بەنزين مەن ديزەلدىڭ باعاسى تاعى دا قىمباتتادى

2022.05.17 11:58   كەلۋ قاينارى : حالىق تورابى

　　سۋرەتتە: 5 - ايدىڭ 16 - كۇنى، انحۇي ولكەسى فۋياڭ قالاسىنداعى ءبىر ماي قۇيۋ پۋنكتىنىڭ قىزمەتكەرلەرى اۆتوكولىككە ماي قۇيۋدا. شينحۋا اگەنتتىگىنىڭ حابارى (لۋ چيجيان فوتوسى)

　　شينحۋا اگەنتتىگىنىڭ 5 ـ ايدىڭ 16 ـ كۇنى بەيجيڭنەن بەرگەن حابارى. مەملەكەتتىك دامۋ جانە رەفورما كوميتەتى 5 ـ ايدىڭ 16 ـ كۇنى بىلاي دەدى: تاياۋ مەزگىلدەگى حالىقارالىق بازارداعى مۇناي باعاسىنىڭ وزگەرۋ جاعدايىنا نەگىزدەلىپ، قازىرگى وڭدەلگەن جانار ماي باعاسىن قالىپتاستىرۋ مەحانيزمى بويىنشا، 2022 ـ جىلى 5 ـ ايدىڭ 16 ـ كۇنى ساعات 24تەن باستاپ، ەل ىشىندەگى بەنزين مەن ديزەلدىڭ ءار تونناسىنىڭ باعاسى جەكە ـ جەكە 285 يۋان جانە 270 يۋان قىمباتتادى.

　　بۇل وتكەن جىلدىڭ سوڭىنان بەرى ەلىمىزدىڭ بەنزين، ديزەل باعاسىن 9 - رەت قىمباتتاۋى بولىپ تابىلادى. مەملەكەتتىك دامۋ جانە رەفورما كوميتەتىنىڭ قاتىستى جاۋاپتىسى بىلاي دەدى: جۇڭگو مۇناي ـ تابيعي گاز توبى سەرىكتەستىگى، جۇڭگو مۇناي ـ حيميا توبى سەرىكتەستىگى، جۇڭگو ـ تەڭىز مۇنايى سىندى ءۇش ءىرى سەرىكتەستىك جانە باسقا دا مۇناي مانەرلەۋ كاسىپورىندارى وڭدەلگەن جانار ماي ءوندىرىسى مەن تاسىمالداۋدى ويداعىداي ۇيىمداستىرىپ، بازاردىڭ ورنىقتى قامداۋىنا كەپىلدىك ەتىپ، مەملەكەتتىڭ باعا ساياساتىن قاتاڭ اتقارۋى كەرەك. جەر ـ جەردەگى قاتىستى تاراۋلار بازاردى باقىلاۋ ـ تەكسەرۋ تەبىنىن ارتتىرىپ، مەملەكەتتىڭ باعا ساياساتىن اتقارماۋ ارەكەتتەرىن قاتاڭ تەكسەرىپ ءبىر جاقتى ەتىپ، قالىپتى بازار ءتارتىبىن قورعاۋى كەرەك. تۇتىنۋشىلاردىڭ باعا جاعىنداعى زاڭعا قايشى ارەكەتتەردى 12315 تەكشە ارقىلى اشكەرەلەۋىنە بولادى. وسى كەزەكتى وڭدەلگەن جانار مايدىڭ باعاسىن رەتتەۋ پەريوتى ىشىندە حالىقارالىق مۇناي باعاسى جوعارى ورلەۋگە كوتەرىلدى. مەملەكەتتىك دامۋ جانە رەفورما كوميتەتىنىڭ باعا باقىلاۋ ورتالىعىنىڭ مەجەلەۋىنشە، حالىقارالىق مۇناي باعاسى قىسقا ۋاقىت ىشىندە اۋمالى - توكپەلى جاعدايدى ساقتايدى ەكەن.

　　كەلۋ قاينارى: حالىق تورابى