مەملەكەت بويىنشا تۇڭعىش توپتا وقۋشى قابىلدايدى!

2022.06.14 12:10   كەلۋ قاينارى : حالىق تورابى

　　ەڭ جاڭا حابار! مەملەكەت بويىنشا تۇڭعىش توپتاعى باعىتتامالى اسكەرلىككە تاربيەلەۋگە وقۋشى قابىلداۋ باستالدى، بۇل اسكەرلىك ءتۇزىمى اتقارىلعاننان كەيىنگى تۇڭعىش رەت باعىتتامالى اسكەرلىككە تاربيەلەۋگە وقۋشى قابىلداۋ بولىپ تابىلادى، 2022 - جىلعى جوعارى مەكتەپ ەمتيحانىنا قاتىناسقان وقۋشىلاردان قابىلدايدى، وقۋ مەرزىمى ءۇش جىل.

　　وقۋ تاۋىسقاننان كەيىن اسكەرلەرگە قانداي شەن بەرىلەدى؟ تىزىمدەلۋدىڭ ناقتىلى قانداي شارتتارى بار؟ باعىتتامالى تاربيەلەنگەن اسكەرلەرگە قانداي ساباقتار وتىلەدى؟ تومەندەگى مازمۇندار سىزگە بۇل تۋرالى مازمۇنداردى تۇسىندىرەدى.

　　اسكەرلەردى باعىتتامالى تاربيەلەۋ دەگەنىمىز نە؟جوعارى مەكتەپكە ورلەپ وقۋ ەمتيحانىنا قاتىناسقان ٵرى سايكەستى جوعارى مەكتەپتەردىڭ «باعىتتامالى اسكەر تاربيەلەۋ» كاسىبىن تولتىىرعاندار تولىمدىلىققا يە بولىپ قابىلداعاننان كەيىن باعىتتامالى تاربيەلەنەتىن اسكەرگە اينالادى. باعىتتامالى تاربيەلەنەتىن اسكەرلەردىڭ وقۋ مەرزىمى ءۇش جىل بولىپ، تولىق كۇندىك جوعارى تەحنيكۋم ماعلۇماتىنا جاتادى.

　　الدىڭعى 2.5 جىلدىق وقۋدىڭ بارلىق ساباعىنا جوعارى مەكتەپ جاۋاپتى بولادى، قابىلداعان اسكەري ءبولىم قاجەتكە قاراي وقىتۋعا جەتەكشىلىك ەتەدى؛ سوڭعى جارىم وقۋ ماۋسىمىندا قوسىنعا كىرىپ پراكتيكا جاسايدى، وعان اسكەري ءبولىم جاۋاپتى بولادى، پراكتيكا اياقتاعاننان كەيىن جوعارى مەكتەپ ءبىتىرۋ رەسميەتىن وتەيدى.

　　اسكەرلەردى باعىتتامالى تاربيەلەۋ دەگەنىمىز نە؟

　　جوعارى مەكتەپكە ورلەپ وقۋ ەمتيحانىنا قاتىناسقان ٵرى سايكەستى جوعارى مەكتەپتەردىڭ «باعىتتامالى اسكەر تاربيەلەۋ» كاسىبىن تولتىىرعاندار تولىمدىلىققا يە بولىپ قابىلداعاننان كەيىن باعىتتامالى تاربيەلەنەتىن اسكەرگە اينالادى. باعىتتامالى تاربيەلەنەتىن اسكەرلەردىڭ وقۋ مەرزىمى ءۇش جىل بولىپ، تولىق كۇندىك جوعارى تەحنيكۋم ماعلۇماتىنا جاتادى.

　　الدىڭعى 2.5 جىلدىق وقۋدىڭ بارلىق ساباعىنا جوعارى مەكتەپ جاۋاپتى بولادى، قابىلداعان اسكەري ءبولىم قاجەتكە قاراي وقىتۋعا جەتەكشىلىك ەتەدى؛ سوڭعى جارىم وقۋ ماۋسىمىندا قوسىنعا كىرىپ پراكتيكا جاسايدى، وعان اسكەري ءبولىم جاۋاپتى بولادى، پراكتيكا اياقتاعاننان كەيىن جوعارى مەكتەپ ءبىتىرۋ رەسميەتىن وتەيدى.

　　ەمتيحان بەرۋ شارتى

　　بيىلعى باعىتتامالى اسكەر تاربيەلەۋگە قابىلدايتىن وقۋشىلار 2022 – جىلعى مەملەكەت بويىنشا ادەتتەگى جوعارى مەكتەپتەرگە وقۋشى قابىلداۋدىڭ ءبىرتۇتاس ەمتيحانىنا قاتىناسقان ادەتتەگى ورتا مەكتەپ بىتىرگەن وقۋشىلار بولۋى كەرەك.

　　جاسى 20 جاستان اسپاۋى كەرەك (2002 - جىلى 8 - ايدىڭ 31 - كۇنىنەن كەيىن تۋعان بولۋى كەرەك)، ۇيلەنبەگەن بولۋى كەرەك، ساياسي جانە دەنساۋلىق شارت - جاعدايى مىندەتتى اسكەرگە قابىلداۋ بەلگىلەمەسى بويىنشا اتقارىلادى.

