شينجياڭ ۇيعۇر اۆتونوميالى رايونى جاڭا پارتيا مۇشەلەرى ۋاكىلدەرىنىڭ پارتياعا كىرۋ سەرتىن بەرۋ قيمىلىن ورىستەتتى
2021.06.24 15:11 كەلۋ قاينارى : شينجياڭ گازەتى
چىن چۋانگو باستاپ سەرت بەردى
شوكىرات زاكىر، شاۋكەت يمىن، ۋاڭ جۇنجىڭ قاتىناستى
6 - ايدىڭ 22 - كۇنى اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلى اۆتونوميالى رايوننىڭ پارتيا، ۇكىمەت، ارميا ورىندارىنىڭ جانە شينجياڭ ءوندىرىس - قۇرىلىس بيڭتۋانىنىڭ باسشىلارى 8 - ارميانىڭ شينجياڭداعى ءىس باسقارماسى ەسكەرتكىش سارايىنا كەلىپ، ىززەت - قۇرمەتپەن ەكسكۋرسيالاپ، ۇيرەنىپ، جاڭا پارتيا مۇشەلەرى ۋاكىلدەرىمەن پارتياعا كىرۋ سەرتىن بەرۋ قيمىلىن بىرگە ورىستەتىپ، پارتياعا كىرۋ سەرتىن قايتا پىسىقتاپ، توڭكەرىستىك ارداگەر قۇربانداردى ەسكە الدى.□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي، ليۋ شياڭ 6 - ايدىڭ 22 - كۇنى ۇرىمجىدەن حابارلايدى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قارساڭىندا، 6 - ايدىڭ 22 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلى اۆتونوميالى رايوننىڭ پارتيا، ۇكىمەت، ارميا ورىندارىنىڭ جانە شينجياڭ ءوندىرىس - قۇرىلىس بيڭتۋانىنىڭ باسشىلارى 8 - ارميانىڭ شينجياڭداعى ءىس باسقارماسى ەسكەرتكىش سارايىنا كەلىپ، ىززەت - قۇرمەتپەن ەكسكۋرسيالاپ، ۇيرەنىپ، جاڭا پارتيا مۇشەلەرى ۋاكىلدەرىمەن پارتياعا كىرۋ سەرتىن بەرۋ قيمىلىن بىرگە ورىستەتىپ، پارتياعا كىرۋ سەرتىن قايتا پىسىقتاپ، توڭكەرىستىك ارداگەر قۇربانداردى ەسكە الىپ، قىزىل ءداستۇردى ساۋلەلەندىرىپ، قىزىل گەندى جالعاستىرىپ، رۋحاني قان تامىردى جالعاستىرىپ، مۇرات - سەنىمدى بەكەمدەپ، ەكپىندەي ىلگەرىلەۋ كۇشىن ۇيىستىردى.
شاۋكەت يمىن، ۋاڭ جۇنجىڭ، ياڭ چىڭ، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، تيان شياڭلي، ۋاڭ ميڭشان قاتارلىلار قيمىلعا قاتىناستى.
8 - ارميانىڭ شينجياڭداعى ءىس باسقارماسى ەسكەرتكىش سارايى سالتاناتتى دا جىم - جىرتتىققا شومىپ، ”山“ ءارىبى فورماسىنداعى قۇرىلىستىڭ توبەسىندەگى قىزىل بەس جۇلدىز ايرىقشا كوز تارتادى. چىن چۋانگو، شوكىرات زاكىر قاتارلىلار ەسكەرتكىش سارايىنا كىرىپ ىززەت - قۇرمەتپەن ەكسكۋرسيالادى. ناقتى دا جاندى تاريحي سۋرەتتەر، توتەنشە قۇندى حۇجاتتار، ناقتى زاتتار، جىر ەتەرلىك توڭكەرىستىك حيكايالار جۇڭگو كوممۋنيستەرىنىڭ ۇلت تاۋەلسىزدىگى مەن حالىق ازاتتىعى جولىندا شينجياڭدا قايسارلىقپەن توڭكەرىس جانە كۇرەس جۇرگىزگەن ەرەكشە تاريحىن جان - جاقتى ايگىلەپ تۇر. چىن چۋانگو، شوكىرات زاكىر قاتارلىلار ءتۇسىندىرۋدى مۇقيات تىڭداپ، ءالسىن - ءالى كىدىرىپ، زەر سالا ۇڭىلە قاراپ، قاتىستى جاعدايلاردى تاپتەشتەي سۇراپ، پارتيامىزدىڭ عالامات توڭكەرىستىك بارىسىن قايتا ەسكە الدى، تەرەڭ قىزىل رۋحتى ۇعىندى.
