وتانعا ورالعان چياۋباۋلاردىڭ، چياۋباۋلاردىڭ تۋىس - تۋعاندارىنىڭ اۆتونوميالى رايوندىق 8 - قۇرىلتايى اشىلدى

ۋان ليجۇن، ما شيڭرۇي ءسوز سويلەدى، ەركىن تۇنياز، شاۋكەت يمىن، نۇرلان ءابىلماجىن، لي يفي، حى جۇڭيوۋ قاتىناستى

2022.08.01 19:49   كەلۋ قاينارى : شينجياڭ گازەتى

　　7 - ايدىڭ 30 - كۇنى، وتانعا ورالعان چياۋباۋلاردىڭ، چياۋباۋلاردىڭ تۋىس - تۋعاندارىنىڭ شينجياڭ ۇيعۇر اۆتونوميالى رايوندىق 8 - قۇرىلتايى ۇرىمجىدە اشىلدى.

　　□سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

　　انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ، ميھىرگۇل عوپۇر 7 - ايدىڭ 30 - كۇنى ۇرىمجىدەن حابارلايدى. وتانعا ورالعان چياۋباۋلاردىڭ، چياۋباۋلاردىڭ تۋىس - تۋعاندارىنىڭ اۆتونوميالى رايوندىق 8 - قۇرىلتايى 7 - ايدىڭ 30 - كۇنى ۇرىمجىدە اشىلدى. جۇڭحۋا مەملەكەتتىك وتانعا ورالعان حۋاچياۋلار بىرلەستىگى پارتيا باسشىلىق گرۋپپاسىنىڭ شۋجيى، ءتوراعا ۋان ليجۇن، اۆتونوميالى رايوندىق پارتكومنىڭ شۋجيى ما شيڭرۇي اشىلۋ ماجىلىسىنە قاتىناستى ءارى ءسوز سويلەدى.

　　اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتارلىلار اشىلۋ ماجىلىسىنە قاتىناستى.

　　ۋان ليجۇن جۇڭگو حۋاچياۋلار بىرلەستىگى اتىنان قۇرىلتايدىڭ اشىلعاندىعىن قىزۋ قۇتتىقتادى، ارى شينجياڭ حۋاچياۋلار بىرلەستىگىنىڭ قىزمەتىندە قول جەتكەن ناتيجەلەردى تولىق تۇراقتاندىردى. ول بىلاي دەپ اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىمەن حۋاچياۋلار بىرلەستىگى قىزمەتىنە ءبىر تۇتاس باسشىلىق ەتۋگە تاباندى بولىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن چياۋباۋلار سالاسىنىڭ جۇرت تىلەگىن ۇيىستىرۋ كەرەك. باس شۋجي شي جينپيڭنىڭ بۇقارالىق ۇيىمدار قىزمەتى، چياۋباۋلار ىستەرى قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭدەي ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى سانالى تۇردە ساقتاۋ كەرەك. وزەكتى ارقاۋ ەتۋگە، كەلەلى جاعدايعا قىزمەت وتەۋگە، چياۋباۋلارعا قىزمەت وتەۋگە تاباندى بولىپ، جاڭا داۋىردەگى جاڭا جورىقتا كورىكتى شينجياڭ قۇرۋعا چياۋباۋلار سالاسىنىڭ كۇشىن قوسۋ كەرەك. پارتيا ورتالىق كوميتەتىنىڭ شەشىمدەرىن، ورنالاستىرۋلارىن مىقتاپ ارقاۋ ەتىپ، ”ءبىر بەلدەۋ، ءبىر جول“ قۇرىلىسى مەن شينجياڭنىڭ ءوڭىر ورنى ابزالدىلىعىن تياناق ەتىپ، ”جۇڭحۋادا شارۋاشىلىق قۇرۋ“، ”چياۋباۋلار بەس قۇرلىقتى ۇلاستىرۋ“ سياقتى ءتۇيىندى نىسانداردى تۇتقا ەتىپ، ”ەتەنە جۇڭحۋا“، ”ارمانعا قۇلاش سەرمەگەن جۇڭحۋا“ ۇگىت ارنالارى مەن دانەكەرلەرىن بايىتىپ، شينجياڭنىڭ جوعارى ساپالى دامۋىنا تىڭ قوزعاۋشى كۇش ۇستەۋ كەرەك. حالىقتى وزەك ەتكەن دامۋ يدەياسىنا تاباندى بولىپ، ءار ۇلت بۇقاراسىنىڭ باقىت سەزىمىن، تابىس سەزىمىن جوعارىلاتۋ بارىسىندا چياۋباۋلار سالاسىنىڭ جاۋاپكەرشىلىك ارقالاۋىن ايگىلەۋ كەرەك. چياۋباۋلارعا قىزمەت وتەۋدى قىزمەتتىڭ نەگىزگە الار ءتۇيىنى مەن تابان تىرەر تياناعى ەتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، نەگىزگى ساتى حۋاچياۋلار بىرلەستىگى ۇيىمدارى قۇرىلىسىن كۇشەيتىپ، نەگىزگى ساتىنىڭ رەفورما جاساۋىنا، جاڭالىق اشۋىنا قۇرمەت ەتىپ جانە وعان شابىت بەرىپ، ”چياۋباۋلار شاڭىراعى“ قۇرىلىسىن ويداعىداي يگەرۋ كەرەك. پارتيانىڭ جاپپاي باسشىلىعىنا تاباندى بولىپ، جاڭا تاريحي باستامادا شينجياڭنىڭ حۋاچياۋلار بىرلەستىگى ىستەرى دامۋىنىڭ جاڭا تاراۋىن جازۋ كەرەك. حۋاچياۋلار بىرلەستىگى ىستەرىن دامىتۋدىڭ 5 جىلدىق جوباسىن مۇقيات دايەكتىلەندىرىپ، تياناقتاندىرىپ، حۋاچياۋلار بىرلەستىگى قىزمەتىنىڭ ورەسىن جوعارىلاتىپ، ”چياۋباۋلار ءىرى ءىسى“ كوزقاراسىن جانە وي جەلىسىن ورناتىپ، ”پارتيا قۇرىلىسى ارقىلى چياۋباۋلار قۇرىلىسىن جەتەكتەۋگە“ تاباندى بولىپ، حۋاچياۋلار بىرلەستىگى ۇيىمدارىن وتانعا ورالعان چياۋباۋلاردىڭ، چياۋباۋلاردىڭ تۋىس - تۋعاندارىنىڭ جانە شەتەلدەگى چياۋباۋلاردىڭ سەنىم ارتاتىن مەيىرلى شاڭىراق، ىنتىماق شاڭىراعى، كۇرەس شاڭىراعى ەتىپ قۇرىپ شىعۋ كەرەك.

