وسى رەتكى ىندەتكە قاتىستى ەڭ جاڭا مالىمەتتەر

2022.04.13 17:01   كەلۋ قاينارى : حالىق تورابى

　　مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى 4 – ايدىڭ 12 – كۇنى اقپار جاريالاۋ ءماجىلىسىن اشتى، دامۋ – رەفورما كوميتەتىنىڭ، ساۋدا مينيسترلىگىنىڭ، دەنساۋلىق ساقتاۋ – سالاماتتىق كوميتەتىنىڭ قاتىستى مەڭگەرمە – مەكەمەلەرىندەگى جاۋاپتى جولداستار مەن ماماندار قاتىناسىپ، ىندەت مەزگىلىندەگى تۇرمىسقا قاجەتتى زاتتارمەن ورنىقتى تۇردە قامداۋعا ويداعىداي كەپىلدىك ەتۋ جونىندەگى جاعدايلاردى تانىستىردى ءارى اقپارات قۇرالدارىنىڭ سۇراۋىنا جاۋاپ بەردى.

　　[بۇكىل ەلىمىزدەگى 16 ولكەدەن ەمدەۋ قىزمەتكەرلەرىنەن 40 مىڭنان استام ادام شاڭحايعا كومەك بەرۋگە جوتكەلدى]

　　مەملەكەتتىك دەنساۋلىق ساقتاۋ – سالاماتتىق كوميتەتىنىڭ اقپارات مالىمدەمەشىسى مي فىڭنىڭ 4 – ايدىڭ 12 – كۇنى مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ماجىلىسىندە ايتۋىنشا، قازىرگە دەيىن، مەملەكەتتىك دەنساۋلىق ساقتاۋ – سالاماتتىق كوميتەتى بۇكىل ەلىمىزدەگى 16 ولكەدەن ەمدەۋ قىزمەتكەرلەرىنەن 40 مىڭنان استام ادامدى جانە كۇنىنە نۋكلەين قىشقىلىن تەكسەرۋگە 2 ميلليون 380 مىڭ تۇتىكشەنى شاڭحايعا كومەك بەرۋگە، شاڭحايداعى ەمدەۋ قىزمەتكەرلەرىمەن بىرگە ەمدەۋ – قۇتقارۋ، نۋكلەين قىشقىلىن تەكسەرۋ قاتارلى قىزمەتتەردى ورىستەتۋگە جوتكەپ جىبەرگەن.

　　[3 – ايدان بەرى جەرگىلىكتى ورىننان جۇعىمدالعانداردىڭ سانى 320 مىڭ ادامنان اسىپ، ىندەت 30 ولكەنى شارپىعان]

　　مەملەكەتتىك دەنساۋلىق ساقتاۋ – سالاماتتىق كوميتەتى اۋرۋدى تىزگىندەۋ ورتالىعىنىڭ ورىنباسار مەڭگەرۋشىسى لەي جىڭلۇڭنىڭ 4 – ايدىڭ 12 - كۇنى اشىلعان مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ماجىلىسىندە ايتۋىنشا، 3 – ايدىڭ 1 – كۇنىنەن 4 – ايدىڭ 11 – كۇنىنە دەيىن، 31 ولكە (اۆتونوميالى رايون، توتە قاراستى قالا) جانە شينجياڭ ءوندىرىس – قۇرىلىس بيڭتۋانى مالىمدەگەن جەرگىلىكتى ورىننان جۇعىمدالعانداردىڭ سانى 320 مىڭ ادامنان اسىپ، ىندەت 30 ولكەنى (اۆتونوميالى رايون، توتە قاراستى قالا) شارپىعان. جيلين ولكەسىندە ىندەت جاعدايى جالپى تۇلعالىق جاقتان باسەڭدەۋ بەتالىسىن بايقاتىپ، ءۇرتىس 3 كۇن بويى جاڭادان جۇعىمدالعانداردىڭ سانى مىڭ ادامنان تومەن بولعان، الايدا، سانى ءالى دە كوپ.

　　[شاڭحاي قالاسىندا ءۇرتىس 8 كۇن بويى جاڭادان ارتقان جۇعىمدالۋشىلاردىڭ سانى 10 مىڭ ادامنان استى]

　　مەملەكەتتىك دەنساۋلىق ساقتاۋ – سالاماتتىق كوميتەتى اۋرۋدى تىزگىندەۋ ورتالىعىنىڭ ورىنباسار مەڭگەرۋشىسى لەي جىڭلۇڭنىڭ 4 – ايدىڭ 12 - كۇنى اشىلعان مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ماجىلىسىندە ايتۋىنشا، شاڭحاي قالاسىندا ءۇرتىس 8 كۇن بويى جاڭادان ارتقان جۇعىمدالۋشىلاردىڭ سانى 10 مىڭ ادامنان اسقان، ىندەت جەدەل تارالۋ مەزگىلىندە تۇر، الەۋمەتتىك اۋماقتا تارالۋى ءالى ءونىمدى تىزگىندەلگەن جوق.

　　[11 ولكەنىڭ بىرلەسىپ قامداۋ مەحانيزمى شاڭحايدى 18 مىڭ توننا كوكونىسپەن قامدادى]

　　ساۋدا مينيسترلىگى تۇتىنۋدى ىلگەرىلەتۋ مەڭگەرمەسىنىڭ ورىنباسار باستىعى لي داڭحۇيدىڭ 4 – ايدىڭ 12 – كۇنى اشىلعان مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ماجىلىسىنەن ۇعىسۋىنشا، شاڭحاي قالاسىن تۇرمىسقا قاجەتتى زاتتارمەن قامداۋعا باعىتتاي وتىرىپ، 11 ولكەنى ۇيىمداستىرىپ بىرلەسىپ قامداۋ مەحانيزمىن قۇرىپ، 4 – ايدىڭ 11 – كۇنىنە دەيىن، شاڭحايدى 18 مىڭ توننا كوكونىسپەن، 850 توننا كۇرىش جانە ۇنمەن، 500 توننا ەت جانە جۇمىرتقامەن قامداعان، مۇنان سىرت، كوكونىس قاتارلى ازىق – تۇلىكتەردەن 5400 توننادان استامىن كومەك رەتىندە تەگىن بەرگەن.

　　[ايدارشا ۆيرۋستىڭ تال ۇلپالارىنا جابىساتىنىن دالەلدەيتىن ىسپات جوق]

　　جۇڭگو اۋرۋدى تىزگىندەۋ ورتالىعى جۇقپالى اۋرۋلار عىلىمى باس مامانى ۋ زۇنيوۋدىڭ 4 – ايدىڭ 12 – كۇنى وتكىزىلگەن مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ماجىلىسىندە ايتۋىنشا، قازىرگى زەرتتەۋ ناتيجەلەرىنە نەگىزدەلگەندە، جاڭا تيپتى ايدارشا ۆيرۋستىڭ تال ۇلپالارىنا جابىساتىنىن دالەلدەيتىن ىسپات جوق، قازىرگە دەيىن تال ۇلپالارى ارقىلى جۇعىمدالعاندار تۋرالى اقپارات بەرىلمەگەن. ادەتتە جاڭا تيپتى ايدارشا ۆيرۋس ەركىن كۇيدەگى ۆيرۋس فورماسى ارقىلى جۇعىمدالۋشىلاردان تىكەلەي ساۋ ادامدارعا جۇقپايدى.

　　كەلۋ قاينارى: حالىق تورابى