سالاماتتى شينجياڭ قۇرۋدا بىردە - بىرەۋىن قاعىس قالدىرۋعا بولمايدى
انار بۇلت / شينجياڭ گازەتىنىڭ ءتىلشىسى سۋ لۋپيڭ
2021.06.25 17:26 كەلۋ قاينارى : شينجياڭ گازەتى
جالپى حالىقتىڭ سالاماتتىعى بولماسا، دوڭگەلەك داۋلەتتىلىكتەن اۋىز اشۋعا بولمايدى. پارتيا 18 - قۇرىلتايىنان بەرى رايونىمىز ەمدەۋ، ءدارى - دارمەك، دەنساۋلىق ساقتاۋ ءتۇزىلىس رەفورماسىن جالپى بەتتىك تەرەڭدەتىپ، دارەجەگە ءبولىپ دياگنوز قويۋ - ەمدەۋ ءتۇزىمىن ۇزدىكسىز كەمەلدەندىرىپ، ساپالى ەمدەۋ بايلىعىنىڭ بىركەلكى ورنالاسۋىن جەبەپ، ”اۋرۋدى ەمدەۋدى وزەك ەتۋدەن“ ”حالىقتىڭ سالاماتتىعىن وزەك ەتۋگە“ قاراي بۇرىلىس جاساۋدى بار كۇشپەن ىلگەرىلەتتى، ءار ۇلت بۇقاراسىنىڭ سالاماتتىق يگىلىگى ۇزدىكسىز جاقساردى.قىستاقتىڭ بارلىعىندا تولىمدى قىستاق شيپاگەرى بار
”بۇرىن قالاشىقتاعى شيپاحانانىڭ شارت - جاعدايى ايتارلىقتاي ەمەس بولاتىن، كوپتەگەن اۋرۋلاردى كورسەتە المايتىنبىز“، - 6 - ايدىڭ 7 - كۇنى ۇلۇقشات اۋدانى اقيار قالاشىق شيپاحاناسىنا كەلىپ قۇرساق ءبولىمىن B ۋلترا تولقىندى اسپاپپەن تەكسەرتكەن تۇرسۇن ءازىز: ”قازىر شيپاحانا ’كەرەمەت‘ ەكەن، تەكسەرۋ، حيميالىق تالداۋ جاساۋ جۇرگىزۋمەن بىرگە، وپەراتسيا دا جاسايدى ەكەن“، - دەدى سۇيىنە.
2016 - جىلى رايونىمىز اۋىل - قىستاق ەكى دارەجەلى ەمدەۋ، دەنساۋلىق ساقتاۋ قۇرىلىمىن ولشەمدەندىرۋ قۇرىلىسىن باستادى. مەملەكەت پەن اۆتونوميالى رايوننىڭ قارجىلاي قولداۋىندا، اقيار قالاشىق شيپاحاناسى ”بىردە جەتكىلىكتى بولۋ، ءۇشتى ولشەمگە جەتكىزۋ“ (جۇمىس ءۇيىنىڭ اۋماعى مەن جەر سىلكىنىسىنە ءتوزىمدى قورعانىس ولشەمى جەتكىلىكتى بولۋ، تاس جولدى قاتايتۋ، قورشاعان ورتانى كورىكتەندىرۋ، جاسىلداندىرۋ اۋماعى ولشەمگە تولۋ) تالابى بويىنشا دارەجەسىن ءوسىرىپ جاڭالاۋ جۇرگىزىپ، امبولاتوريا، ناۋقاستار بولىمىندە، الەۋمەتتىك دەنساۋلىق ساقتاۋ، ايەلدەر - بالالار دەنساۋلىعىن ساقتاۋ، تەكسەرۋ، حيميالىق تالداۋ جاساۋ، جۇڭي شيپاگەرلىگى فيزيكالىق ەمدەۋ سياقتى يقۋات وڭىرلەرىن ورنالاستىردى، وسىزاماندانعان وپەراتسيا ءۇيىن سالدى، ءتۇستى ۋلترا تولقىندى تەكسەرۋ اسپابى، تولىق اۆتوماتتانعان سارالاۋ اسپابى، قان كلەتكاسىنا تالداۋ جاساۋ اسپابى، نەسەپ سۇيىقتىعىنا تالداۋ جاساۋ اسپابى، سەنتردەن تەپكىش اسپاپ، شۇعىل قۇتقارۋ جابدىقتارى سياقتىلار تولىق سەپتەلدى. بۇرىن كورە المايتىن اۋرۋلاردى كورە الاتىن بولدى، ىستەي المايتىن تەكسەرۋلەردى ىستەي الاتىن بولادى.
