مەملەكەتتىك 12 – كەزەكتى حالىق قۇرىلتايىنىڭ 4 - ءماجىلىسى بەيجيڭدە اشىلدى

شي جينپيڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي ءتوراعالار مىنبەسىنەن ورىن الدى

2016.03.06 12:56   كەلۋ قاينارى : حالىق تورابى

　　سۋرەتتە: مەملەكەتتىك 12 – كەزەكتى حالىق قۇرىلتايىنىڭ 4 - ءماجىلىسى 5 - ناۋرىزدا بەيجيڭدەگى حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي ماجىلىسكە قاتىناستى.

　　(سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن)

　　شينحۋا اگەنتتىگى، 5 – ناۋرىز، بەيجيڭ. مەملەكەتتىك 12 – كەزەكتى حالىق قۇرىلتايىنىڭ 4 - ءماجىلىسى 5 – ناۋرىز تۇستەن بۇرىن بەيجيڭدە اشىلدى. مەملەكەتتىك كەڭەستىڭ زۇڭليى لي كىچياڭ ماجىلىسكە ۇكىمەت قىزمەتىنەن بايانداما جاساعاندا بىلاي دەپ اتاپ كورسەتتى: قۇلشىنعاندا عانا بولاشاق تابىستارعا قول جەتكىزە الامىز. ءبىز شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، زەيىن – زەردەنى، كۇش – قۋاتتى شوعىرلاندىرىپ، قايراتتانا العا ۇمتىلىپ، بيىلعى ەكونوميكالىق، قوعامدىق دامۋدىڭ نىسانالى مىندەتتەرىن قۇلشىنا ورىنداپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋدە تاماشا باستاما جاراتۋعا كەپىلدىك ەتىپ، باي، قۇدىرەتتى، دەموكراتيالى، وركەنيەتتى، جاراسىمدى سوتسياليستىك وسىزاماندانعان ەل قۇرۋعا، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا تىڭ ۇلەس قوسايىق.

　　مەملەكەتتىك حالىق قۇرىلتايىنىڭ 3 مىڭعا تارتا ۋاكىلى سالتاناتتى ماجىلىسكە قاتىناسىپ، ءبىر ميلليارد 300 ميلليون حالىقتىڭ حالىقتىڭ كەلەلى تاپسىرىعىن ارقالاپ، نەگىزگى زاڭ مەن زاڭداردا بەرىلگەن قاسيەتتى بورىشتارىن وتەدى.حالىق سارايىنىڭ 10 مىڭ ادامدىق ۇلكەن زالىندا شىراقتار سامالاداي نۇر شاشىپ تۇر، ءتوراعالار مىنبەسىنىڭ تورىنە مەملەكەت گەربى ىلىنگەن، ءماجىلىس الاڭى جالىندى بەينەگە شومعان.
ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جاڭ دىجياڭ ءماجىلىستى باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى لي جيانگو، ۋاڭ شىڭجۇن، چىن چاڭجى، يان جۇنچي، ۋاڭ چىن، شىن يۋەيۋە، جي بيڭشۋان، جاڭ پيڭ، شياڭباپيڭسو، ەركىن يمىرباقى، ۋان ىشياڭ، جاڭ باۋۋىن، چىن جۋ ءتوراعالار مىنبەسىندەگى اتقارۋشى ءتوراعالار ورنىنا وتىردى.
شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.

　　مەملەكەتتىك 12 – كەزەكتى حالىق قۇرىلتايىنىڭ 4 – ماجىلىسىنە قاتىناسۋعا ءتيىستى ۋاكىل 2 مىڭ 943 ادام. بۇگىنگى ماجىلىسكە 2 مىڭ 890 ادام قاتىناستى، 53 ادام قاتىناسا المادى، قاتىناسقاندار سانى زاڭدا بەلگىلەنگەن ادام سانىنا ۇيلەسەدى.
تۇستەن بۇرىن ساعات 9 دا جاڭ دىجياڭ جۇڭحۋا حالىق رەسپۋبليكاسى مەملەكەتتىك 12 – كەزەكتى حالىق قۇرىلتايى 4 - ءماجىلىسىنىڭ اشىلعانىن جاريالادى زالداعىلار تۇگەل ورىندارىنان تۇرىپ، گيمندى اسقاقتاتا شىرقادى.

　　ءماجىلىستىڭ كەڭەستىك تارتىبىنە ساي، مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەس اتىنان ماجىللىسكە ۇكىمەت قىزمەتىنەن بايانداما جاسادى. بايانداما مىناداي 3 بولەككە ءبولىندى: ءبىرىنشى، 2015 – جىلعى قىزمەتكە شولۋ؛ ەكىنشى، «13 – بەس جىلدىق» مەزگىلىندەەى باستى نىسانالى مىندەتتەر مەن كەلەلى شارالار؛ ءۇشىنشى، 2016 – جىلعى ءتۇيىندى قىزمەت.

　　كەلۋ قاينارى: حالىق تورابى