بارلىعى تابىلدى! جارالانعان، جارالانۋ، ءولىم - ءجىتىم جاعدايى تۋىلمادى

2022.05.16 14:45   كەلۋ قاينارى : حالىق تورابى

　　يۇننان ولكەسى دالي بايزۋ اۆتونوميالى وبلىسى ياڭبي اۋداندىق اقپارات كەڭسەسىنىڭ حابارلاۋىنشا، 5 - ايدىڭ 15 - كۇنى ساعات 8 دەن 50 مينۋت وتكەنگە دەيىن، 5 - ايدىڭ 12 - كۇنى ساڭشان تاۋى ىرحاي مەملەكەت دارەجەلى تابيعي قورىق رايونىنا كىرىپ دەرەكسىز كەتكەن 13 ادامنىڭ بارلىعى تابىلعان، جارالانعان، قازا بولعان ادام جوق.

　　وسىنىڭ الدىنداعى حابارلاندىرۋعا قاراعاندا، 5 - ايدىڭ 12 - كۇنى ساڭشان تاۋى ىرحاي مەملەكەت دارەجەلى تابيعي قورىق رايونىن باسقارۋ مەكەمەسى بۇقارانىڭ مالىمدەۋىن تاپسىرىپ العان، مالىمدەۋگە قاراعاندا، كوپ ادام ساڭشان تاۋىنا رۇقساتسىز كىرگەن. جاپپاي تەكسەرۋ ارقىلى 5 - ايدىڭ 13 - كۇنى تۇستەن بۇرىن ياڭبي اۋدانى پيڭپو قالاشىعىنان 10 ادامدى بايقاعان، قىزمەتكەرلەر ولاردى قايتىپ كەتۋگە ءناسيحاتتاعان. قايتىپ كەتۋ تۋرالى ءناسيحاتتى قابىلداعان ادامداردىڭ ايتۋىنشا، باسقا 13 ادام ياڭبي اۋدانى پيڭپو قالاشىعى پيڭپو قىستاعىنداعى شاڭباتيان كەزەكشىلىكپەن كۇزەتۋ، تەكسەرۋ ورنىنان اينالىپ ءوتۋ ارقىلى ساڭشان تاۋىنا كىرگەن سوڭ دەرەكسىز كەتكەن. مالىمەتتى تاپسىرىپ العان سوڭ، قاتىستى تاراۋلار ارناۋلى قىزمەت گرۋپپاسىن دەرەۋ قۇرعان ءارى ىزدەۋ – قۇتقارۋ قىزمەتكەرلەرىن ۇيىمداستىرىپ، تاۋعا بارىپ ىزدەستىرۋ جۇمىسىن كۇش سالا ورىستەتكەن.

　　كەلۋ قاينارى: حالىق تورابى