شينجياڭنىڭ 7 ءتۇرلى ايگىلى اۋىل شارۋاشىلىق ونىمدەرى ماركاسى 2016 – جىلعى مەملەكەتتىك تاڭداۋلى جەمىس – جيدەكتەردىڭ وڭىرلىك - الەۋمەتتىك ايگىلى ماركالارى قاتارىنا تاڭدالدى

2016.11.07 13:52   كەلۋ قاينارى : حالىق تورابى

　　حالىق تورابى، 7 – قاراشا، بەيجيڭ. ءتاڭىرتاۋ تورابىنىڭ حابارلاۋىنشا، قامداۋ جاعىنداعى رەفورما، ءوندىرىستىڭ توعىسۋى، زالالسىز ورتاق يگىلىك، دامۋدا جاڭالىق جاراتۋ» تاقىرىبىنداعى 14 – كەزەكتى جۇڭگو حالىقارالىق اۋىل شارۋاشىلىق ونىمدەرى جارمەڭكەسى 5 – قاراشادان 8 – قاراشاعا دەيىن يۇننان ولكەسىنىڭ كۇنميڭ قالاسىنداعى حالىقارالىق كورمە ورتالىعىندا وتكىزىلدى، شينجياڭنان كورمەگە قاتىناسقان ۇيىرمە شينجياڭنىڭ 100دەن استام ساپالى، وزگەشە اۋىل شارۋاشىلىق ونىمدەرىن كورمەگە قويدى.

　　كورمەدە شينجياڭنىڭ اقسۋ الماسى، اقسۋ شىلانى، كورلا المۇرتى، تۇرپان ءۇزىمى، پيامان انارى، بۇگۇر اق ورىگى، قاشقار قاۋىنى قاتارلى 7 ايگىلى ماركاسى 2016 – جىلعى مەملەكەتتىك تاڭداۋلى جەمىس – جيدەكتەردىڭ وڭىرلىك – الەۋمەتتىك ايگىلى ماركالارى قاتارىنا تاڭدالدى.

　　كەلۋ قاينارى: حالىق تورابى