ون ميلليوننان استام قىزمەت ورنىن ازىرلەيدى! 2022 - جىلعى ءجۇز كۇندە ينتەرنەت ارقىلى ون ميلليون قىزمەتكەر قابىلداۋ قيمىلى باستالدى

2022.05.17 16:30   كەلۋ قاينارى : حالىق تورابى

　　سۋرەتتە: 2022 - جىلى 5 - ايدىڭ 13 - كۇنى «ميلليون دارىندى چۇڭچيڭدى گۇلدەندىرەدى» اتتى تۇڭعىش رەتكى جوعارى مەكتەپتەردەن قىزمەتكەر قابىلداۋ جينالىسى باتىس وڭتۇستىك داشۋەسىندە وتكىزىلدى. شينحۋا اگەنتتىگى (چين تيڭفۋ فوتوسى)

　　شينحۋا اگەنتتىگىنىڭ ءتىلشىسى جياڭ لين 5 - ايدىڭ 16 - كۇنى بەيجيڭنەن حابارلايدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى 5 - ايدىڭ 16 - كۇنى قاتىستى جاقتارمەن بىرگە «قىزمەت ورنى ءسىزدى كۇتەدى، كاسىپتەنۋگە بىرگە ساپار شەگەيىك» اتىنداعى ءجۇز كۇندە ينتەرنەت ارقىلى ون ميلليون قىزمەتكەر قابىلداۋ ارناۋلى قيمىلىن باستاپ، ەلىمىز بويىنشا ءبىرتۇتاس، كوپ جاق سەلبەسكەن ينتەرنەت ارقىلى قىزمەتكەر قابىلداۋ تەكشەسىن قۇردى. بۇل قيمىل الدا 8 - ايدىڭ 25 - كۇنىنە دەيىن وتكىزىلىپ، ەڭبەكشىلەرگە ون ميلليوننان استام قىزمەت ورنىن ازىرلەيدى.

　　ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى جاۋاپتىسىنىڭ تانىستىرۋىنشا، بۇل رەتكى قيمىل بارىسىندا تىكە تاراتىلىم ارقىلى قىزمەت ورنىن تانىستىرۋ، كاسىپتەنۋگە جەتەكشىلىك ەتۋ جاعىنداعى ينتەرنەتتىك ساباقحانا اشۋ، كاسىپتىك ونەرگە ينتەرنەت ارقىلى باۋلۋ، كاسىپتەنۋ جانە كاسىپ كوزىن اشۋ جاعىنداعى ساياساتتاردى ۇگىتتەۋ قاتارلى قيمىلدار ۇيىمداستىرىلادى. الدا ءارقايسى ولكەلەردە ەرەكشەلىككە يە ارناۋلى قيمىلدار ىركەس - تىركەس وتكىزىلەدى، ءبىرىنشى اپتادا بەيجيڭ، تيانجين، حىبەي، سانشي سىندى 4 جەردە جەرگىلىكتى ەرەكشەلىككە يە ارناۋلى قيمىل وتكىزىلەدى.

　　كەلۋ قاينارى: حالىق تورابى