ەلىمىز «قامقورلىق جوسپارى +» كاسىپتەنۋدى ىلگەرىلەتۋ ارەكەتىن باستاپ، كەدەيلىكتەن ارىلتۋدان جەتىستىكتەرىن بەكەمدەيدى

2022.06.13 15:59   كەلۋ قاينارى : حالىق تورابى

　　سۋرەتتە: 2022 - جىلى 5 - ايدىڭ 26 - كۇنى، چۇڭچيڭ ەلەكتروندى دەرەكتەر كاسىپتىك شۋەيۋانى اۆتوموبيلدى تەكسەرۋ جانە جوندەۋ كاسىبىنىڭ وقۋشىسى ساباق ۇستىندە. كاسىپتىك مەكتەپتەردەن وقۋ تاۋىسقان اناعۇرلىم كوپ وقۋشىلار شوگەلدىكپەن ۇيرەنگەن ونەرىنە سۇيەنە وتىرىپ، كاسىپتەنۋ بازارىندا قارسى الۋعا بولەنۋدە. شينحۋا اگەنتتىگىنىڭ ءتىلشىسى تاڭ ي فوتوسى

　　شينحۋا اگەنتتىگىنىڭ ءتىلشىسى حوۋ شۋەجيڭ 6 - ايدىڭ 12 - كۇنى بەيجيڭنەن حابارلايدى. مەملەكەتتىك اۋىل - قىستاقتى گۇلدەندىرۋ مەكەمەسىنىڭ باستىعى ليۋ حۋانشيننىڭ ايتۋىنشا، «قامقورلىق جوسپارى +» كاسىپتەنۋدى ىلگەرىلەتۋ ارەكەتىن اتقارۋ — كەدەيلىكتەن ارىلعان وتباسىنداعى جاڭادان جەتىلگەن ەڭبەككۇشتەردىڭ تەحنيكالىق ونەرىنىڭ ورەسىن جوعارىلاتۋدىڭ، اناعۇرلىم تولىق جانە اناعۇرلىم جوعارى ساپالى كاسىپتەندىرۋدى ىسكە اسىرۋدىڭ ءونىمدى جولى بولىپ، كەدەيلىكتەن ارىلعان وتباسىنداعىلاردىڭ كاسىپتەنۋى مەن كىرىستەرىن ارتتىرۋىنا، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ مەن كەڭەيتۋگە بەرىك نەگىز قالاپ، اۋىل – قىستاقتاردا دارىندىلاردى جەتىلدىرۋ كولەمىن كەڭەيتىپ، اۋىل - قىستاقتى جالپى بەتتىك گۇلدەندىرۋدى ىلگەرىلەتۋگە پارمەندى تىرەك ازىرلەيدى.

　　ليۋ حۋانشين جۋىردا وتكىزىلگەن «قامقورلىق جوسپارى +» كاسىپتەنۋدى ىلگەرىلەتۋ ارەكەتىن باستاۋ سالتىندا وسىلاي دەدى.

　　«قامقورلىق جوسپارى» كەزىندە كەدەي وتباسىلارعا شاقتاپ جاسالعان كاسىپتىك ونەرىن جەتىلدىرۋ جوسپارى بولاتىن، كەدەيلىكتەن ارىلتۋدان قامال الۋ مەزگىلىندە، جيىنى 8 ميلليوننان استام كەدەي وتباسىنداعى جاڭادان جەتىلگەن ەڭبەككۇشتەرگە تيىمدىلىك جەتكىزىپ، 15 ميلليوننان استام كەدەي جان سانىن جەبەگەن بولاتىن.

　　ليۋ حۋانشين بىلاي دەپ تانىستىردى: بۇل رەت ىسكە قوسىپ اتقارعان «قامقورلىق جوسپارى +» كاسىپتەنۋدى ىلگەرىلەتۋ ارەكەتى سۇيەمەلدەۋ وبيەكتىلەرىنىڭ كولەمىن كەدەيلىكتەن ارىلعان وتباسىلاردان كەدەيلىكتەن ارىلعان وتباسىلار مەن قايتا كەدەيلەسۋدەن ساقتانۋ سيپاتىنداعى قاداعالاپ وتىراتىن وتباسىلارعا دەيىن كەڭەيتكەن، وسى ارقىلى قولداۋ كورسەتۋ كولەمىن كاسىپتىك وقۋ - اعارتۋ بۋىنىنان كاسىپتەندىرۋ - سۇيەمەلدەۋ بۋىنىنا دەيىن كەڭەيتەدى.

　　ليۋ حۋانشين مىنانى ءبىلدىردى: ءبىز «قامقورلىق جوسپارى +» كاسىپتەنۋدى ىلگەرىلەتۋ ارەكەتىنىڭ «كاسىپتەنۋگە كومەكتەسۋ» سىندى شەشۋشى رولىن تولىق ساۋلەلەندىرىپ، ءبىر ادامدى ورنىقتى كاسىپتەندىرىپ، ءبىر وتباسىنىڭ كەدەيلىكتەن ارىلتۋ جەتىستىگىن بەكەمدەۋدى ىسكە اسىرىپ، كاسىپتەنۋى قيىن بولۋ نەمەسە كاسىپتەنۋى ورنىقتى بولماۋ سەبەبىنەن كولەمدى سيپاتتاعى قايتا كەدەيلەسۋ ماسەلەسىنىڭ تۋىلۋىنان قاتاڭ ساقتانۋىمىز كەرەك.

　　كەلەسى قادامدا، مەملەكەتتىك اۋىل - قىستاقتى گۇلدەندىرۋ مەكەمەسى ءمان - جايدى جان - جاقتى اداقتاپ، كەدەيلىكتەن ارىلعان وتباسىنداعى، قايتا كەدەيلەسۋدەن ساقتانۋ سيپاتىنداعى قاداعالاپ وتىراتىن وتباسىنداعى جاڭادان جەتىلگەن ەڭبەككۇشتەردى كاسىپتىك ءتالىم - تاربيە الۋعا ۇيىمداستىرادى ءارى جەتەلەيدى؛ قىزمەت مەحانيزمىن كەمەلدەندىرىپ، «مەكتەپ قاقپاسىنان» تارتىپ، «زاۆود قاقپاسىنا» دەيىنگى جاسىل ءدالىزدى ىركىلىسسىزدەندىرەدى؛ «قامقورلىق جوسپارى +» كاسىپتەنۋدى ىلگەرىلەتۋ بىرلەستىگىن قۇرىپ، كاسىپتەنۋگە كومەكتەسۋدىڭ دالدىگىن جوعارىلاتادى؛ ءتۇيىندى وڭىرلەردەگى كەدەيلىكتەن ارىلعان وتباسىنداعى جاڭادان جەتىلگەن ەڭبەككۇشتەردىڭ وقۋعا ءتۇسۋ مولشەرىن كۇش سالا جوعارىلاتادى؛ «قامقورلىق جوسپارى +» كاسىپتەنۋدى ىلگەرىلەتۋ ارەكەتىنىڭ ونىمدىلىگىن باعالاۋ جانە مالىمەت بەرۋ مەحانيزمىن كەمەلدەندىرەدى.

　　كەلۋ قاينارى: حالىق تورابى