8 مەملەكەتتىڭ جەنەۆادا تۇراتىن ديپلوماتتارى شينجياڭدا ساپاردا بولدى

ەكونوميكاسى مەن قوعامىنىڭ دامۋىنا جانە ۇشقارىلىقتى الاستاۋ شارالارىنا جاقسى باعا بەردى

شينحۋا اگەنتتىگىنىڭ ءتىلشىسى ليۋ بيڭ

2019.09.04 15:46   كەلۋ قاينارى : حالىق تورابى

　　سىرتقى ىستەر مينيسترلىگىنىڭ شاقىرۋىمەن، يەمەن، ەكۆاتورلىق گۆينەيا، موزامبيك، زامبيا، كوتەديۆويرە، وڭتۇستىك افريكا، ەفيوفيا، زيمبابۋە قاتارلى 8 مەملەكەتتىڭ جەنەۆادا تۇراتىن ۋاكىلدەر ۇيىرمەسىنىڭ نەگىزگى ءمانساپتىلارىنان قۇرام تاپقان ۋاكىلدەر ۇيىرمەسى 8 – ايدىڭ 28 – كۇنىنەن 9 – ايدىڭ 1 – كۇنىنە دەيىن شينجياڭعا ساپارلاي كەلىپ، ءۇرىمجى، حوتان، قاشقارداعى الەۋمەتتىك اۋماق، مەكتەپ، كاسىپ باقشاسى، مەشىت، كەدەيلەردى سۇيەمەلدەيتىن كاسىپورىن، كاسىپتىك شەبەرلىككە تاربيەلەۋ – باۋلۋ ورتالىعى قاتارلى جەرلەرگە باردى ءارى ءار ۇلت جۇرتشىلىعىمەن اڭگىمەلەستى.

　　ساپارلاي كەلگەن ۇيىرمەنىڭ مۇشەلەرى شينجياڭنىڭ ەكونوميكا مەن قوعام دامۋىن ىلگەرىلەتۋ، ازاماتتاردىڭ ءدىني سەنىم ەركىندىگىن قورعاۋ، از ۇلتتاردىڭ ءداستۇرلى مادەنيەتىنە مۇراگەرلىك ەتۋ، كەدەيلىكتەن ارىلتۋدا قامال الۋ، ۇشقارىلىقتى الاستاۋ قاتارلى جاقتاردا اتقارعان شارالارى مەن قول جەتكىزگەن ناتيجەلەرىنە جاقسى باعا بەرىپ، شينجياڭنىڭ ەكونوميكانى دامىتۋ مەن قوعامنىڭ جاراسىمدىلىعىن ساقتاۋ جاعىنداعى تاجىريبەلەرى ۇيرەنۋگە تاتيدى دەپ قارادى.

　　ساپارلاي كەلگەن ۇيىرمە 8 – ايدىڭ 28 – كۇنى ۇرىمجىگە جەتكەن سوڭ، اۋەجايدان مەترومەن قالا رايونىنا كەلىپ، ىلگەرىندى – كەيىندى بايىرعى قولونەردى ساقتاۋمەن بىرگە، وسىزامانعى تەحنيكانى توعىستىرعان ورتا ازيا التىن، گاۋھار، قاس تاسى كاسىپ باقشاسى، ىدىراتۋعا بولاتىن، جاسىل، ورتانى لاستامايتىن وراۋىش جارعاق وندىرەتىن شينجياڭ لاي – و عىلىم – تەحنيكا شەكتى جارنا سەرىكتەستىگى قاتارلىلاردى ەكسكۋرسيالادى. ساپارلاي كەلگەن ۇيىرمەنىڭ مۇشەلەرى ءۇرىمجى قالاسىنىڭ قالا قۇرىلىسى، ەكونوميكانى دامىتۋ قاتارلى جاقتاردا قول جەتكىزگەن ناتيجەلەرىن القادى. ەكۆاتورلىق گۆينەيانىڭ جەنەۆادا تۇراتىن تۇراقتى ۋاكىلى لازارو تىلشىلگە بىلاي دەدى: «مەن 1992 – جىلدان 1998 – جىلعا دەيىن بەيجيڭدەگى جۇڭگو حالىق ۋنيۆەرسيتەتىندە وقىعانمىن، سول كەزدە شينجياڭنىڭ ءارى الىس ءارى دامۋى كەنجە قالعان جەر ەكەنىن بىلەتىنمىن، ەندى بايقاسام، ءۇرىمجى قالاسىنىڭ جۇڭگونىڭ باسقا قالالارىنان ەشقانداي پارقى جوق ەكەن»، — دەدى.

