«شي جينپيڭ ەل باسقارۋ جونىندە» 4 - تومىنىڭ حانزۋشا - اعىلشىنشا باسىلىمى باسپادان شىعىپ، تاراتىلدى

2022.07.04 16:36   كەلۋ قاينارى : حالىق تورابى

　　بۇكىل پارتيا، بۇكىل قوعام پارتيا 20 - قۇرىلتايىنىڭ جەڭىسپەن اشىلۋىن قۋانىشپەن قارسى الۋ قارساڭىندا، ورتالىق كوميتەت ۇگىت ءبولىمى (مەملەكەتتىك كەڭەس اقپارات كەڭسەسى) ورتالىق كوميتەت پارتيا تاريحى جانە حۇجات زەرتتەۋ ورنىمەن، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسىمەن بىرلەسىپ قۇراستىرعان «شي جينپيڭ ەل باسقارۋ جونىندە» 4 - تومىنىڭ حانزۋشا - اعىلشىنشا باسىلىمىن شەتەل ءتىلى باسپاسى باسپادان شىعارىپ، ەل ىشىندە جانە شەتەلدەردە تاراتتى.

　　سۋرەتتە: «شي جينپيڭ ەل باسقارۋ جونىندە» 4 - تومىنىڭ حانزۋشا - اعىلشىنشا باسىلىمىنىڭ قاتتى مۇقابالى جانە جاي مۇقابالى نۇسقاسى.

　　□ سۋرەتتى شينحۋا اگەنتتىگىنىڭ ءتىلشىسى جاڭ يۇيۋي تۇسىرگەن

　　شينحۋا اگەنتتىگىنىڭ 7 - ايدىڭ 2 - كۇنى بەيجيڭنەن بەرگەن حابارى. بۇكىل پارتيا، بۇكىل قوعام پارتيا 20 - قۇرىلتايىنىڭ جەڭىسپەن اشىلۋىن قۋانىشپەن قارسى الۋ قارساڭىندا، ورتالىق كوميتەت ۇگىت ءبولىمى (مەملەكەتتىك كەڭەس اقپارات كەڭسەسى) ورتالىق كوميتەت پارتيا تاريحى جانە حۇجات زەرتتەۋ ورنىمەن، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسىمەن بىرلەسىپ قۇراستىرعان «شي جينپيڭ ەل باسقارۋ جونىندە» 4 - تومىنىڭ حانزۋشا - اعىلشىنشا باسىلىمىن شەتەل ءتىلى باسپاسى باسپادان شىعارىپ، ەل ىشىندە جانە شەتەلدەردە تاراتتى.

　　پارتيا 18 - قۇرىلتايىنان بەرى شي جينپيڭ جولداس باستى ۋاكىل بولعان جۇڭگو كوممۋنيستەرى ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، پارتيا قۇرىلعاننان بەرگى تاريحي تاجىريبەلەردى تەرەڭ قورىتىندىلاپ جانە تولىق قولدانىپ، جاڭا ءىس جۇزىندىكتى نەگىزگە الىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ورناتتى. شي جينپيڭ جاڭا ءداۋىر جۇڭگوشا سوتسياليزم يدەياسى زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى بولىپ، ماركسيزمنىڭ جۇڭگوشالانۋىنىڭ تىڭ سەكىرۋىن جۇزەگە اسىردى.

　　«شي جينپيڭ ەل باسقارۋ جونىندە» 1 - تومىنان 3 - تومىنا دەيىن باسپادان شىققاننان بەرى، پارتيانىڭ جاسامپاز نازاريالارىن ۇگىتتەۋ، حالىقتىڭ كۇرەس امالياتىن تاسقىنداتۋ، جۇڭگونىڭ تاماشا وبرازىن ايگىلەۋ جاعىندا ماڭىزدى رول اتقاردى. 2 جىلدان استام ۋاقىتتان بەرى باس شۋجي شي جينپيڭ پارتيا مەن حالىققا باسشىلىق ەتىپ وزگەرىسكە توتەپ بەرۋدىڭ، جاڭا جاعداي اشۋدىڭ ۇلى امالياتىندا، پارتيا مەن مەملەكەت ىستەرىنىڭ دامۋىنا ساياتىن ءبىر قىدىرۋ كەلەلى نازاريالىق جانە امالياتتىق ماسەلەلەر جونىندە تىڭنان تەرەڭ وي جۇگىرتىپ جانە عىلمي تۇجىرىم جاساپ، بىر قىدىرۋ ءتول جاسامپازدىققا يە ەل باسقارۋدىڭ جاڭا ۇستانىمدارىن، جاڭا يدەيالارىن، جاڭا ستراتەگيالارىن العا قويىپ، جۇڭگو سۇراۋىنا، دۇنيە ءجۇزى سۇراۋىنا، حالىق سۇراۋىنا، ءداۋىر سۇراۋىنا ونان ارى عىلمي جاۋاپ بەردى.

