ءجۇز ميلليوننان اسادى! يۇنناندا كوبەلەكتەر كۇرت كوبەيدى

2022.05.25 15:15   كەلۋ قاينارى : حالىق تورابى

　　سۋرەتتە: كوبەلەك اڭعارىندا سەيىلدەگەن ادام مەن سانسىزداعان كوبەلەكتەر. 2021 – جىلى 5 – ايدا حۇڭحى وبلىسى جينپيڭ اۋدانىنان تۇسىرىلگەن. گاۋ فەي فوتوسى

　　يۇننان ولكەسى حۇڭحى حاني – يزۋ اۆتونوميالى وبلىسى جينپيڭ اۋدانىنداعى جۇڭگو . حۇڭحى كوبەلەك اڭعارىندا تاۋلى جەردەگى جاڭبىرلى ورمان مەن تولىق ساقتالعان ماۋسىمدىق ماڭگى جاسىل كەڭ جاپىراقتى ورمان قاتارلى ءتۇرلى وسىمدىك تۇرلەرى قاۋلاي وسەدى، كوبەلەكتەردىڭ تىرشىلىك ەتۋىنە ۇيلەسەتىن نەگىزدىك ەكولوگيالىق ورتا قالىپتاسقان، سول سەبەپتى بۇل جەردە كوبەلەكتەردىڭ ءتۇرى وتە مول. ساناققا قاراعاندا، قازىر جۇڭگو . حۇڭحى كوبەلەك اڭعارىندا 400 تۇرلىدەن استام كوبەلەك تىرشىلىك ەتەدى.

　　ءار جىلى 5 – ايدىڭ اياق شەنىنەن باستاپ، ءجۇز ميلليونداعان جەبە ساقينالى كوبەلەكتەر جۇڭگو . حۇڭحى كوبەلەك اڭعارىندا كۇرت كوبەيىپ، جارعاقشادان شىعىپ، كوبەلەككە اينالىپ، شوعىرلى تۇردە كوبەلەككە اينالۋ سىندى سيرەك كەزدەسەتىن بيولوگيالىق عاجاپ كورىنىس قالىپتاسادى.

　　بيىل جۇڭگو . حۇڭحى كوبەلەك اڭعارىنداعى كوبەلەكتەردىڭ كوبەيەتىن مەزگىلى دە جۇرتتى وزىنە باۋرادى. حۇڭحى وبلىسى جينپيڭ اۋداندىق مادەنيەت جانە ساياحات مەكەمەسى كوبەلەك اڭعارى مۇراجايىنىڭ باستىعى ياڭ جىن: «بيىل اۋا تەمپەراتۋراسى بۇرىنعى جىلدارداعىمەن سالىستىرعاندا ءبىرشاما تومەن بولىپ، بوران، جاۋىن – شاشىن كوبىرەك بولدى، العاشقى قادامداعى ساناققا قاراعاندا، بيىل 6 – ايدىڭ ورتا شەنى كوبەلەكتەردىڭ كۇرت كوبەيەتىن كەزى بولىپ سانالادى، ناقتى كوبەيەتىن مەزگىلىن مەجەلەۋدە اۋا رايىنىڭ جاعدايىنا قاراۋ كەرەك، بيىل كوبەلەكتەردىڭ جالپى سانى شامامەن ءجۇز ميلليوننان اسادى دەپ مەجەلەۋگە بولادى»، — دەدى.

　　كەلۋ قاينارى: حالىق تورابى