لاۆاندا گۇل اشىپ، تۇرمىسىمىز قۇلپىرا ءتۇستى
□ انار بۇلت / شينجياڭ گازەتىنىڭ ءتىلشىسى جاڭ شياۋمي
2021.06.23 16:50 كەلۋ قاينارى : شينجياڭ گازەتى
”ۇيات بولدى، وسى كەزدە ءبىزدىڭ بۇل ارادا بوس ءۇي جوق“، - دەدى 6 - ايدىڭ 16 - كۇنى قورعاس اۋدانى لۋساۋگوۋ قالاشىعى سىگۇڭ قىستاعىنىڭ تۇرعىنى ۋاڭ جىمين تەلەفوندا ءجون سۇراعان ادامعا جاۋاپ قايتارىپ.
قازىر لاۆاندا قۇلپىرا گۇل اشقان ماۋسىم ءارى ساياحاتشىلاردىڭ قورعاسقا كەلىپ گۇل تاماشالايتىن مەزگىل، ۋاڭ جىمين اشقان حالىقتىق تۇسەلحانا 6 - ايدىڭ سوڭىنا دەيىن تاپسىرىس قابىلداپ بولدى.
كۇلگىن گۇل قۇلپىرا اشىلىپ، ساياحاتشىلاردى باۋرادى
كەزەكتە قورعاس اۋدانىندا لاۆاندا ەگىلگەن جەر اۋماعى 50 مىڭ مۋ مولشەرىندە، سىگۇڭ قىستاعىندا شامامەن 12 مىڭ مۋ جەرگە ەگىلگەن.
كۇن شۇلەن شۇعىلاسىن شاشىپ، كۇلگىن گۇلدى الاپ پەن الىستاعى قارلى تاۋ، كوك اسپان، اقشا بۇلتتارءبىر - بىرىنە كورىك بەرىپ تۇر. گۇل اتىزىنا ۆەلوسيپەد، التىباقان، ۇستەل - ورىندىق سياقتى سۋرەتكە تۇسۋگە ارنالعان جابدىقتار ورنالاستىرىلعان. ارناۋلى فوتو اپپارات، ۇشقىش اپپارات، قول تەلەفون بارلىعىن ساقاداي سايلاعان ساياحاتشىلار كوركەم كوزايىم ساتتەردى ەستەلىككە تۇسىرۋدە.
سۋجوۋدان كەلگەن ساياحاتشى شىن ليفاڭ تۋىستارىمەن ساياحات ۇيىرمەسىن قۇراپ كەلىپتى، العاشقى بەكەتى قورعاستا لاۆاندا گۇلىن تاماشالاۋ ەكەن. قۇلجا قالاسىنىڭ تۇرعىنى ليۋ ليڭ جونىنەن لاۆاندا تاماشالاۋ ونىڭ ءار جىلى، ءسوزسىز، ىستەيتىن ءىسى ەكەن. بيىل ول باسقاشا تاسىلمەن وزىمەن بىرگە جۇگىرەتىن 35 دوسىن ەرتىپ، 5.2 كيلومەترلىك ”گۇل اتىزىندا دەنە شىنىقتىرىپ جۇگىرۋگە“ قاتىناستى. فوتو اۋەسكەرى ليۋ چۇنشيڭ ءار جىلى فوتوعا ءتۇسىرۋ جابدىقتارىن الىپ، گۇل اشىلعان ماۋسىمدا وسى كۇلگىن گۇلگە ورانعان الاپقا ات باسىن بۇرادى.
سىگۇڭ قىستاعى پارتيا ياچەيكاسىنىڭ شۋجيى پان لين بىلاي دەدى: ”5 - ايدىڭ ورتا شەنىنەن باستاپ، لاۆاندا گۇلىن تاماشالاۋعا كەلەتىن ساياحاتشىلار بىرتىندەپ كوبەيە باستايدى. لاۆاندا گۇلى مەرەكەسىنە تۋرا كەلگەندىكتەن، وسى بىرنەشە كۇندە قىستاقتا اۆتوكولىك كورنەكتى كوبەيدى“.
