ا ق ش مەملەكەتتىك كەڭەسىنىڭ جۇڭگونى ءناسىلدىڭ جوعالۋى حاۋپى اۋىر مەملەكەتتەر تىزىمدىگىنە قوسقانى جونىندە، سىرتقى ىستەر مينيسترلىگىنىڭ مالىمدەمەشىسى جاۋ ليجيان 7 – ايدىڭ 13 – كۇنى بىلاي دەدى: كوپشىلىككە كۇلدىرگى ايتىپ بەرەيىن، ا ق ش بۇل مالىمدەمەسىندە وسى كەزەكتى ۇكىمەت دۇنيە ءجۇزىنىڭ جەر – جەرىندەگى ادامدىق ۇقىق ىستەرىن قورعايدى دەپ جازىپتى، بۇل توتەنشە قيسىنسىز ءارى كۇلكىلى. «ا ق ش – نداعى كەيبىر ادامدار وزدەرى اۋىرىپ جۇرسەدە، ۇنەمى باسقالاردىڭ تامىرىن ۇستاپ، ءدارى بەرۋدى ويلايدى، مۇنداي قيسىنسىز لوگيكامەن جاسالعان مالىمدەمە، كەرەكسىز قاعازدىڭ ءدال ءوزى»، — دەدى ول. مەن سىزدەرگە تاعى ءبىر كۇلدىرگى ايتىپ بەرەيىن، ا ق ش جاق بۇل مالىمدەمەسىندە جۇڭگو ۇكىمەتىن شينجياڭدا اتالمىش «ءناسىلدى جويۋ جانە ادامزاتقا قارسى بولۋ قىلمىسىن» وتكىزدى دەپ قارالاعان، بۇل وسى عاسىرداعى ەڭ ۇلكەن وتىرىك - وسەك. «ا ق ش جاقتىڭ وزگە ەلدىڭ ادامدىق ۇقىق جاعدايى جونىندە اكىرەڭدەيتىن تولىمدىلىعى جوق، ا ق ش جاق الجاسقانىن اڭداماي، شينجياڭعا قاتىستى وتىرىكتى دابىرالاۋمەن، شۇرقان سالۋمەن بارىنشا ابىگەر بولدى. ولاردىڭ اتالمىش شينجياڭداعى ماسەلە دەگەن ارقىلى جۇڭگونى تەجەۋدەگى ساياسي ماقساتى بەسەنەدەن بەلگىلى، تەك ماسقارالىق جەڭىلىسپەن تىنادى. ا ق ش جاق ءالى دە وزىندەگى ادامدىق ۇقىق ماسەلەلەرىن شىنايى شەشۋگە كوبىرەك كۇش جۇمساعانى ءجون».
كەلۋ قاينارى: حالىق تورابى