　　ساپارلاي كەلگەن ۇيىرمە ءۇرىمجى قالاسى گۋيۋانشياڭ الەۋمەتتىك اۋماعىندا جۇرتشىلىقتىڭ كۇندەلىكتى تۇرمىسىن كوردى ءارى قارتتار ءان - ءبي ۇيىرمەسىمەن بىرگە شينجياڭداعى ۇلتتاردىڭ ويناقى بيىنە باستى. گۋيۋانشياڭ الەۋمەتتىك اۋماعىندا ۇيعۇر، حۇيزۋ، قازاق، حانزۋ قاتارلى 9 ۇلتتان قۇرام تاپقان 5000نان استام جان سانى بار ەكەنىن، ءار ۇلت تۇرعىندارىنىڭ ءوزارا كومەكتەسىپ، ءوزارا ايالايتىن كوپتەگەن مىسالدارىن بىلگەننەن كەيىن، زامبيانىڭ جەنەۆادا تۇراتىن تۇراقتى ۋاكىلى ماشا: «ءۇرىمجى قالاسىنداعى ءار ۇلت حالقىنىڭ بىرگە جاراسىمدى ءومىر ءسۇرىپ جاتقانىن سەزىندىم»، — دەدى.

　　قازىر شينجياڭدا ساياحاتتىڭ قاۋىرت كەزەڭى، ساپارلاي كەلگەن ۇيىرمە ءۇرىمجى حالىقارالىق ۇلكەن بازارى، حوتان كەشكى بازارى، قاشقار كونە قالا رايونى قاتارلى ايگىلى ساياحات كورىنىس رايوندارىن تاماشالادى. وڭتۇستىك افريكانىڭ جەنەۆادا تۇراتىن تۇراقتى ۋاكىلىنىڭ ورىنباسارى نەليا شينجياڭنىڭ نان مادەنيەتى مەن ەرەكشەلىككە يە ءتۇرلى جەمىس – جيدەكتەرىنە قىزىعاتىنىن ءبىلدىردى. ول: «شينجياڭ جاقسى جەر ەكەن، مىڭ ەستىگەننەن ءبىر كورگەن ارتىق دەگەن راس قوي»، — دەدى.

　　حوتان مەن قاشقار ەرەكشە كەدەي وڭىرلەر، ساپارلاي كەلگەن ۇيىرمە حوتان ايماعى لوپ اۋدانىنداعى ازىقتىق باكتەريا ءوندىرۋدەگى «كوشباسشى كاسىپورىن + بازا + كەدەي وتباسى» سىندى كەدەيلەردى سۇيەمەلدەۋ فورماسىن، بەيجيڭنىڭ لوپ اۋدانىنا كومەكتەسىپ سالىپ بەرگەن بالالار باقشاسىن، قاشقار ايماعى كونەشار اۋدانى ۇكساق قالاشىعى 7 – قىستاعىنداعى قىستاق قۇرعان كيىم – كەشەك زاۆودىن ەكسكۋرسيالادى. موزامبيكتىڭ جەنەۆادا تۇراتىن تۇراقتى ۋاكىلى امادۋ شينجياڭنىڭ كەدەيلەردى سۇيەمەلدەۋدەگى وزىق تەحنيكالارى مەن ۇلگىلەرىن افريكاعا جالپىلاستىرۋدى ءۇمىت ەتەتىنىن ءبىلدىردى.

　　حوتان ايماعى قاراقاش اۋدانى پىشاقشى اۋىلىنداعى تۇت قاعازى شەبەرحاناسىن، حوتان قالاسى گييا اۋىلى ازنابازار قىستاعىنداعى اتلاس جىبەگى زاۆودىن، قاشقار ايماعى كونەشار اۋدانىنداعى ۇلتتىق مۋزيكا اسپاپتارىن جاساۋ قىستاعىن ەكسكۋرسيالاعان سوڭ، نەليا شينجياڭداعى از ۇلتتاردىڭ ءداستۇرلى مادەنيەتى ءونىمدى قورعاۋعا الىنعان جانە وعان مۇراگەرلىك ەتىلگەن ەكەن دەپ قارادى.

　　كەلۋ قاينارى: حالىق تورابى