جۇڭگو – قازاقستان كينو – تەلەۆيزيا قۇرىلىمدارى «ءبىر بەلدەۋ، ءبىر جول» مادەنيەت كاسىبى حالىقارالىق سەلبەستىك جۇيەسىن قۇردى

2016.08.30 15:03   كەلۋ قاينارى : حالىق تورابى

　　حالىق تورابى، 30 – تامىز، بەيجيڭ. جاقىندا، قازاقستان مەملەكەتتىك تەلەۆيزياسىنىڭ 31 – ارناسى، ليانيۇنگاڭ قالالىق راديو – تەلەۆيزياسى، ىلە وبلىسى ۇلتتار كينو – تەلەۆيزياسىن اۋدارۋ - جاساۋ ورتالىعى جانە قورعاس قالالىق راديو، كينو – تەلەۆيزيا مەكەمەسى قاتارلى 4 ورگان، جۇڭگو – قازاقستان قورعاس حالىقارالىق شەكارا سەلبەستىك ورتالىعىندا «ءبىر بەلدەۋ، ءبىر جول» اقپارات تاراتۋ جانە مادەنيەت كاسىبى حالىقارالىق سەلبەستىك جۇيەسىن قۇرۋ كەلىسىمىنە قول قويىستى.

　　كەلىسىمدە اقىلداسىپ بەكىتۋ ارقىلى، جۇڭگو مەن قازاقستاننىڭ كينو – تەلەۆيزيا، تاراتۋ سالاسىنىڭ 4 ورگانى حابار مازمۇنى، كينو – تەلەۆيزيا تەاترى كاسىبى، جاساۋ، اۋدارىپ جاساۋ، ەنگىزۋ، الماستىرۋ قاتارلى جاقتاردا ىشكەرىلەي سەلبەسىپ ءارى قازاقستان قورعاس شىعىس قاقپاسى ەكونوميكا ەرەكشە رايونى، جۇڭگو قورعاس وتكەلى، جۇڭگو – قازاقستان (ليانيۇنگاڭ) زات تاسىمالى سەلبەستىك بازاسى قاتارلى ورىنداردى دانەكەر ەتىپ، لەنيا ىقپالداستىعى، ۇلاسپالى حابارلاۋ ءادىسى ارقىلى حالىقارالىق ىقپالدى كۇشەيتىپ، جۇڭگو – قازاقستان ەكى ەل حالقىنىڭ ءوزارا پىكىر الماستىرۋىن ىلگەرىلەتۋدى ماقسات ەتتى.

　　ۇعىسۋعا قاراعاندا، اتالعان سەلبەستىك جۇيە مەرزىمدىك پىكىر الماستىرۋ مەحانيزمىن قۇرىپ، حابار، كينو – تەلەۆيزيا، تەحنيكا جانە كاسىپتىك تيجارات قاتارلى سالالارداعى قىزمەتكەلەردى ەكى باعىتتا تاربيەلەپ، مەرزىم بويىنشا پىكىر الماستىرىپ، ءارقايسى جاقتىڭ ارتىقشىلىعىن ساۋلەلەندىرىپ، ساۋدا، ساياحات، مادەنيەت جاعىندا جاڭالىق جاراتۋ، كوركەمونەر كونسەرتتەرىن قويۋ، قيمىلداردى جوبالاۋ جانە تىڭ ءورىس اشۋ قاتارلى جاقتاردا سەلبەستىكتى كۇشەيتىپ، ءارقايسى جاقتىڭ مادەنيەت جاعىنداعى جاسامپازدىق ورەسىن جوعارىلاتىپ، مادەنيەتتىڭ ىقپال كۇشىن ارتتىرۋدى كوزدەگەن.

　　كەلۋ قاينارى: حالىق تورابى