جاريالاندى
تاڭدالعان ءدارى – دارمەكتەردىڭ باعاسى ورتا ەسەپپەن %56 تومەندەيدى
2021.06.24 16:16 كەلۋ قاينارى : حالىق تورابى
حالىق گازەتىنىڭ ءتىلشىسى لي حۇڭمەي 6 – ايدىڭ 23 – كۇنى بەيجيڭنەن حابارلايدى. 6 – ايدىڭ 23 – كۇنى مەملەكەتتىك مەديتسينالىق قامسىزداندىرۋ مەكەمەسى قاتارلى قاتىستى تاراۋلاردىڭ ۇيىمداستىرۋى جانە جەتەكشىلىك ەتۋىندە، بۇكىل ەلىمىزدەگى ءارقايسى ولكەلەردەن ۇيىمداسقان بىرلەستىك ورىستەتكەن مەملەكەت ۇيىمداستىراتىن، بەسىنشى توپتا ءدارى – دارمەكتەردى شوعىرلى، مولشەرلى ساتىپ الۋ قىزمەتىنىڭ تاڭداۋ ناتيجەسى شاڭحاي قالاسىندا جاريالاندى. جوسپارداعى 61 ءتۇرلى ءدارى – دارمەكتى ساتىپ الۋ ءساتتى بولدى، تاڭدالعان ءدارى – دارمەكتەردىڭ باعاسى ورتا ەسەپپەن %56 ارزاندايدى. شوعىرلى ساتىپ الۋدان بۇرىنعى باعاسى بويىنشا ەسەپتەگەندە، ۇكىمەت اشقان ەمدەۋ قۇرىلىمدارىنىڭ ساتىپ الۋعا جۇمسايتىن قاراجاتى 55 ميلليارد يۋان بولادى، بۇل شوعىرلى ساتىپ الۋ اتقارىلعاننان بەرگى ەڭ جوعارى رەكورد.
بۇل رەت شوعىرلى ساتىپ الاتىن ءدارى – دارمەك تۇرلەرى جوعارى قان قىسىمىن، ايدارشا ارتەريانىڭ قابىنۋىنان تۋىلعان جۇرەك اۋرۋىن، قانتتى نەسەپ اۋرۋىن ەمدەۋگە، رەاكسياعا قارسى ەمدەۋگە، جۇعىمدالۋعا قارسى ەمدەۋگە، اس قورىتۋ جولىنداعى اۋرۋلاردى ەمدەۋگە ىستەتىلەتىن دارىلەر قاتارلى ۇنەمى كەزدەسەتىن، سوزىلمالى اۋرۋلاردىڭ دارىلەرىن، سونداي – اق، وكپە راگى، ءسۇت بەزى راگى، تىك ىشەك راگى، توق ىشەك راگى قاتارلى سالماقتى اۋرۋلاردىڭ دارىلەرىن قامتيدى، وسىعان قاتىستى ناۋقاستاردىڭ ەمدەلۋ قاراجاتتارى كورنەكتى تومەندەيدى. ساتىپ العان ءدارى – دارمەكتەر تيپىنەن قاراعاندا، ۋكىلمەن ۇرىلاتىن دارىلەردىڭ سانى وسى رەت ساتىپ العان دارىلەردىڭ جالپى سانىنىڭ جارىمنان استامىن، سوماسى شامامەن %70 ىن ۇستاپ، نەگىزگى ءدارى – دارمەك ءتۇرى بولعان.
ءدارى – دارمەك كاسىپورىندارى بۇل رەتكى شوعىرلى ساتىپ الۋعا ايرىقشا ءمان بەردى، 201 كاسىپورىننىڭ 355 ءتۇرلى ءونىمى مەردىگەرلىككە قاتىناستى، 148 كاسىپورىننىڭ 251 ءونىمى تاڭداۋ تولىمدىلىعىنا يە بولدى. مۇندا، شەتەل قارجىسىنداعى 10 كاسىپورىننىڭ 11 ءتۇرلى ءونىمى تاڭدالدى، ەل ىشىندەگى 138 كاسىپورىننىڭ 240 ءتۇرلى ءونىمى تاڭدالدى. شەتەل قارجىسىنداعى كاسىپورىندارىن تاڭداۋ سانى تاريحتاعى شوعىرلى ساتىپ الۋ بويىنشا ەڭ جوعارى بولدى.
