«ىلە دە ناۋرىز» اتتى كونسەرت كەشى دۋماندى ءوتتى

حابارىن جازىپ سۋرەتتەرىن تۇسىرگەن باقىتبەك ءجۇمادىل ۇلى

2013.03.14 16:06   كەلۋ قاينارى : حالىق تورابى

　　ىلە قازاق اۆتونوميالى وبلىسىنىڭ جىلان جىلعى ناۋرىز مەرەكەسىن تويلاۋعا ارنالعان «ىلەدە ناۋرىز» اتتى ارناۋلى تەلەۆيزيا ساۋىق كەشى 7-ناۋرىز كۇنى اۋىل شارۋاشىلىق 4-ديۆيزياسىنىڭ مادەنيەت ورتالىعىندا سالتاناتتى وتكىزىلدى.

　　مانەن زەينەل ۇلى، سابىر ايتجان ۇلى، مۇقيات جارمۇقامەت ۇلى، نۇرىم سىمايىلقان ۇلى قاتارلى وبلىستىڭ ءتورت باسشىلىق القاسىنداعى باسشىلار جانە ءبىر ءبولىم زەينەتكە، دەمالىسقا شىققان قارت باسشى كادرلار 1200دەن استام ءار سالا جۇرتشىلىعىمەن بىرگە ساۋىق كەشتى تاماشالادى.

　　«حالىقتىڭ قالاۋلى ۇلانى ـــ جۇماتاي»، «سايگۇلىك»، «كوركەم مەكەن ىلە» قاتارلى ءان، ءبي نومىرلەرى مەن جاستاردىڭ توپتىق ءبيى جانە «كومەي» توبىنىڭ ءداستۇرلى كۇركىرەمەسى حالىقتىق كوركومونەردىڭ زامانا مادەنيەتى مەن ۇشتاسقان كەمەلدى ورەسىن بايقاتسا، كونسەرت مازمۇن جانە فورما جاقتان حالىقتىڭ باقىتتى تۇرمىسىن، دامۋعا بەت العان ورنىقتى دا بەرەكەلى قوعامنىڭ ءسان- سالتاناتىن ايقىن بەينەلەدى. ساۋىق كەشتى تاماشالاعان قالىڭ قاۋىم وسى ساۋىق كەشتىڭ باستى مازمۇنىنان ىلەدەگى ءار ۇلت حالقىنىڭ بەرىك ىنتىماقتا بولىپ، «دوڭگەلەك داۋلەتتى قوعام قۇرۋ» ۇلى نىساناسىنا ات سالىسىپ جاتقان رۋحاني بەينەسىن ايقىن اڭعارىپ، پارتيا مەن ۇكىمەتتىڭ مادەنيەتتى وركەندەتىپ، حالىق تۇرمىسىن جاقسارتۋدى نەگىز ەتكەن ۇلى نىسانداردى ورىنداۋعا قۇلشىنىپ وتىرعان ابزال ساياساتىن تولىق سەزىندى.

　　كەلۋ قاينارى: حالىق تورابى