جۇڭ نانشان ەڭ جاڭا تۇجىرىم جاسادى

2022.04.11 14:45   كەلۋ قاينارى : حالىق تورابى

　　4 – ايدىڭ 8 – كۇنى، جۇڭگو ينجەنەريا اكادەمياسىنىڭ اكادەميگى جۇڭ نانشان جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ جاعدايى قاتارلى ماسەلەلەر جونىندە سۇراۋلارعا جاۋاپ بەرگەندە: «جاڭا تيپتى ايدارشا ۆيرۋس وكپە قابىنۋ ىندەتىندەگى باستى ءتۇيىن — ۆيرۋستىڭ تارالۋىن جانە اۋرۋدان قازا بولۋ مولشەرىن بارىنشا ازايتۋ»، — دەگەن.

　　قازىر تارالىپ وتىرعان وميكرون وزگەرگەن ۆيرۋس تۇبىرشىگىنىڭ اۋرۋ بەلگىسى جەڭىل، دەلتا ۆيرۋسىمەن سالىستىرعاندا، اۋرۋدان قازا بولۋ مولشەرى ءبىرشاما از، سوندىقتان، ءىشىنارا مەملەكەتتەر ۆيرۋسپەن بىرگە ءومىر ءسۇرۋدى دۇرىس دەپ تانىدى. وسى جونىندە، جۇڭ نانشان اكادەميكتىڭ شياڭگاڭ مەن شاڭحايداعى ىندەت جاعدايىنا ۇشتاستىرا وتىرىپ ايتۋىنشا، وميكرون ۆيرۋسىنىڭ ولىمگە دۋشار ەتۋ مولشەرى تومەن بولعانىمەن، تارالۋ قۋاتى كۇشتى، ەگەر كەڭ كولەمدە تارالاتىن بولسا، كوپ ادام ومىرىنەن ايرىلادى. «سوندىقتان، قازىرگى جاعدايدان الىپ قاراعاندا، جۇڭگودا بۇكىلدەي اشىق ۇستاۋ شاراسىن قولدانۋ ۇيلەسپەيدى، جۇڭگو جونىنەن ايتقاندا، بايقالعان سايىن نولگە ءتۇسىرىپ وتىرۋدا تاباندى بولىپ، بىرتىندەپ اشىق ۇستاۋ كەرەك».

　　جاڭا جاعدايدا، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋدى ويداعىداي ىستەۋ ءۇشىن، جۇڭ نانشان اكادەميك «PROTEC» ءبىرتۇلعالاندىرۋ تاكتيكاسىن ورتاعا قويدى، اتاپ ايتقاندا مىناداي:

　　. ىندەت جاعدايىن مەجەلەۋ ۇلگىسىنە نەگىزدەلە وتىرىپ، ىندەتتەن ساقتانۋ – تىزگىندەۋگە جەتەكشىلىك ەتۋ كەرەك.

　　. ۆاكسينانى ەگۋ جانە بارلىعىنا جارامدى ۆاكسينانى زەرتتەپ – جاساۋدى كۇشەيتىپ، ساقتانۋ ونىمدىلىگىن جوعارىلاتۋ كەرەك.

　　. «انتيگەندى تەكسەرۋ، نۋكلەين قىشقىلى ارقىلى دياگنوز قويۋ» ساياساتىن دايەكتىلەندىرۋ قاجەت.

　　. جاڭا تيپتى ايدارشا ۆيرۋستى ەمدەيتىن ءدارى – دارمەكتەرى مەن انتيدەنەنى زەرتتەۋ – اشۋ ىستەرىن جەدەلدەتۋ كەرەك.

　　. كوپ عىلىم سالاسى بويىنشا ىسكە كىرىسىپ، اۋرۋدىڭ زارداپ قالدىرۋ حاۋپىن ازايتۋ قاجەت.

　　. ەمحانا، الەۋمەتتىك اۋماق، نەگىزگى ساتى ءبىرتۇلعالانعان ساقتانۋ – تىزگىندەۋ، باسقارۋ جۇيەسىن ىسكە اسىرۋ قاجەت

　　. اۋرۋدى وزەك ەتۋدەن دەنساۋلىقتى وزەك ەتۋگە قاراي بۇرىلىس جاساۋ كەرەك.

　　كەلۋ قاينارى: حالىق تورابى