قازاقستان پرەزيدەنتى جۇڭگونىڭ قارجى سەرىكتىكتەرىنىڭ ۋاكىلدەرىن قابىلدادى ءارى جۇڭگو حالقىن كوكتەم مەرەكەسىمەن قۇتتىقتادى

2016.02.06 14:16   كەلۋ قاينارى : حالىق تورابى

　　حالىق تورابى، 6 – اقپان، بەيجيڭ. قازاقستان پرەزيدەنتى نۇرسۇلتان نازاربايەۆ 4 – اقپان كۇنى جۇڭشين توبى، يزانپۋ توبى، جوۋجي مۇناي – گاز شەكتى جارنا سەرىكتىگى قاتارلى جۇڭگو قارجى سەرىكتىكتەرىنىڭ ۋاكىلدەرىن قابىلدادى ءارى جۇڭگو حالقىنىڭ كوكتەم مەرەكەسىنە قۇتتىقتاۋ سالەمىن جولدادى.

　　سول كۇنگى كەزدەسۋدە جۇڭشين ەنەرگيا توبى باس جوراسىنىڭ ورىنباسارى، جۇڭشيننىڭ قازاقستانداعى سەرىكتىگىنىڭ باس ديرەكتورى سۇن ياڭ الدىمەن پرەزيدەنت نازاربايەۆتىڭ كوپ جىلداردان بەرى جۇڭشين سەرىكتىگىنە بولعان ىقىلاسى مەن قولداۋىنا ريزاشىلىعىن ءبىلدىردى، سونىمەن قاتار جۇڭشين قاراجامباس مۇناي الابى، كاسپي اسفالت سەرىكتىگى مەن جۇڭشين قازىنا قورى قاتارلى ىستەستىك جاساعان نىسانداردىڭ جاعدايىن تانىستىردى. بۇدان سىرت، سۇن ياڭ تاعى دا بىلاي دەدى: اتالعان توپتىڭ «13 - بەسجىلدىق» مەزگىلىندەگى ستراتەگيالىق جوسپارى بويىنشا، بولاشاقتا جۇڭشين توبى جۇڭگو – قازاقستان نەگىزگى قۇرىلعى قارجى قورىن قۇرۋ، بىرلىكتە قارجى قوسىپ بانكە قۇرۋ، استانا حالىقارالىق فينانس ورتالىعىن قۇرۋ جانە قازاقستان شەكاراسىنداعى تاسجولداردى وزگەرتىپ جاساۋ، ۋران كەنىن اشۋ جانە يادرولىق ەلەكتر ستانسياسىن قۇرۋ، وسىزامانعى اۋىل شارۋاشىلىق كاسىبى مەن قورا – جاي كاسىبىن دامىتۋ جاقتارىندا قازاقستان جاقپەن جالعاستى ىستەستىكتى كۇشەيتەدى.

　　كەلۋ قاينارى: حالىق تورابى