ءبىر اپتاعا دا جەتپەي A دارەجەلى قۋعىنداۋ بۇيرىعى ءتۇسىپ قاشىپ جۇرگەن ليۋ شاڭيىڭ تورعا ءتۇستى

2022.05.12 13:37   كەلۋ قاينارى : حالىق تورابى

　　5 - ايدىڭ 6 - كۇنى قوعام حاۋىپسىزدىگى مينيسترلىگى A دارەجەلى قۋعىنداۋ بۇيرىعىن جاريالاپ، ايەلدەر مەن بالالاردى الداپ ساتۋ قىلمىسىمەن قاشىپ جۇرگەن 6 ادامدى اشىق قۋعىندادى، مۇنىڭ بىرەۋى بوباي اۋدانى قاراستىلىعىنداعى ليۋ شاڭيىڭ (ايەل، 63 جاستا، گۋاڭشي ولكەسى بوباي اۋدانى دۇڭپيڭ قالاشىعى ۋىنجياڭ قىستاعى چىنۋتاڭ اترەتى 018 - ءنومىرلى اۋلا) بولاتىن.

　　قۋعىنداۋ بۇيرىعى جاريالانعاننان كەيىن، گۋاڭشيدىڭ يۇيلين قالالىق قوعام حاۋىپسىزدىگى ورگانى وسكەلەڭ ءمان بەرىپ، ارناۋلى گرۋپپا قۇرىپ، ارناۋلى دەلو تۇرعىزىپ قامال الدى. ءداستۇرلى مەديالاردا، ينتەرنەت مەديالارىندا، الەۋمەتتىك ورىنداردا قۋعىنداۋ بۇيرىعىن جاپسىرۋ سياقتى ارنالار ارقىلى زور كۇشپەن ۇگىت جۇرگىزىپ، قوعامدا كۇشتى اۋقىم قالىپتاستىردى، سونىمەن بىرگە ارناۋلى گرۋپپاداعى حالىق ساقشىلارى ليۋ شاڭيىڭنىڭ ۇيىنە تالاي رەت بارىپ، ولاردىڭ تۋىس - تۋعان، دوس - جاراندارىنا زاڭ - ءتۇزىم تاربيەسىن بەرىپ جانە يدەيالىق جاقتان ىقپال جاساپ، قاشقىندى ءوزىن مالىمدەۋگە قۋزادى.

　　5 - ايدىڭ 11 - كۇنى ساعات 15 مولشەرىندە گۋاڭدۇڭنىڭ لياڭجياڭ دەگەن جەرىندە جاسىرىنىپ جاتقان ليۋ شاڭيىڭ بوباي اۋداندىق قوعام حاۋىپسىزدىگى مەكەمەسىنىڭ ۋاڭماۋ ساقشى بولىمشەسىنە ءوزىن مالىمدەدى. قازىر دەلو ىشكەرىلەي تەكسەرىلۋ ۇستىندە.

　　كەلۋ قاينارى: حالىق تورابى