جۇڭگو – قازاقستان قورعاس حالىقارالىق شەكارا سەلبەستىك ورتالىعى ىسكە قوسىلعانىنا بەس جىل تولدى

2017.04.10 14:09   كەلۋ قاينارى : حالىق تورابى

　　حالىق تورابى، 10 – ءساۋىر، بەيجيڭ. 8 – ءساۋىر، قازاقستاننان كەلگەن ساۋداگەرلەر قورعاس حالىقارالىق شەكارا سەلبەستىك ورتالىعى جۇڭگو جاق شەكارا ىشىنەن قاجەتتى تاۋارىن ساتىپ العاننان كەيىن، العان زاتتارىن كوتەرىپ قازاقستانعا قاتىنايتىن اۆتوكولىككە وتىرۋدا.

　　2012 – جىلى 18 – ءساۋىر كۇنى، كولەمى 5.28 شارشى كيلومەتر كەلەتىن جۇڭگو – قازاقستان قورعاس حالىقارالىق شەكارا سەلبەستىك ورتالىعى ىسكە قوسىلدى. بۇل ورتالىق توپتىق ساۋدا كەڭەسى، تاۋار كورمەسى ساتۋ ورنى، زات قويما – تاسىمالداۋ ورنى، فينانىستىق قىزمەت كورسەتۋ قاتارلى يقۋاتتاردى بىرىكتىرگەن جالپىلىق ساۋدا رايونى بولىپ، قاتىستى كەدەن باجىسىنەن جەڭىلدىك جاساۋ ساياساتىنان يگىلىكتەنىپ، ادام اينالىسى، زات اينالىمى، قارجى اينالىمى جاعىندا بوگەتسىز شەكارا اتتاپ اينالىسقا تۇسۋگە بولادى.

　　«ءبىر بەلدەۋ ءبىر جول» دارىپتەمەسىنىڭ جۇرىلۋىنە ىلەسىپ، جۇڭگو – قازاقستان قورعاس حالىقارالىق شەكارا سەلبەستىك ورتالىعى يقۋاتى تولىق، قۇرىلعىلارى كەمەلدى، تيىمدىلىك ساياساتى كوپ بولۋ قاتارلى پايدالى شارتتارىنان پايدالانىپ، كوپتەگەن ساۋداگەرلەر مەن كاسىپورىنداردى باۋراپ، قارجى تارتتى.

　　شينجياڭ قورعاس شەكارا تەكسەرۋ فۋنكتىنىڭ تانىستىرۋىنا قاراعاندا، 2016 – جىلى سەلبەستىك ورتالىعىندا جىل بويىنشا شەكارادان كىرىپ شىققان ادام سانى 5 ميلليون 430 مىڭ ادام رەت بولعان، 2017 – جىلى ءبىر ماۋسىمدا شەكارادان كىرىپ شىققان ادام سانى ءبىر ميلليون 4000 ادام رەتكە جەتكەن.

　　كەلۋ قاينارى: حالىق تورابى