2019 - جىلى 11 - ايدىڭ سوڭىندا رايونىمىز 898 اۋىل - قالاشىق شيپاحاناسىن، 8602 قىستاق ەمحاناسىن ولشەمدەندىرۋ قۇرىلىسىن تامامداپ، اۋىل، قىستاق ەكى دارەجەلى ەمدەۋ قۇرىلىمدارىن ولشەمدەندىرۋ قۇرىلىسىمەن جاپپاي قامتۋدى، بارلىق قىستاقتا تولىمدى قىستاق شيپاگەرى بولۋدى جۇزەگە اسىردى.
بۇگىنگى تاڭدا، الىس ارالىقتان بىرىگىپ دياگنوز قويۋ، الىس ارالىقتان كەسكىندەۋىش اسپابىن قولدانۋ، الىس ارالىقتان شينديانتۋمەن تەكسەرۋ ارقىلى اۋىل - قالاشىق شيپاحانالارى تاعى دا ءبىرىنشى، ەكىنشى تۇردەگى وپەراتسيالاردى جاساپ، ”جاي اۋرۋلاردى قىستاقتا، سالماقتى ناۋقاستاردى اۋداندا ەمدەۋ“ نىساناسىن نەگىزىنەن جۇزەگە اسىردى.ساپالى ەمدەۋ بايلىعى نەگىزگى ساتىعا جەتكىزىلدى
2020 - جىلى 4 - ايدىڭ 10 - كۇنى الىس ارالىقتان شينديانتۋمەن تەكسەرگەننەن، الىس ارالىقتان كەسكىندەۋىش اسپابىن قولدانعاننان كەيىن، شينجياڭ مەديتسينا داشۋەسىنە قاراستى 1 - شيپاحانا شينجياڭدا تۇڭعىش الىس ارالىقتى ۋلتىرا دىبىستى كەسكىندەۋىش ارقىلى دياگنوز قويۋدى اتقاردى. ”مامانداردىڭ الىس ارالىقتا جەتەكشىلىك ەتۋىنىڭ ارقاسىندا ناۋقاستارعا ۇيلەرىنىڭ قاسىندا دياگنوز قويىلىپ، ەمدەلۋىنە مۇمكىندىك جاسالۋمەن بىرگە، مەنىڭ دە كۇردەلى اۋرۋلارعا دياگنوز قويۋ تەحنيكام دا جوعارىلادى“، - دەدى قاراقاش اۋداندىق حالىق شيپاحاناسى ۋلتىرا دىبىستىق دياگنوز قويۋ ءبولىمىنىڭ مەڭگەرۋشىسى اسقار ابلا.
ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋدىڭ ماڭىزدى مازمۇنى رەتىندە، رايونىمىز قالادا ەمدەۋ بىرىككەن تۇلعاسى، اۋدان اۋماعىنداعى ەمدەۋ ورتاق تۇلعاسى، ءوڭىر اتتاعان ارناۋلى بولىمدەر بىرلەستىگى، الىس ارالىقتى ەمدەۋدى سايكەستىرۋ تورابى سىندى 4 ءتۇرلى فورماداعى ەمدەۋ بىرىككەن تۇلعاسى قۇرىلىسىن جالپى بەتتىك ىلگەرىلەتىپ، ساپالى ەمدەۋ بايلىعىن تومەنگە ءتۇسىرۋدى جەدەلدەتىپ، نەگىزگى ساتىداعى ەمدەۋ، دەنساۋلىق ساقتاۋ قۇرىلىمدارىنىڭ قىزمەت وتەۋ قابىلەتىن جوعارىلاتتى.
