15 – كەزەكتى مۇگەدەكتەر وليمپياداسىنا قاتىناساتىن جۇڭگو ۋاكىلدەر ۇيىرمەسىن اتتاندىرۋ سالتى بەيجيڭدە وتكىزىلدى

2016.08.30 15:48   كەلۋ قاينارى : حالىق تورابى

　　حالىق تورابى، 30 – تامىز، بەيجيڭ. 15 – كەزەكتى مۇگەدەكتەر وليمپياداسىنا قاتىناساتىن جۇڭگو ۋاكىلدەر ۇيىرمەسىن اتتاندىرۋ سالتى 29 – تامىز تۇستەن كەيىن بەيجيڭدە وتكىزىلدى، 308 جۇڭگولىق سپورتشى ريو مۇگەدەكتەر وليمپياداسىنىڭ جارىسىنا اتتانادى، ولار وزدەرىنىڭ تەحنيكالىق ونەرى مەن كىسىلىك جىگەرىن ايگىلەيدى.

　　جۇڭگو مۇگەدەكتەر بىرلەستىگىنىڭ ءتوراعاسى، 15 – كەزەكتى مۇگەدەكتەر وليمپياداسى جۇڭگو ۋاكىلدەر ۇيىرمەسىنىڭ باستىعى جاڭ حايدي «سابىرلىققا جەڭدىرۋ» پوزيتسياسىنا تاباندى بولىپ، قوزدىرعىش ىستەتۋگە قارسى تۇرىپ، تازا جارىس ارقىلى، ناعىز باتىر بولۋدى باسا دارىپتەدى.

　　بۇل رەتكى مۇگەدەكتەر وليمپياداسى 7 – قىركۇيەكتەن 18 – قىركۇيەككە دەيىن برازيليانىڭ ريو – دە – جانەيرو قالاسىندا وتكىزىلەدى. كورۋ قۋاتىندا كەمىستىك بارلار، قول – اياعى كەمتارلار، اقىل – ەسىندە كەمىستىك بارلار قاتارلى ءۇش ۇلكەن بولەك بويىنشا 22 ۇلكەن ءتۇردىڭ 528 ۇساق تۇرلەرى بويىنشا جارىس وتكىزىلەدى.

　　كەلۋ قاينارى: حالىق تورابى