　　تىزىمدەلۋ ءتارتىبى

　　تالاپ كەستەسىن تولتىرۋ

　　ەمتيحان بەرۋشىلەر مەملەكەتتىك ادەتتەگى جوعارى مەكتەپتەرگە وقۋشى قابىلداۋدا ءبىرتۇتاس ەمتيحانعا تىزىمدەلگەن بولۋى ٵرى سايكەستى جوعارى مەكتەپتەردىڭ «باعىتتامالى اسكەر تاربيەلەۋ» كاسىبىن تولتىرۋى كەرەك.

　　باعىتتامالى اسكەر تاربيەلەۋدە قازىر اتقارىلىپ وتىرعان ارناۋلى كۋرستى الدىن الا توپ بويىنشا قابىلداۋ ساياساتىن اتقارىپ، التى جوعارى مەكتەپتى قاتارىنان تالاپ كەستەسىنە تولتىرۋعا بولاتىن ەتىپ قۇرىپ، ءار مەكتەپتەن التى كاسىپتى جانە كاسىپتىك قىزمەت وتەۋدى تالاپ كەستەسىنە تولتىرۋعا بولاتىن ەتىپ بەلگىلەدى (مۇندا تالاپ تولتىرۋ جاعدايى جەر - جەردىڭ جوعارى مەكتەپكە وقۋشى قابىلداۋ ساياساتىنا ساي بەلگىلەنەدى).

　　باعىتتامالى اسكەر تاربيەلەۋگە وقۋشى قابىلدايتىن مەكتەپتەردىڭ وقۋشى قابىلداۋ كاسىبىندە تۇگەلدەي جىنىستىق پارىق بولادى، قىز وقۋشى قابىلدايمىز دەپ ەسكەرتپەگەن كاسىپتەردىڭ بارلىعىنا تەك ۇل وقۋشى عانا قابىلدايدى، تالاپ كەستەسىن قاتە تولتىرۋشىلاردىكى كۇشكە يە ەمەس دەپ قارالادى.

　　دەنساۋلىق تەكسەرۋ

　　دەنساۋلىق تەكسەرۋ ۇقتىرۋىن تاپسىرىپ العاننان كەيىن، ەمتيحان بەرۋشىلەر بەلگىلەنگەن ۋاقىت ىشىندە ءوزىنىڭ ەمتيحانعا قاتىناسۋ كۋالىگىن، ازاماتتىق كۋالىگىن، جەرگىلىكتى ورىنداعى 24 ساعات ىشىندە نۋكلەيىن قىشقىلىن تەكسەرۋ مالىمەتىن الىپ، بەلگىلەنگەن ورىنعا بارىپ دەنساۋلىق تەكسەرتۋى كەرەك.

　　ساياسي باعالاۋ جانە بەتپە - بەت ەمتيحان

　　دەنساۋلىق تەكسەرۋدە تولىمدى بولعان وقۋشىلار بەتپە - بەت ەمتيحان جانە ساياسي باعالاۋ ۇقتىرۋىن تاپسىرىپ العاننان كەيىن، بەلگىلەنگەن ورىنعا بارىپ، قابىلدايتىن اسكەري ءبولىم، قابىلدايتىن مەكتەپتەر مەن اسكەرگە قابىلداۋ ورگاندارى ۇيىمداستىرعان بەتپە - بەت ەمتيحان مەن ساياسي باعالاۋعا قاتىناسادى.

　　توراپتا قابىلداۋ

　　ولكەلىك وقۋ – اعارتۋ، وقۋشى قابىلداۋ ەمتيحان مەكەمەسى دەنەلىك تەكسەرۋ، ساياسي باعالاۋ سىندى «ەكىدە تولىمدى بولعان» ەمتيحان بەرۋشىلەردىڭ ىشىندە ەمتيحان بەرۋشىلەردىڭ تالاپ كەستەسىن تولتىرۋىنا جانە جوعارى مەكتەپ ەمتيحان ناتيجەسىنە نەگىزدەلىپ، باعىتتامالى وقۋشى قابىلدايتىن مەكتەپتەردىڭ جوسپار سانى بويىنشا %100 تىك ارحيۆ تۇرعىزادى.

　　قالىڭ ەمتيحان بەرۋشىلەر مەن اتا - انالارعا ەسكەرتەر جايت: باعىتتامالى اسكەر تاربيەلەۋ جوعارى مەكتەپ ەمتيحانىنىڭ تالاپ كەستەسىن تولتىرۋ بويىنشا جۇرگىزىلەدى، ەشقانداي قاراجات تاپسىرۋدىڭ قاجەتى جوق، اسكەرگە قابىلداۋ ورگانى اتىنان پايدالانىپ اقى الۋدان ساقتانۋ كەرەك.

　　ساباق قالاي وتىلەدى

　　جوعارى مەكتەپتەر جەكە - جەكە كلاستار قۇرادى. قابىلدايتىن اسكەري ءبولىم جوعارى مەكتەپتەرمەن بىرلەسىپ تاربيەلەۋ كەلىسىمىنە قول قويىپ، اسكەري بولىمدەردەگى اسكەرلەردىڭ قىزمەت ورنىنىڭ ءىس جۇزىندىك جاعدايىنا قاراي تاربيەلەۋ قاجەتىن ورتاعا قويىپ، جوعارى مەكتەپتەرمەن سەلبەسىپ تاربيەلەۋ جونىندە جوسپار جاساپ، كاسىپتىك ساباقتاردى بەلگىلەيدى.

　　اسكەري ءبولىمنىڭ ماشىعىنا جەتەكشىلىك ەتۋ ورگانى جوعارى مەكتەپكە جەتەكشىلىك ەتەدى.

　　كەلۋ قاينارى: حالىق تورابى