ەكسكۋرسيا اياقتاعاننان كەيىن، چىن چۋانگو، شوكىرات زاكىر قاتارلىلار ەسكەرتكىش سارايدىڭ 1 - قاباتىنداعى ۇلكەن زالعا كەلدى. نارت قىزىل جۇڭگو كوممۋنيستىك پارتياسىنىڭ پارتيا تۋى الدىندا چىن چۋانگو وڭ قولىن بايىپپەن كوتەرىپ، جاڭا پارتيا مۇشەلەرىن باستاپ پارتياعا كىرۋ سەرتىن بەردى، اۆتونوميالى رايوننىڭ باسشى جولداستارىن باستاپ پارتياعا كىرۋ سەرتىن قايتا پىسىقتادى، اسقاق تا قۋاتتى سەرت بەرۋ ۇندەرى ۇلكەن زالدا اۋەلەدى.
چىن چۋانگو بىلاي دەپ اتاپ كورسەتتى: پارتيامىزدىڭ تاريحى جۇڭگونىڭ تاياۋ، وسى زاماننان بەرگى تاريحىنىڭ ەڭ جىر ەتەرلىك تاراۋى. 100 جىلدىق ءۇرتىس كۇرەس جۇرگىزۋ بارىسىندا پارتيا حالىقتى ىنتىماقتاستىرىپ، باستاپ ۇلى جول اشتى، ۇلى ەڭبەك ءسىڭىردى، ۇلى رۋحتى سومدادى، قۇندى تاجىريبەلەر توپتادى، جۇڭحۋا ۇلتىنىڭ دامۋ تاريحىنداعى، ادامزات قوعامىنىڭ العا باسۋ تاريحىنداعى ادامدى جالت قاراتاتىن حيكىمەتتەردى جاراتتى. اسىرەسە، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا پارتيا مەن مەملەكەت ىستەرىندە تاريحي سيپاتتى تابىسقا قول جەتتى، تاريحي سيپاتتى وزگەرىس تۋىلدى. ءبىز شي جينپيڭ جاڭا ءداۋىر جۇڭگوشا سوتسياليزم يدەياسى ۇلى تۋىن مىزعىماي بيىك ۇستاپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيادا، ساياسيدا، ارەكەتتە باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ءمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە تاباندى بولىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، بۇكىل رايونداعى قالىڭ پارتيا مۇشەلەرىن، كادرلاردى ىنتىماقتاستىرىپ، باستاپ، قىزىل گەندى جالعاستىرىپ، داڭقتى ءداستۇردى اسقاقتاتىپ، اۋەلگى ماقساتتى، بورىشتى ەستە بەرىك ساقتاپ، جاڭا دامۋ كەزەڭىن اناعۇرلىم تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، ورنىقتىلىق، دامۋ قىزمەتتەرىن تىڭعىلىقتى ويداعىداي ىستەپ، پارتيا تاريحىن ۇيرەنۋدى، يدەيانى ءتۇسىنۋدى، ناقتى ءىس ىستەۋدى، جاڭا جاعداي اشۋدى شىن مانىندە ورىنداپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ تەلەگەي كۇشىن ۇزدىكسىز توپتاپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋىمىز كەرەك.
چىن چۋانگو جاڭا پارتيا مۇشەلەرى ۋاكىلدەرىن شي جينپيڭ جاڭا ءداۋىر جۇڭگوشا سوتسياليزم يدەياسىمەن بۇلجىماستان وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتەردى ىلگەرىلەتىپ، ءوز قىزمەتىن تياناق ەتىپ، قىزمەت ورنىن ءسۇيىپ، كاسىبىن قاستەرلەپ، قۇلشىنا قىزمەت ىستەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ جولىندا ءوز اقىل - پاراساتى مەن كۇش - قۋاتتارىن ارناۋعا جىگەرلەندىردى.
اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى باسشىلىق القاسىنىڭ مۇشەلەرى، قارۋلى ساقشى شينجياڭ باس اترەتىندەگى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، ءبىر ءبولىم جاڭا پارتيا مۇشەلەرىنىڭ ۋاكىلدەرى، ت. ب قيمىلعا قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