　　«شي جينپيڭ ەل باسقارۋ جونىندە» 4 - تومىنا باس شۋجي شي جينپيڭنىڭ 2020 - جىلى 2 - ايدىڭ 3 - كۇنىنەن 2022 - جىلى 5 - ايدىڭ 10 - كۇنىنە دەيىنگى سوزدەرى، سۇحباتتارى، لەكسيالارى، ارناۋ سوزدەرى، نۇسقاۋلارى، قۇتتىقتاۋ حاتتارى سياقتى 109 شىعارماسى ەنگىزىلىپ، 21 ارناۋلى تاقىرىپقا ءبولىندى. وقىرمانداردىڭ وقۋىنا قولايلى بولۋ ءۇشىن، قۇراستىرۋ بارىسىندا قاجەتتى تۇسىندىرمەلەر جاسالدى. بۇل كىتاپقا باس شۋجي شي جينپيڭنىڭ 2020 - جىلى 1 - ايدان بەرگى 45 فوتو سۋرەتى كىرىستىرىلدى.

　　«شي جينپيڭ ەل باسقارۋ جونىندە» 4 - تومى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ 100 جىلدىق وزگەرىس پەن عاسىرلىق ىندەت قاباتتاسقان كۇردەلى جاعداي الدىندا، دۇنيە جۇزىندە نەكەن - ساياق، تاريحتا سيرەك كەزدەسەتىن حاۋىپ - قاتەرلەر مەن سىن - سايىستار الدىندا، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتۋدىڭ، جاپپاي سوتسياليستىك وسىزاماندانعان مەملەكەت قۇرۋ جاڭا جورىعىن باستاۋدىڭ ۇلى امالياتىن جاندى ەستەلىككە الىپ، ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىكتەرىن شوعىرلى كورسەتتى، پارتيامىزدىڭ ادامزاتتىڭ تاعدىرلاس ورتاق تۇلعاسىن ورناتۋعا، تاماشا دۇنيە ءجۇزىن بىرگە قۇرۋعا قوسقان ەڭ جاڭا ۇلەسىن تولىق ايگىلەدى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جاڭا دەڭگەي اشقاندىعىن، تىڭ سەكىرۋدى جۇزەگە اسىرعاندىعىن جان - جاقتى، جۇيەلى بەينەلەگەن بەدەلدى شىعارما.

　　«شي جينپيڭ ەل باسقارۋ جونىندە» 4 - تومىنىڭ باسپادان شىعىپ، تاراتىلۋى قالىڭ پارتيا مۇشەلەرىنىڭ، كادرلار مەن بۇقارانىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋىن، دايەكتىلەندىرۋىن ىلگەرىلەتۋ، ”ەكىنى تۇراقتاندىرۋدى“ قورعاپ، ”ەكىنى قورعاۋدى“ ورىنداۋ، جاڭا داۋىردەگى جاڭا جورىقتا ىنتىماقتاسا كۇرەس جۇرگىزىپ، قايسارلىقپەن العا باسۋ، ءبىر تۇتاس يدەيامەن جانە ءىس جۇزىندىك ارەكەتپەن پارتيا 20 - قۇرىلتايىنىڭ جەڭىسپەن اشىلۋىن قارسى الۋ، حالىقارالىق قوعامنىڭ وسى ءبىر ماڭىزدى يدەيانىڭ ەڭ جاڭا دامۋىن دەر كەزىندە تۇسىنۋىنە كومەكتەسۋ، جۇڭگو جولى، جۇڭگو باسقارۋى، جۇڭگو قاعيداسى جونىندەگى تانىمىن تەرەڭدەتۋ جونىنەن ماڭىزدى مانگە يە.