سۋرەتتە: 2021 – جىلى 3 – ايدىڭ 19 – كۇنى، ەمدەۋ قىزمەتكەرلەرى شيڭتاي قالاسى لۇڭياۋ اۋداندىق 3 – باستاۋىش مەكتەپتىڭ وقۋشىلارىنا كوز الماسىنىڭ قۇرىلىمىن ءتۇسىندىرىپ، كوزدى قورعاۋ جونىندەگى بىلىمدەردى جالپىلاستىرۋدا. شينحۋا اگەنتتىگىنىڭ ءتىلشىسى لو شۋەفىڭ فوتوسى
ءتىلشىنىڭ 8 – ايدىڭ 2 – كۇنى وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگىنىڭ كەڭسە مەڭگەرمەسى جۋىردا «2022 – جىلى مەملەكەت بويىنشا بالالاردىڭ، جاستار مەن ورەندەردىڭ كورۋ قۋاتىنىڭ السىرەۋىنەن ساقتانۋدىڭ العاشقى توپتاعى بازاسىن تاڭداۋ جونىندەگى ۇقتىرۋدى» باسىپ تاراتىپ، مەملەكەت بويىنشا بالالاردىڭ، جاستار مەن ورەندەردىڭ كورۋ قۋاتىنىڭ السىرەۋىنەن ساقتانۋدىڭ العاشقى توپتاعى بازاسىن تاڭداۋ جانە كوركەيتۋ جونىندە ورنالاستىرۋ جاساعان.
ۇقتىرۋعا قاراعاندا، بازانى تاڭداۋ جانە كوركەيتۋدەگى ماقسات پەن نىسانا — بازاعا ارقا سۇيەي وتىرىپ، كورۋ قۋاتىنىڭ السىرەۋىنەن ساقتانۋ جاعىنداعى ءساتتى تاجىريبەلەر مەن فورمالاردى قورىتىندىلاپ، ءتۇزىلىس پەن مەحانيزم جاعىندا جاڭالىق جاراتۋ تۋرالى ىزدەنىس جاساپ، كاسىپتىك جاقتان جەتەكشىلىك ەتۋ باسىمدىلىعىن تولىق ساۋلەلەندىرىپ، كورۋ قۋاتىنىڭ السىرەۋىنەن ساقتانۋ جاعىنداعى قيىن ماسەلەلەردى كۇش سالا شەشىم ەتىپ، بالالاردىڭ، جاستار مەن ورەندەردىڭ كورۋ قۋاتىنىڭ السىرەۋىنەن جان – جاقتى ساقتانۋ قىزمەتىنىڭ ورەسىن جاپپاي جوعارىلاتۋ. ۇقتىرۋدا بازانى تاڭداۋ پرينسيپى رەفورما جاساۋ مەن جاڭالىق اشۋعا ءمان بەرىپ، قىزمەت ونىمدىلىگىن كورنەكتىلەندىرىپ، توپقا بولىپ ىلگەرىلەتۋ جانە اتقارۋ ەكەندىگى ايقىندالعان.
ۇعىسۋعا قاراعاندا، «14 – بەسجىلدىق» جوسپار مەزگىلىندە، وقۋ – اعارتۋ مينيسترلىگى مەملەكەت بويىنشا بالالاردىڭ، جاستار مەن ورەندەردىڭ كورۋ قۋاتىنىڭ السىرەۋىنەن ساقتانۋ بازالارىنان 100 دەي بازانى تاڭدايدى جانە كوركەيتەدى. ءتىلشى: شۇي جۋاڭ)
كەلۋ قاينارى: حالىق تورابى