سەندەر باردا وتپەيتىن قىس جوق

2021.01.08 15:33   كەلۋ قاينارى : حالىق تورابى

　　سۋرەتتە: داليان تەڭىز – مۇحيت داشۋەسىنىڭ ەرىكتىلەرى تولتىرا جۇك تيەلگەن ءۇش شاقتى اربانى ورگە يتەرىپ، زاتتاردى وقۋشىلار جاتاعىنا جەتكىزۋگە كۇش سالۋدا.

　　1 – ايدىڭ 6 – كۇنى، وسى ءبىر سۋرەت ينتەرنەتتە كەڭىنەن تارالىپ، سان مىڭداعان توراپتاستاردى اسەرلەندىردى.

　　قارلى بوراندا 10 نان استام ەرىكتى ىندەتتەن ساقتانۋ زاتتارى تيەلگەن اربانى كۇش سالا العا يتەرىپ بارا جاتىر، ولاردىڭ قورعانۋ كيىمدەرى اپپاق قارمەن استاسىپ كەتكەن، قاپالاقتاعان قار ولاردىڭ ىزدەرىن ۇزدىكسىز جاسىرعانىمەن، ەرىكتىلەر بەينە ءبىر مۇسىندەي، العا قاراي باياۋ جىلجىپ بارادى. «ءبىر، ەكى، يتەر!» دەپ ءبىرىن – ءبىرى قايراتتاندىرعان ەرىكتىلەردىڭ داۋىسى قۇلاققا ەستىلگەندەي بولادى.

　　بۇل كورىنىس داليان تەڭىز – مۇحيت داشۋەسىنەن تۇسىرىلگەن. 2020 – جىلى 12 – ايدىڭ 21 – كۇنى، جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ ءۇشىن، مەكتەپ ۇجىمى مەكتەپ اۋلاسىن تۇيىقتاۋدى ۇيعارعان، وقۋشىلار جاتاقتا اۋاشالانعان. اتالعان مەكتەپتەگى ورتاشا جاس مولشەرلەرى 19 جاستاعى 17 جالىندى جاس ەرىكتىلەر قوسىنىنا قاتىناسىپ، ەرىكتى وقىتۋشى – قىزمەتكەرلەرمەن بىرگە جاتاقتارداعى وقىتۋشى – وقۋشىلارعا كۇندەلىكتى ءۇش رەتكى تاماقتى، تۇرمىستىق بۇيىمداردى جانە ىندەتتەن ساقتانۋ بۇيىمدارىن ءبىرتۇتاس تاراتتى. ون نەشە كۇننەن بەرى، ولار 5109 وقىتۋشى – وقۋشىعا 12219 ىدىس تاماق تاسىپ، ارتقى شەپتەگى قامتاماسىزداندىرۋ قىزمەتىن كۇش سالا ويداعىداي ىستەگەن.

　　ىندەتتەن ساقتانۋ – تىزگىندەۋدىڭ ءبىرىنشى شەبىندە مىڭداعان، ون مىڭداعان ەمدەۋ قىزمەتكەرلەرى مەن ەرىكتىلەر حاۋىپكە قارسى اتتانىپ، تاپجىلماي تابان تىرەپ، اتوي سالا الدا ءجۇردى. سەندەر باردا وتپەيتىن قىس جوق. شينحۋا اگەنتتىگى (داليان تەڭىز – مۇحيت داشۋەسى قامداعان سۋرەت)

　　كەلۋ قاينارى: حالىق تورابى