سۋرەتتە: سەسترا بەيجيڭ قالاسى چاۋياڭ رايونى باليجۋاڭ مالىسىندەگى نۋكلەين قىشقىلىن تەكسەرۋ ورنىندا تۇرعىنداردىڭ نۋكلەين قىشقىلىنان ۇلگى الۋدا (5 - ايدىڭ 25 - كۇنى تۇسىرىلگەن) شينحۋا اگەنتتىگىنىڭ ءتىلشىسى لي شين فوتوسى
6 - ايدىڭ 9 - كۇنى مەملەكەتتىك كەڭەستىڭ بىرلەسكەن ساقتانۋ - تىزگىندەۋ مەحانيزمىنىڭ اقپار جاريالاۋ ماجىلىسىندە، مەملەكەتتىك دەنساۋلىق ساقتاۋ - سالاماتتىق كوميتەتى كلينيكالىق تەكسەرۋ ورتالىعىنىڭ ورىنباسار مەڭگەرۋشىسى لي جينميڭنىڭ تانىستىرۋىنشا، ۇلگى الاتىن سۇرتكى سىرتتاي قاراعاندا ماقتالى شىرپىعا ۇقساعانىمەن، ول ماقتالى شىرپى ەسەپتەلمەيدى، ونىڭ ماتەريالى پوليەستەردەن نەمەسە نيلون تالشىقتان جاسالادى، ءبىزدىڭ كۇندەلىكتى تۇرمىستا قولداناتىن ءتىس شوتكىمىزگە ۇقساستاۋ كەلەدى.
«نۋكلەين قىشقىلىن الاتىن سۇرتكىنى جاساۋ بارىسىندا، ميلليونداعان ۇساق تالشىقتار سۇرتكىنىڭ ساباعىنىڭ ۇشىنا تىگىنەن تەگىس جابىلادى. نۋكلەين قىشقىلىنان ۇلگى العان كەزدە، بەينە ءتىس شوتكىلەگەن كەزدەگى سياقتى، اۋىز قۋىسىنداعى جۇتقىنشاقتىڭ ارتقى بۇيىرىندەگى كلەتكالاردى شوتكىلەپ، ونان سوڭ ۇلگى العان سۇرتكىنى ۇلگى الۋ قۇمىراسىنا سالادى، ويتكەنى، وعان نيلون مەن پوليەستەر ىستەتىلگەن، سوندىقتان، ساقتايتىن سۇيىقتىقتىڭ ىشىنە وڭاي بولىنەدى، سوڭىنان ونى تاجىريبەحاناعا اپارىپ، قاتىستى تاجىريبە جۇرگىزىلەدى»، — دەپ ءتۇسىندىردى لي جينميڭ.
جۇرتتىڭ كەيبىرەۋى نۋكلەين قىشقىلىنان ۇلگى الۋ بارىسىندا جۇرەگى اينىعانداي سەزىنەدى نەمەسە وسىنىڭ سالدارىنان تىتىركەنۋى مۇمكىن، لي جينميڭنىڭ ايتۋىنشا، ءاربىر ادامعا بەرەتىن اسەرى ءار ءتۇرلى، كەيبىرەۋلەردىڭ جۇتقىنشاق ءبولىمى وتە سەزىمتال بولاتىندىقتان، ۇلگى العاننان كەيىن جايسىزدانادى، كەيبىرەۋلەردىڭ بۇعان دەگەن توزىمدىلىگى جوعارى بولادى. «ۇلگى الۋ بارىسىندا، جۇتقىنشاقتىڭ ارتقى ءبۇيىرى سۇرتىلەتىندىكتەن، ءسۇرتۋ بارىسىندا كەيبىرەۋلەر تىتىركەنگەندەي، تاماعىندا وزگە زات تۇرعانداي سەزىنەدى دە، تاماعى جبىرلايدى نەمەسە لوبليدى، مۇنداي جاعداي ءاربىر ادامدا ءارتۇرلى بولادى».
«ماقتالى شىرپىنىڭ قۇرامىندا دەنەگە زياندى زاتتار بار ەكەن، دەنساۋلىققا زياندى ەكەن» دەگەن وسەك - اياڭ تۋرالى لي جينميڭ بىلاي دەدى: ۇلگى الۋ سۇرتكىسى مەديتسينالىق اسپاپقا جاتادى، ونى وندىرەتىن ورتا مەن ءوندىرۋ تالابى وتە قاتاڭ بولادى، ساپاسىن باقىلاۋ - باسقارۋعا قاتىستى ولشەمدەر دە بار، نۋكلەين قىشقىلىنان ۇلگى الۋ دەنساۋلىققا زيان جەتكىزبەيدى. «ءبىزدىڭ ونىمدەرىمىز نەگىزىنەن ۋىتسىز، زالالسىز، نۋكلەين قىشقىلىنان ۇلگى الۋ بارىسىندا دا زالالدى زاتتار تۋىندامايدى».
كەلۋ قاينارى: حالىق تورابى