قورعاس اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى جۋ شۋەبين بىلاي دەدى: ”بيىل گۇل تاماشالاۋ ءۇشىن ءوز اۆتوكولىگىمەن كەلگەن، ۇيىرمەمەن كەلگەن ساياحاتشىلار وتە كوپ، تەك 6 - ايدىڭ 12 - كۇنىنەن 14 - كۇنىنە دەيىن قورعاس اۋدانى 149 مىڭ 900 ادام - رەت ساياحاتشى قابىلدادى“.ينتەرنەت جەلىسىندەگى جانە ينتەرنەت جەلىسىنەن تىس قيمىلدار وتە تارتىمدى بولدى
”گۇل جينايىق!“ جۇمىسشىلاردىڭ بىردەي داۋىستاۋىمەن شوق - شوق لاۆاندا گۇلدەرى ماشيناعا سالىنىپ جاتىر.
6 - ايدىڭ 12 - كۇنى 2021 ىلە. حالىقارالىق ساياحات اڭعارى قورعاس 10 - كەزەكتى لاۆاندا مادەنيەتى حالىقارالىق ساياحات مەرەكەسى شىمىلدىعىن اشىپ، ساياحاتشىلارعا لاۆاندا مايىن سۇرىپتاپ الۋ بارىسىن سول جەردىڭ وزىندە كورسەتتى.
قورعاس اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى جوبالاۋ - دامىتۋ ءبولىمىنىڭ باستىعى شاۋ ۋي تانىستىرىپ بىلاي دەدى: ”لاۆاندانى ارقاۋ ەتە وتىرىپ، مەكەمەدە كوپتەگەن قيمىلدار جوسپارلاندى، گۇل تاماشالاۋ، لاۆاندا مايىن سۇرىپتاپ الۋ بارىسىن سول جەردىڭ وزىندە كورۋ، حوش ءيىس سايكەستىرۋشىنىڭ حوش ءيىس سايكەستىرۋى سياقتىلاردان تىس، تاعى گۇل تەرۋ، ءيىس ماي دورباسىن جاساۋ، لاۆاندا سابىنىن ءوزى جاساۋ سياقتى قيمىلدار بار“.
تاياۋ جىلداردان بەرى قورعاس اۋدانى ”جۇڭگو لاۆاندا گۇلى مەكەنى“ ايگىلى ماركاسىن قۇلشىنا جاراتىپ، ارت - ارتىنان 4 لاۆاندا گۇلى تاقىرىپتىق ساياحات كورىنىس ءوڭىرىن قۇردى. قازىر لاۆاندا گۇلىن تاماشالاۋ ىلە ساياحات جەلىسىندەگى دۋماندى ورىن، ارالاپ تاماشالاۋ، فوتوعا ءتۇسىرۋ، گۇل تەرۋ سىندى كوپتەگەن جەلىلەرى بار.