　　ما شيڭرۇي اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس اتىنان، قۇرىلتايدىڭ اشىلعاندىن قىزۋ قۇتتىقتادى، جۇڭگو حۋاچياۋلار بىرلەستىگىنىڭ ۇزاق ۋاقىتتان بەرى شينجياڭ قىزمەتىنە كوڭىل بولگەندىگىنە، قولداعاندىعىنا شىن جۇرەكتەن العىس ايتتى. ول بىلاي دەپ اتاپ كورسەتتى: جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جاقسى جازۋ بۇكىل رايونداعى وتانعا ورالعان چياۋباۋلاردىڭ، چياۋباۋلاردىڭ تۋىس - تۋعاندارىنىڭ جانە شەتەلدەگى چياۋباۋلاردىڭ قول ۇستاسا تىلەك بىرىكتىرۋىنەن، تىزە قوسا كۇرەس جاساۋىنان ايرىلا المايدى. ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ چياۋباۋلار ىستەرى قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى جاڭا جورىقتا تىڭ جاۋاپكەرشىلىك ارقالاپ، تىڭ ىسكەرلىك كورسەتىپ، وتاننىڭ تۇتاستىعى مەن ۇلتتار ىنتىماعىن قورعاۋ، شينجياڭنىڭ تاماشا وبرازىن جان - جاقتى، وبيەكتيۆ تۇردە كورسەتۋ، اناعۇرلىم كورىكتى شينجياڭ قۇرۋ ءۇشىن تىڭ دا اناعۇرلىم زور ۇلەس قوسىپ، ءىس جۇزىندىك ارەكەت ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك. جۇڭحۋا ۇلتىنىڭ ادىلەت ىسىنەن جازباي، وتاندى ءسۇيۋ، مەكەندى ءسۇيۋ داڭقتى ءداستۇرىن اسقاقتاتىپ، تاتۋ باۋىرلاستىق سۇيىسپەنشىلىكتىڭ، ۇلتتاردىڭ ورتاق تانىمىن نىعايتۋدىڭ ەرەكشە رولىن ساۋلەلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ تىزە قوسا ىنتىماقتاسىپ كۇرەس جاساۋىن، بىرگە گۇلدەنۋىن، دامۋىن جەبەۋ كەرەك. جۇڭحۋا مادەنيەتىن جالعاستىرىپ، اسقاقتاتىپ، شينجياڭدى مادەنيەتپەن نارلەندىرۋ ينجەنەرياسىن ويداعىداي اتقارۋدى ىلگەرىلەتىپ، جۇڭگو شينجياڭىنىڭ حيكاياسىن جاقسى بايانداپ، حالىقارالىق قوعامنىڭ شينجياڭ جونىندەگى تۇسىنىگى مەن تانىمىن نىعايتۋ كەرەك. رەفورماعا، دامۋعا، ورنىقتىلىققا دەم بەرىپ، شينجياڭنىڭ قۇرىلىسىنا، دامۋىنا جابال ات سالىسىپ، جىبەك جولى ەكونوميكالىق بەلدەۋى وزەكتى رايونى قۇرىلىسى، ۇلتتار ىنتىماعى، قوعام ورنىقتىلىعى سياقتىلارعا بەلسەنە اقىل - كەڭەس بەرۋ، كۇش قوسۋ كەرەك. ءار دارەجەلى حۋاچياۋلار بىرلەستىگى مەن چياۋباۋلار ىستەرى شەبى جالپى جاعدايدى كوكەيدە ءتۇيىپ، رەفورما جاساپ، جاڭالىق اشىپ، چياۋباۋلارعا قىزمەت وتەپ، وتانعا ورالعان چياۋباۋلاردىڭ، چياۋباۋلاردىڭ تۋىس - تۋعاندارىنىڭ جانە شەتەلدەگى چياۋباۋلاردىڭ جان اشىرى بولىپ، چياۋباۋلار ىستەرى قىزمەتىنىڭ ناقتى ءىس تىندىرۋشىسىنا اينالىپ، چياۋباۋلاردىڭ تىلەگىن، چياۋباۋلاردىڭ كۇشىن ۇزدىكسىز ۇيىستىرۋ كەرەك. ءار دارەجەلى پارتكومدار مەن ۇكىمەتتەر، قاتىستى تاراۋلار پارتيانىڭ چياۋباۋلار ىستەرى ساياساتىن تياناقتاندىرىپ، حۋاچياۋلار بىرلەستىگى قىزمەتىنە باسشىلىقتى كۇشەيتىپ جانە جاقسارتىپ، حۋاچياۋلار بىرلەستىگى قىزمەتىنە پارمەندى قامتاماسىزدىق ازىرلەۋ كەرەك.

