لي جانشۋ كيريباتي پارلامەنتىنىڭ باستىعى ريتتەرمەن كەڭەس وتكىزدى
2021.06.25 17:24 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 24 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 6 - ايدىڭ 24 - كۇنى بەيجيڭدەگى حالىق سارايىندا بەينە ەكران تاسىلىمەن كيريباتي پارلامەنتىنىڭ باستىعى ريتتەرمەن كەڭەس وتكىزدى.
لي جانشۋ بىلاي دەدى: ءتوراعا شي جينپيڭ مەن ماماۋ زۇڭتۇڭنىڭ ستراتەگيالىق جەتەكشىلىگىندە، جۇڭگو مەن كيريباتي ديپلوماتيالىق قاتىناستى رەسمي قالپىنا كەلتىرگەننەن بەرى ەكى جاقتى قاتىناستىڭ دامۋ بەتالىسى جاقسى بولىپ، ساياسي ءوزارا سەنىمدىلىگى ۇزدىكسىز كۇشەيىپ، ءار سالاداعى اۋىس - كۇيىس پەن سەلبەستىكتىڭ ناتيجەسى كورنەكتى بولدى. ەكى ەل ىندەتكە قول ۇستاسا قارسى اتتانىپ، ادامزاتتىڭ تاعدىرلاس ورتاق تۇلعاسى ۇستانىمىن جاندى ءتۇسىندىردى. جۇڭگو جۇڭگو - كيريباتي قاتىناسىن دامىتۋعا ايرىقشا ءمان بەرەدى، كيريباتي جاقپەن بىرگە ەكى ەل باسشىلارى كەلىسكەن ماڭىزدى ورتاق تانىمدى تياناقتاندىرىپ، ەكى ەل قاتىناسىنىڭ اناعۇرلىم كوپ تابىسقا قول جەتكىزۋىن ىلگەرىلەتۋدى قالايدى.
لي جانشۋ بىلاي دەپ اتاپ كورسەتتى: اماليات جۇڭگو مەن كيريباتيدىڭ ديپلوماتيالىق قاتىناستى قالپىنا كەلتىرۋى حالىقارالىق اۋقىم مەن ءداۋىر اعىمىنا ۇيلەسكەنىن، ەكى ەلدىڭ جانە ەكى ەل حالىقتارىنىڭ ءتۇبىرلى مۇددەسىنە ۇيلەسكەنىن دالەلدەدى. جۇڭگو جاق ۇلكەن - كىشى ەلدەردىڭ تەرەزەسى تەڭ دەگەندى باستان - اياق دارىپتەپ كەلەدى، كيريباتي جاقتىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدادى. جۇڭگو كيريباتي جاقتىڭ جۇڭگونىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە باتىل قولداۋ كورسەتكەنىن القايدى. تايۋان ماسەلەسى جۇڭگونىڭ وزەكتى مۇددەسىنە جانە جۇڭگو حالقىنىڭ سۇيىسپەنشىلىگىنە سايادى، كيريباتي جاقتىڭ ءبىر جۇڭگو پرينسيبىنە باتىل بويسۇنۋىن ءۇمىت ەتەمىز. ەكى جاق ساياسي جاقتا ءوزارا قولداۋدى ۇزدىكسىز كۇشەيتىپ، ەكى ەل دوستىعىنىڭ حالىق رايى نەگىزىن بەكەمدەپ، كوپ جاقتى سايكەسۋدى كۇشەيتىپ، وركەندەپ كەلە جاتقان ەلدەردىڭ ورىندى ۇقىق - مۇددەسىن بىرگە قورعاۋى كەرەك. «ءبىر بەلدەۋ، ءبىر جولدى» بىرگە قۇرۋدى ىلگەرىلەتىپ، ەكونوميكا - ساۋدا، قارجى قوسۋ، نەگىزدىك قۇرىلعى، تەڭىز - مۇحيت بالىق شارۋاشىلىعى سياقتى سالالارداعى ناقتى سەلبەستىكتى تەرەڭدەتىپ، مادەنيەت، وقۋ - اعارتۋ، جاستار، دەنەتاربيە، دەنساۋلىق ساقتاۋ سياقتى جاقتارداعى اۋىس - كۇيىستى كەڭەيتىپ، ىندەتكە ۇزدىكسىز قول ۇستاسا قارسى اتتانىپ، جۇڭگو مەن كيريباتيدىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋ كەرەك. جۇڭگو كليمات وزگەرىسى ماسەلەسىنە ايرىقشا ءمان بەرەدى، كيريباتيدى قامتىعان حالىقارالىق قوعاممەن بىرگە «پاريج كەلىسىمىنىڭ» جاپپاي، ءونىمدى اتقارىلۋىن ىلگەرىلەتۋدى قالايدى.