6 - ايدىڭ 18 - كۇنى ساعات 10 مولشەرىندە باي اۋدانى شوڭكوپىر اۋىلدىق شيپاحاناسىنىڭ امبولاتوريا عيماراتىندا باي اۋداندىق جۇڭي شيپاحاناسىنىڭ ماماندارى بەساسپاپ شيپاگەرلەردى باستاپ ناۋقاستاردى سابىرلىلىقپەن تەكسەردى؛ جۇڭي شيپاگەرلىك سارايىنىڭ ناۋقاستار بولمەسىندە شيپاگەرلەر مەن سەسترالار ۋقالاۋ، تارتۋ، ساۋىقتىرۋ، ينە شانشۋ قىزمەتىمەن قاربالاستىققا ءتۇستى؛ بالنيتسا بولىمىندە ماماندار شيپاگەرلەر مەن سەسترالاردى باستاپ ءبىر كۇندىك ناۋقاستار بولمەسىن تەكسەرۋدى باستادى...
ولقىلىقتاردى تولىقتاپ، ءالسىز تۇستاردى كۇشەيتتى. رايونىمىز اۋدان اۋماعىندا ءجيى تيپتەگى ەمدەۋ ورتاق تۇلعاسى رەفورماسىن جەدەل ىلگەرىلەتىپ، ”اۋدان مەن اۋىلدى ءبىر تۇلعاندىرۋ، اۋىل مەن قىستاقتى ءبىر تۇلعاندىرۋ“ مەحانيزم قۇرىلىسى ارقىلى ”اۋداندى كۇشەيتۋ، اۋىلدى جانداندىرۋ، قىستاقتى ورنىقتىرۋ، جوعارى مەن تومەندى بايلانىستىرۋ، ينفورماتسيانى ىركىلىسسىزدەندىرۋ“ سىندى ەمدەۋ مەن ساقتانۋدى ۇشتاستىرعان قىزمەت وتەۋ جاڭا ۇلگىسىن قايتا سومدادى.
سونىمەن بىرگە، 3 - دارەجەلى شيپاحانانىڭ باعىتتامالى كومەكتەسۋ - سۇيەمەلدەۋىن اتقارىپ، رايون ءىشى - سىرتىنداعى، ارميا مەن جەرگىلىكتى ورىنداعى 3 - دارەجەلى 63 شيپاحانانى (جۇڭي شيپاگەرلىك تۇرىندەگى شيپاحانالاردى قامتيدى) ۇيىمداستىرىپ، اۆتونوميالى رايونداعى 32 اۋداندىق حالىق شيپاحاناسى مەن جۇڭي شيپاگەرلىك تۇرىندەگى 24 شيپاحاناعا ”اماناتتاپ باسقارۋ فورماسىندا“، ”ۇجىم فورماسىندا“ كومەكتەسۋ - سۇيەمەلدەۋ جۇرگىزدى. ماماندار تىرەكتى كادرلاردى، ۇستازدار شاكىرتتەردى باۋلۋ، جەرگىلىكتى ورىنداعى ءتۇيىندى ءپان تىرەكتى كادرلارى ءبىلىم اسىرۋعا، ۇيرەنۋگە بارۋ ارقىلى اۋدان دارەجەلى ەمدەۋ قۇرىلىمدارىنىڭ نەگىزدىك قۇرىلعىلارىنىڭ ءالسىز، دارىندىلار تاپشى بولۋ، تەحنيكالىق ورەسى جوعارى بولماۋ سياقتى ماسەلەلەردى قۇلشىنا شەشتى.
