بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى
حالىق تورابى>>مادەنيەت

«ءشاربات نىلقى ارمانى ـــ قىزاي كەستەسى» اتتى ءان-ءبي تەاترى جۇرتپەن جۇزدەستى

ماقالاسىن جازىپ سۋرەتتەرىن تۇسىرگەن باقىتبەك ءجۇمادىل ۇلى 

2013.03.26 15:53   كەلۋ قاينارى : حالىق تورابى



  نىلقى اۋدانىنىڭ «ءشاربات نىلقى ارمانى ـــ قىزاي كەستەسى» اتتى ءان-ءبي تەاترى جىلان جىلعى ۇلىستىڭ ۇلى كۇنى «ناۋرىز مەرەكەسىن» تويلاۋعا ارنالعان ساۋىق كەش رەتىندە، 24-ناۋرىز كۇنى نىلقى اۋداندىق مادەنيەت ورتالىعىنىڭ كلۋبىندا تۇڭعىش رەت قويىلىپ، ءار سالاداعى كورەرمەندەردىڭ قىزۋ قارسى الۋىنا بولەندى. اتالعان اۋدان 2012-جىلدىڭ سوڭىندا وتكىزگەن «تولىقسىعان نىلقى» اتتى كولەمدى كوركومونەر ويىن ساۋىعىنان كەيىن، ىلە-شالا «ءءشاربات نىلقى ارمانى ـــ قىزاي كەستەسى» اتتى ءان-ءبي تەاترىن جاساۋعا كىرىسكەن ەدى.

  نىلقى اۋدانى سوڭعى 5 جىلدان بەرى ءتۇرلى ءتيىمدى ساياساتتار ارقىلى كەستەشىلەردى قولداۋ تەبىنىن ارتتىرىپ، اۋدان بويىنشا 13 كەستەشىلىك قوعامىن قۇرىپ، قوعام مۇشەلەرى 4 مىڭ 800 ادامعا جەتىپتى. «قىزاي كەستەشىلىگى» ماركاسىن الىپ، وسى ماركاداعى ءتۇرلى كەستە بۇيىمدارى ەلىمىزدىڭ جەر-جەرىندە ساتىلىپ، قازاقستان، وزبەكستان سياقتى ورتا ازيا ەلدەرىندەگى قولونەر بۇيىمدارى جارمەنكەلەرىندە، رەسەي، موڭعۇليا بازارلارىندا دا ساۋداسى كۇسەت بولىپ، كەستەشىلەردىڭ كىرىس قاينارى ارتا تۇسكەن. سونىمەن 2008-جىلى نىلقى اۋدانى مەملەكەت جاعىنان «كەستەشىلەر مەكەنى» بولىپ بەكىتىلسە، 2010-جىلى «قىزاي كەستەسى» اۆتونوميالى رايون دارەجەلى «بەيزاتتىق مادەني مۇرالار تىزىمدىگىنە» ەندى. 2012-جىلى نىلقىداعى 10 مىڭ شەبەر كەستەشى ءبىر ۋاقىتتا «قىزاي كەستەسىن» تىگىپ «گەننيس رەكوردىن» الدى. مىنە وسىنداي مىعىم نەگىزى بولعاندىقتان، نىلقى اۋدانى تاماشا كوركومونەرلىك شىعارما ارقىلى «قىزاي كەستەسى» سىندى جەرگىلىكتى ايگىلى ماركانى كورنەكتىلەندىرە وتىرىپ، ۇزدىك ۇلتتىق ءداستۇرلى مادەنيەتتى ايگىلەپ، ونى نىلقىداعى ءار ۇلت جۇرتشىلىعىنىڭ رۋحاني بايلىعىنا اينالدىرىپ، اۋداننىڭ مادەنيەت ىستەرىن جاڭا ءبىر بەلەسكە كوتەرۋگە قۇلشىنىپ وتىر.

  نىلقى اۋداندىق ويىن-ساۋىق ۇيىرمەسىنىڭ ارتيستەرى مەن قىزمەتكەرلەرى نەگىز ەتىلىپ، اۆتونوميالى رايوننان جانە ىلە وبلىستىق ءان-ءبي ۇيىرمەسىنەن رەجيسسورلار مەن ءىشىنارا ارتيستەر ۇسىنىس ەتىلىپ ساحناعا شىعارىلعان بۇل ءان-ءبي تەاترى «ءۇمىت»، «ءشاربات»، «ارمان» سياقتى ءۇش تاراۋدان قۇرالادى. تەاتر يدەيالىق جاقتان وتاندى، كورىكتى مەكەن ـــ نىلقىنى قىزۋ ءسۇيىپ، ىنتىماقتاسا ۇلەس قوسۋ، ءوزارا قايىرىمدى بولۋ، اق كوڭىل اشىق-جارقىن بولۋ سىندى رۋحتى ايگىلەسە، ساحنالاستىرىلۋى مەن قيمىلدىق فورما وبىرازى جاعىنان قازاق ۇلتىنىڭ ءداستۇرلى حالىقتىق ءان-ءبيى ارقىلى «قىزاي كەستەسىنىڭ» ءسان-سالتاناتىن زامانا مادەنيەتى مەن شەبەر ۇشتاستىرىپ، نىلقىداعى ءار ۇلت حالقىنىڭ ورتاق قول ۇستاسىپ، تولىقسىعان، كوركەم نىلقى قۇرىپ، ءار ۇلت حالقىن بالداي ءءشارباتتى تۇرمىستان يگىلىكتەندىرەمىز دەگەن ارمان تىلەگى تولىق بەينەلەنگەن.

  كەلۋ قاينارى: حالىق تورابى
  

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
【16】 【17】 【18】 【19】 【20】 【21】 【22】 【23】 【24】 【25】 
جاۋاپتى رەداكتورى : نۇرعيسا قۇرمانجان ۇلى

 سۋرەت