تانىستىرۋعا قاراعاندا، بۇل رەتكى شوعىرلى ساتىپ الۋدا «مولشەرى مەن باعاسىن ۇشتاستىرۋ، مەردىگەر شاقىرۋ مەن ساتىپ الۋدى بىرلەستىرۋ» سىندى نەگىزگى پرينسيپ جانە «مەملەكەت ۇيىمداستىرۋ، بىرلەستىك ساتىپ الۋ، تەكشە اتقارۋ» سىندى قىزمەت مەحانيزمى نەگىزىندە، بەلگىلەمەلەرگە ءىشىنارا رەتتەۋلەر جۇرگىزىلىپ، كەمەلدەندىرىلگەن: بىرىنشىدەن، تاڭدالعان ونىمدەرمەن قامداۋعا كەپىلدىك ەتۋگە اناعۇرلىم ءمان بەرىلگەن، كاسىپورىنداردىڭ قامتاماسىزداندىرۋ، قامداۋ جاۋاپكەرشىلىگى اناعۇرلىم ايقىندالعان ءارى زاپاسقا تاڭدالعان كاسىپورىنداردى تۇراقتاندىرۋ جونىندەگى شارتتار ەنگىزىلگەن. ەكىنشىدەن، كاسىپورىندار قويعان باعا مەن مەردىگەر شاقىرۋ، ساتىپ الۋ سەنىمدىلىگىن باعالاۋ جاعدايى شوعىرلى ساتىپ الۋعا تاڭداۋ شارتىنا قوسىلىپ، ادالدىقپەن جۇمىس ىستەگەن، مىندەتىن جاقسى اتقارعان كاسىپورىندارعا قولداۋ كورسەتىپ، سەنىمدىلىكتەن ايرىلعان، بەلگىلەمەگە قايشىلىق جاساعان، مىندەتىن جاقسى اتقارماعان كاسىپورىندارعا شەكتەمە قويۋ ويلاستىرىلعان. ساپا جاعىندا، ءبىر اۋىزدان ماقۇلداۋدى كوپيالانعان ءدارى – دارمەكتەردى ساتىپ الۋ جوسپارىنا قاتىناستىرۋدىڭ العى شارتى ەتۋگە جالعاستى تاباندى بولعان. ساتىپ الۋ ءتۇزىمىنىڭ ساپا، باعا، قامداۋ، سەنىمدىلىك قاتارلى جاقتارداعى بەلگىلەمەلەرى بىرتىندەپ كەمەلدەندىرىلگەن ءارى تەڭگەرىلگەن.
مەملەكەتتىك مەديتسينالىق قامسىزداندىرۋ مەكەمەسى قۇرىلعاننان بەرى، قازىرگە دەيىن ءدارى – دارمەكتەردى شوعىرلى، مولشەرلى ساتىپ الۋ ارەكەتىن 5 رەت ورىستەتكەن، مۇندا 218 ءتۇرلى ءدارى – دارمەك قامتىلىپ، نارىق سيىمدىلىعى 220 ميلليارد يۋانعا سايادى.
ءدارى – دارمەكتەردى شوعىرلى، مولشەرلى ساتىپ الۋ قىزمەتىن ۇدايىلاندىرىلعان، تۇزىمدەندىرىلگەن فورمادا ورىستەتۋ تالابىنا ساي، بۇدان بىلاي مەملەكەت ۇيىمداستىراتىن ءدارى – دارمەكتەردى ساتىپ الۋ كولەمى ۇزدىكسىز كەڭەيتىلەدى، كلينيكالىق ءدارى –دارمەكتەر قاجەتىن جەتەكشى ەتىپ، ءدارى – دارمەكتەردىڭ ساپاسىنا جانە قامداۋعا كەپىلدىك ەتىپ، جۇرتشىلىقتىڭ تيىمدىلىككە كەنەلۋ كولەمى كەڭەيتىلەدى، يگىلىگىن كورۋ سەزىمى جوعارىلاتىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