بۇگىنگى تاڭدا، ساپالى ەمدەۋ بايلىعىنىڭ نەگىزگى ساتىعا قاراي بىرتىندەپ بەيىمدەلۋىمەن، ءتىپتى دە كوپ شەت - شالعاي وڭىرلەردەگى بۇقارا دا حاۋىپسىز، جوعارى ءونىمدى، ساپالى، قولايلى ەمدەۋ قىزمەت وتەۋىنەن يگىلىكتەنەتىن بولدى، رايونىمىزدىڭ ”نەگىزگى ساتى الدىمەن دياگنوز قويۋ، قوس باعىتتا دياگنوز قويۋ، شۇعىل جانە سوزىلمالى ناۋقاستاردى ءبولىپ ەمدەۋ، جوعارى مەن تومەن بىرلەسىپ ارەكەتتەنۋ“ بويىنشا دارەجەگە ءبولىپ دياگنوز قويۋ - ەمدەۋ ءتۇزىمى كۇن سايىن كەمەلدەندى.سالاماتتىق ۇستانىمى جۇرت جۇرەگىنە ۇيالادى
تەكەس اۋدانى شولاقتەرەك قالاشىعى بوزادىر مال شارۋاشىلىق ءوڭىرى تيانشان تاۋىنىڭ قويناۋىندا، ءار جىلى 10 - ايدىڭ باسىندا مالشىلار مالدارىن ايداپ قىسقى وتاردا قىستاپ، كەلەسى جىلى 3 - ايدا تاۋدان تۇسەدى. وسى ارالىقتا بوزادىر مال شارۋاشىلىق ءوڭىرى كوكسۋ اراسان شيپاحاناسى قىستاق شيپاگەرلەرىن قىسقى وتارعا بارىپ ارالاپ دياگنوز قويۋعا ءارى مالشىلارعا سالاماتتىق ىستەرىن باسقارۋعا ۇيىمداستىرادى.
سەرىك شاكىت بوزادىر مال شارۋاشىلىق ءوڭىرى كوكسۋ اراسانى شيپاحاناسىنداعى قىستاق شيپاگەرى ءارى وتباسىلىق شيپاگەر. قايسى ادامدا جوعارى قان قىسىم بار ەكەندىگى، قايسى ايەلدىڭ اي - كۇنى تولىپ وتىرعاندىعى، قايسى بالانىڭ ساقتىق ۋكولىن سالۋى كەرەكتىگى وعان بەس ساۋساعىنداي قانىق. وسى بىرنەشە جىلدا جالپى حالىقتىڭ دەنساۋلىق تەكسەرتۋى ارقىلى سەرىك مالشىلاردىڭ سالاماتتىق ارحيۆىن بىرتىندەپ كەمەلدەندىرىپ، ءتۇيىندى ادامدار شوعىرىنا سالاماتتىق بويىنشا باسقارۋ جۇرگىزىپ، سالماقتى ناۋقاستاردان مەرزىم سايىن احۋال ۇعىسىپ، سوزىلمالى اۋرۋى بار ناۋقاستارعا دەر كەزىندە ءدارى بەرىپ، مالشىلاردىڭ ناشار تازالىق ادەتىن تاستاۋىنا قۋزاۋ سالدى...
ۋاقىت ۇزارا كەلە مالشىلار ءسۇت شايعا تۇزدى از سالاتىن بولدى، بالالار قولىن ۇنەمى جۋاتىن بولدى، كەيبىر مالشى وتباسىلارى قان قىسىمدى ولشەۋ اسپابىن، قانت قۇرامىن ولشەۋ اسپابىن ساتىپ الدى، سالاماتتىق ۇستانىمى مالشىلاردىڭ كوكەيىنە بارعان سايىن تەرەڭ ۇيالادى.
تاياۋ جىلداردان بەرى رايونىمىز نەگىزگى الەۋمەتتىك دەنساۋلىق ساقتاۋ قىزمەت وتەۋى ۇسىنىلىمىن ۇزدىكسىز ارتتىرىپ، نەگىزگى ساتىنىڭ قىزمەت وتەۋ جۇيەسىن، قابىلەتىن، ىشكى ماندىك قۇرىلىسىن كۇشەيتىپ، وتباسىلىق شيپاگەرلەردىڭ كەلىسىم بويىنشا قىزمەت وتەۋىن كۇش سالا ىلگەرىلەتتى، ءار ۇلت بۇقاراسىنىڭ سالاماتتىق تابىس سەزىمى ۇزدىكسىز كۇشەيدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