ينتەرنەت جەلىسىنەن تىسقارى قيمىلداردى بىلاي قويعاندا، ينتەرنەت جەلىسىندەگى قيمىلدار دا وتە تارتىمدى بولدى. بيىلعى لاۆاندا مادەنيەتى حالىقارالىق ساياحات مەرەكەسىنىڭ ءتۇيىنى تىكە تاراتۋ جانە جەلىدە ساياحاتتاتۋ بولىپ، ”تانىمالى ساياحات اۋەسكەرلەرىنىڭ ىلەنى ساياحاتتاۋ 2 - كەزەڭى. لاۆاندا مەكەنىنە قادام تاستاۋ“ قيمىلى ءبىر ۋاقىتتا باستالدى. ىلە قازاق اۆتونوميالى وبلىستىق پارتكوم ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى ينتەرنەت پارتيا قۇرىلىسى جانە قوعامدىق قىزمەت باسقارماسىنىڭ باستىعى چىن دىميڭ بىلاي دەدى: ”لاۆاندا ينتەرنەتتە دە وتە قارسى الۋعا يە بولدى. 6 - ايدىڭ 15 - كۇنىنە دەيىن تانىمالى ساياحات اۋەسكەرلەرى دوۋيىن، كۋايشوۋ سياقتى تۇعىرلاردا كۇندەلىك قىسقا كەسكىندەردەن 80ىن جولدادى، بۇكىل ينتەرنەتتەگى كورىلىمى 11 ميلليون 104 مىڭ ادام - رەتكە جەتتى؛ 83 كەزەك - رەت تىكە تاراتىپ، مۇنى جيىنى 3 ميلليون 463 مىڭ 100 ادام - رەت كوردى“.شارۋالاردىڭ كىرىسىن ارتتىرعان ”كۇلگىن بانكە“
لاۆاندانىڭ ارقاسىندا سىگۇڭ قىستاعى تۇرعىندارىنىڭ تۇرمىسىندا وراسان زور وزگەرىستەر جارىققا شىقتى.
6 - ايدىڭ 16 - كۇنى تۇسكى استى ۋاڭ جىمين سىرتتان الدىردى. ول بىلاي دەدى: ”بۇرىن اسحانا تاماعىن ءىشۋ ءۇشىن قالاشىققا بارۋعا تۋرا كەلەتىن، قازىر ساياحاتشىلار مولايىپ، اسحانا، سىرتتان تاماق جەتكىزەتىندەر كوبەيدى، تەلەفون بەرسە بولعانى تاماقتى جەتكىزىپ بەرەدى، ءارى تەز، ءارى قولايلى“.
”2017 - جىلدان باستاپ لاۆاندا ەكتىم، 2019 - جىلدان باستاپ حالىقتىق تۇسەلحانا اشتىم. لاۆاندا تۇرمىسىمىزدى قۇلپىرتا ءتۇستى“، - دەدى ۋاڭ جىمين.
”قازىر قىستاقتا بارلىق ادامنىڭ ىستەيتىن جۇمىسى بار، جاستار ساياحاتپەن اينالىسىپ، لاۆاندا مانەرلەۋمەن قاربالاس بولادى؛ ال قارتتار تازالىق ىستەپ، تاۋىق باعىپ، كوكونىس ەگەدى، بارلىعى دا اقشا تاۋىپ جاتىر“، - دەدى پان لين.
لاۆاندا حالىقتىق تۇسەلحانامەن قابىسىپ، سىگۇڭ قىستاعىنىڭ تۇرعىندارىنا جانە حوش ءيىس ىزدەگەن ساياحاتشىلارعا جاڭاشا ءبىر تۇرمىس ءتاسىلىن ازىرلەپ بەردى. حالىقتىق تۇسەلحانالار الۋان ۇلگىدە بولعانىمەن، ءبىر ورتاقتىعى − قىرۋار لاۆاندا فاكتورىن بويىنا سىڭىرگەن. قازىر قورعاس اۋدانىندا لاۆاندانى نەگىزگى تاقىرىپ ەتكەن حالىقتىق تۇسەلحانادان 30ى بار.
”لاۆاندا كاسىپ سالاسى ىلە ساياحاتىنىڭ تانىسقىسىنا اينالدى. لاۆاندا كاسىپ سالاسىن ارقاۋ ەتە وتىرىپ، ءبىز لاۆاندا ەرەكشە ەگىن شارۋاشىلىق سەيىل - سەرۋەن ساياحاتىن ونان ارى قالىپتاستىرىپ، لاۆاندا كاسىپ سالاسىن جەرگىلىكتى ورىنداعى شارۋالاردىڭ كىرىسىن ارتتىراتىن ’كۇلگىن بانكەگە‘ اينالدىرامىز“، - دەدى جۋ شۋەبين.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