　　ماجىلىستە اۆتونوميالى رايوندىق ايەلدەر بىرلەستىگىنىڭ قاتىستى جاۋاپتىسى حالىقتىق ۇيىمدار اتىنان قۇتتىقتاۋ ءسوزىن سويلەدى.

　　قۇرىلتاي «اۆتونوميالى رايوندىق حۋاچياۋلار بىرلەستىگى 7 - كەزەكتى كوميتەتىنىڭ قىزمەت بايانداماسى جونىندەگى قاراردى» قاراپ ماقۇلدادى. اۆتونوميالى رايوندىق حۋاچياۋلار بىرلەستىگى 8 - كەزەكتى كوميتەتىنىڭ 75 مۇشەسىن سايلاپ شىقتى. رىن چىڭ اۆتونوميالى رايوندىق حۋاچياۋلار بىرلەستىگىنىڭ ءتوراعالىعىنا، ۋاڭ جاۋحۇي، ميھىرگۇل اجى، مۇحيت سولتان قاتارلى 11 ادام ورىنباسار ءتوراعالىعىنا سايلاندى.

　　جاڭ جۋ، ليۋ سۋشى قاتارلىلار اشىلۋ ماجىلىسىنە قاتىناستى. وتانعا ورالعان چياۋباۋلاردىڭ، چياۋباۋلاردىڭ تۋىس - تۋعاندارىنىڭ اۆتونوميالى رايوندىق 8 - قۇرىلتايىنىڭ ۋاكىلدەرى قۇرىلتايعا قاتىناستى. ءىشىنارا ايماق، وبلىس، قالالىق حۋاچياۋلار بىرلەستىكتەرىنىڭ جاۋاپتى جولداستارى، نەگىزگى ساتى حۋاچياۋلار بىرلەستىكتەرىنىڭ كادرلارى قاتارلىلار سىرتتاي قاتىناستى.