لي جانشۋ جۇڭگو كوممۋنيستىك پارتياسىنىڭ 100 جىلدان بەرى، اسىرەسە، پارتيانىڭ 18 - قۇرىلتايىنان بەرى جۇڭگو حالقىن ىنتىماقتاستىرىپ جانە باستاپ قول جەتكىزگەن تاريحي تابىستارى مەن نەگىزگى تاجىريبەلەرىن تانىستىرىپ، مىنانى دارىپتەدى: جۇڭگو مەملەكەتتىك حالىق قۇرىلتايى كيريباتي پارلامەنتىمەن دوستىق بارىس - كەلىستى جيىلەتىپ، ەكى ەل باسشىلارىنىڭ ورتاق تانىمىن تياناقتاندىرىپ، ەكى ەل قاتىناسى مەن ەكى ەل حالىقتارىنىڭ باقىتىن جەبەۋگە بەلسەندى ۇلەس قوسۋدى قالايدى. ەكى جاقتىڭ يكەمدى ءتاسىل ارقىلى ءار دارەجەلى بارىس - كەلىستى، سەلبەستىكتى تەرەڭدەتۋىنە بولادى. ەكى جاقتى قاتىناستىڭ دامۋىنا ءتيىمدى زاڭدىق قۇجاتتاردى دەر كەزىندە بەكىتىپ، وزگەرىس ەنگىزىپ، ءار سالاداعى ناقتى سەلبەستىكتى زاڭدىق كەپىلمەن قامداۋ كەرەك. زاڭ شىعارۋ، باقىلاۋ جانە ەل باسقارۋ تاجىريبەلەرىن اۋىستىرۋ ىستەرىن ورىستەتىپ، وزىندىك دامۋ نىساناسىن جۇزەگە اسىرۋعا دەم بەرۋ كەرەك. حالىقارالىق جانە وڭىرلىك زاڭ شىعارۋ قۇرىلىمدارىنىڭ ۇيىمدارىندا، سونداي - اق قاتىستى حالىقارالىق ماجىلىستەردە پىكىرلەسۋدى، سايكەسۋدى كۇشەيتۋ كەرەك.
ريتتەر مىنانى ءبىلدىردى: كيريباتي جۇڭگومەن دوستىق قاتىناستى دامىتۋعا ايرىقشا ءمان بەرەدى، ءبىر جۇڭگو پرينسيبىن باتىل اتقارادى. جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتايمىن. جۇڭگونىڭ ىندەتكە قارسى اتتانۋ، ەكونوميكالىق، قوعامدىق دامۋدى جەبەۋ بارىسىندا كيريباتي جاققا قولداۋ كورسەتكەنىنە العىس ايتامىن. ەكى جاقتىڭ ەكونوميكا - ساۋدا، قارجى قوسۋ، ساياحات، نەگىزدىك قۇرىلعى، ىندەتكە قارسى اتتانۋ سياقتى سالالارداعى سەلبەستىگىن كەڭەيتۋدى ءۇمىت ەتەمىن. كيريباتي پارلامەنتى جۇڭگو مەملەكەتتىك حالىق قۇرىلتايىمەن اۋىس - كۇيىستى ونان ارى كۇشەيتىپ، ەكى ەل اراسىنداعى دوستىق پەن سەلبەستىكتى جەبەۋگە پەيىل.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
