ۇيعۇر ازاماتى روزاحۇن حيمنىڭ ەلەكتروندىق ساۋدا ارمانى

2016.09.30 15:01   كەلۋ قاينارى : حالىق تورابى

　　حالىق تورابى، 30 – قىركۇيەك، بەيجيڭ. 28 جاستاعى ۇيعۇر ازاماتى روزاحۇن حيم «كاسىپ جاراتۋشى» بولىپ، شينجياڭ ىلە وبلىسى شاپشال سىبە اۆتونوميالى اۋدانى جاعاستاي اۋىلىنان ەلەكتروندىق ساۋدا جالپىلىق قىزمەت وتەۋ بولىمشەسىن اشىپ، جەرگىلىكتى اۋىل شارۋاشىلىق قوسىمشا ونىمدەرىن ساتىپ، ءبىر جىلعا جەتپەيتىن ۋاقىتتا 5 ميلليون يۋان كىرىس كىرگىزگەن. اۋىلىنداعى ساپالى سيىر – قوي ەتتەرى قاتارلى اۋىل شارۋاشىلىق قوسىمشا ونىمدەرىن ىشكەرى ولكەلەرگە جەتكىزىپ ساتۋ روزاحۇن حيمنىڭ ارمانى بولاتىن. 2015 – جىلى قىركۇيەك ايىندا، روزاحۇن حيم تۋعان اۋىلى ــ جاعاستاي اۋىلىنا قايتىپ كەلىپ، ەلەكتروندىق ساۋدامەن شۇعىلدانىپ، توراپ دۇكەنى ارقىلى جەرگىلىكتى جۇمىرتقا، قوي – سيىر ەتى، قارا ءبيداي، كۇرىش، ماقسارى مايى قاتارلى ەرەكشە ونىمدەردى ساتىپ، ونىمدەرى ەرەكشە ءوتىمدى بولعان. قازىر جاعاستاي اۋىلىنداعى 16 ازامات تا روزاحۇن حيمعا ىلەسىپ ەلەكتروندىق ساۋدا كاسىبىمەن شۇعىلدانۋدى ۇيرەنۋدە، سونىمەن قاتار ءجۇز نەشە ۇيعۇر كەدەي وتباسىلارىنىڭ دا كىرىسىن ارتتىرۋىنا باستاماشى بولۋدا. كۇن ىلگەرى، ول شاپشال قارجىلاندىرۋ- دامىتۋ توبىمەن «اۋىل-قىستاق ەلەكتروندىق ساۋداسى ＋ كەدەيلىكتەن ارىلۋ ＋ سەرىكتىك» ىستەستىك نىسانىنا قول قويىستى.

　　كەلۋ قاينارى: حالىق تورابى