ۆاشينگتوندا وق شىعارۋ ۋاقيعاسى تۋىلىپ، 13 ادام ءولدى

وق شىعارۋشىنىڭ كىم ەكەندىگى انىقتالدى

2013.09.17 16:34   كەلۋ قاينارى : حالىق تورابى

　　حالىق تورابىنىڭ ءتىلشىسى لياۋ جىڭجۇننىڭ 16-قىركۇيەكتە ۆاشينگتوننان بەرگەن حابارى. جەرگىلىكتى ۋاقىت بويىنشا 16-قىركۇيەك تۇستەن كەيىن ساعات 4 شاماسىندا ا ق ش فەدەراتسيالىق تەكسەرۋ مەكەمەسىنىڭ ۇكىمەت تورابىندا سول كۇنگى ۆاشينگتون تەڭىز ارمياسى بازاسىنداعى وق شىعارۋ ۋاقيعاسىنا قاتىستى ءبىر وق شىعارۋشىنىڭ كىم ەكەندىگى جونىندەگى ينفورماتسيا جاريالاندى، سونداي-اق بۇل ەر ادامنىڭ سول مايداندا ساقشىلار جاعىنان اتىپ ولتىرىلگەندىگى ايتىلدى. ءتىلشى ماقالانى جىبەرگەنگە دەيىن، بۇل رەتكى ۋاقيعادا وق شىعارۋشىنى قامتىعان 13 ادام قازا بولعان، بۇدان تىس كەمىندە 12 ادام جارالانعان. قازىر كەمىندە تاعى ءبىر وق شىعارۋشى قولعا تۇسپەگەن.

　　فەدەراتسيالىق تەكسەرۋ مەكەمەسىنىڭ جاريالاعان ينفورماتسياسىندا بىلاي دەپ كورسەتىلگەن: ساقشى مەكەمەسى وق شىعارۋشىنىڭ دەنەسىنەن ءتىنتىپ تاپقان ازاماتتىق كۋالىگىندە جانە ساۋساق تابىن تەكسەرۋ ناتيجەسىندە بۇل ەر ادامنىڭ تەكساس شتاتىنان بولىپ، ا ق ش تەڭىز ارمياسىنىڭ 34 جاسقا كەلگەن بۇرىنعى جالدانبا قىزمەتكەرى ەكەندىگى انىقتالعان، الايدا ونىڭ وسى رەتكى وق شىعارۋ ۋاقيعاسىنا قاتىناسۋىنداعى ماقساتى بەلگىسىز بولعان. اكىمشىلىك جۇرتشىلىقتان وق شىعارۋشىنىڭ اناعۇرلىم كوپ ينفورماتسياسىن بەرۋدى، ءسويتىپ-ۋاقيعانىڭ سەبەبىن تەزدەن انىقتاۋدى تالاپ ەتتى.

　　16-قىركۇيەك تۇستەن بۇرىن 8 ساعات 20 مينۋتتا كەمىندە مىلتىق كوتەرگەن ەكى ادام ۆاشينگتوننىڭ شىعىس بولەگىندەگى تەڭىز ارميا بازاسىنا كىرگەن، سونداي-اق 197-عيماراتتا ياعني ا ق ش تەڭىز ارمياسىنىڭ تەڭىز جۇيەسى شتابى تۇرعان جەردە قىرعىنداۋ جۇرگىزگەن. ا ق ش زۇڭتۇڭى وباما سول كۇنى اق سارايدا مالىمدەمە جاريالاپ، بۇل ا ق ش تاپ بولعان تاعى ءبىر كەزەكتى زور كولەمدى وق شىعارۋ ۋاقيعاسى دەدى.

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى