شينجياڭ 8 ميلليون يۋاندىق زاتتى شاڭحايعا كومەككە بەردى

2022.04.08 15:34   كەلۋ قاينارى : حالىق تورابى

　　سۋرەتتە: شاڭحايعا كومەككە بەرگەن زاتتاردى تيەگەن اۆتوموبيلدەر 4 – ايدىڭ 7 – كۇنى شينجياڭ جەمىس شارۋاشىلىعى توبىنىڭ قامبا جانە زات اينالىمى ورتالىعىنان جولعا شىقتى.

　　تيانشان تورابى – شينجياڭ گازەتىنىڭ ءتىلشىسى تو يا حابارلايدى. 4 – ايدىڭ 7 – كۇنى ساعات 17 دە، جەمىس، نان، لەبا قاتارلى زاتتاردى تيەپ، شينجياڭداعى ءار ۇلت حالقىنىڭ تەرەڭ دوستىعىن جەتكىزەتىن ءىرى تۇرپاتتى جۇك اۆتوموبيلدەرى توبى ءۇرىمجى جوعارى - جاڭا تەحنيكالاردى اشۋ رايونى (جاڭا قالا رايونى) سولتۇستىك رايون ونەركاسىپ باقشاسى شينجياڭ جەمىس شارۋاشىلىعى توبىنىڭ قامبا جانە زات اينالىمى ورتالىعىنان جولعا شىعىپ، شاڭحاي قالاسىنا كومەك بەرۋگە تۇندەلەتىپ اتتاندى.

　　قازىر، شاڭحاي قالاسى ىندەتكە توتەپ بەرۋدىڭ «ەڭ شەشۋشى، ەڭ قيىن» كەزەڭىنە ءوتتى. شينجياڭ ۇيعۇر اۆتونوميالى رايونى، شينجياڭ ءوندىرىس – قۇرىلىس بيڭتۋانى وسكەلەڭ ءمان بەرىپ، اۆتونوميالى رايوندىق قامداۋ – ساتۋ كوپەراتيۆى مەن بيڭتۋان شۇعىل جاعدايلارعا توتەپ بەرۋدى باسقارۋ مەكەمەسى قاتارلى تاراۋلاردى ىندەتكە توتەپ بەرۋگە قاجەتتى بۇيىمداردى دايىنداۋعا ورنالاستىرىپ، شاڭحاي قالاسىنىڭ ىندەتتەن ساقتانۋ – تىزگىندەۋ قىزمەتىنىڭ تەزىرەك جەڭىسكە قول جەتكىزۋىنە دەم بەردى. سونىمەن بىرگە، قاتىستى تاراۋلار زاتتاردىڭ ءتۇرى، ساپاسى، حاۋىپسىزدىگى، قوراپتالۋى قاتارلى جاقتاردان قاتاڭ تەكسەرۋدەن وتكىزدى.

　　كەلۋ قاينارى: حالىق تورابى