اناعۇرلىم قاتاڭ پوزيتسيا، اناعۇرلىم جەدەل ارەكەت، اناعۇرلىم ناقتى شارا ارقىلى قوعامدىق جاقتا نولگە ءتۇسىرۋدى ەرتەرەك جۇزەگە اسىرۋ كەرەك

2022.08.15 16:36   كەلۋ قاينارى : شينجياڭ گازەتى

　　8 - ايدىڭ 13 - كۇنى اۆتونوميالى رايوندىق پارتكومنىڭ شۋجيى ما شيڭرۇي ىلە قازاق اۆتونوميالى وبلىسىنا بارىپ، الدىڭعى شەپتى ىشكەرىلەي ارالاپ، ىندەتتەن ساقتاۋ - تىزگىندەۋ قىزمەتىن تەكسەردى، جەتەكشىلىك ەتتى. سۋرەتتە: ما شيڭرۇي قۇلجا قالاسىندا ىندەتكە قارسى اتتانۋدىڭ الدىڭعى شەبىندە ەرلىكپەن شايقاس جاساپ جاتقان ەمدەۋ قىزمەتكەرلەرىنە امانداسىپ، ولاردان حال سۇرادى، مەديتسينالىق قۇتقارۋ - ەمدەۋ احۋالىن ەگجەي - تەگجەيلى ۇعىستى.

　　□ سۋرەتتى جاڭ چيڭحۋا تۇسىرگەن

　　انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي، ەرىكتى ءتىلشى ليۋ بيڭ 8 - ايدىڭ 13 - كۇنى قۇلجادان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 8 - ايدىڭ 13 - كۇنى ىلە قازاق اۆتونوميالى وبلىسىنا بارىپ، الدىڭعى شەپتى ىشكەرىلەي ارالاپ، ىندەتتەن ساقتانۋ - تىزگىندەۋ قىزمەتىن تەكسەردى، جەتەكشىلىك ەتتى، ىندەتكە قارسى اتتانۋدىڭ الدىڭعى شەبىندە ەرلىكپەن شايقاس جاساپ جاتقان ەمدەۋ قىزمەتكەرلەرى مەن قامتاماسىزداندىرۋ قىزمەتكەرلەرىنە امانداستى جانە ولاردان حال سۇرادى، ىندەتتەن ساقتانۋ - تىزگىندەۋ قىزمەتىنەن بەرىلگەن مالىمەتتى تىڭداپ، قولباسشىلىق جۇيەسىنىڭ جۇمىس جۇرگىزۋى، تىنىش كۇيدە باسقارۋ، حىسۋان تەكسەرۋ، فاڭساڭ شيپاحاناسىنىڭ قۇرىلىسى، اۋاشالاۋ تۇيىندەرىن قۇرۋ، ەپيدەميولوگيالىق تەكسەرۋ، مەديتسينالىق قۇتقارۋ - ەمدەۋ، حالىق تۇرمىسىن قامتاماسىزداندىرۋ سياقتى احۋالداردى ۇعىستى ءارى مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى قىزمەت گرۋپپاسىنىڭ ءىشىنارا مۇشەلەرى، اۆتونوميالى رايوندىق قىزمەت گرۋپپاسىنىڭ قاتىستى مۇشەلەرى، قاتىستى سالانىڭ ماماندارى قاتارلىلارمەن بىرگە كەلەسى باسقىشتاعى قىزمەتتىڭ ناقتى شارالارىن ارناۋلى تاقىرىپتا اقىلداستى.

　　ما شيڭرۇي بىلاي دەپ باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ءبىرسىپىرا ماڭىزدى نۇسقاۋلارى مەن شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، باتىل دايەكتىلەندىرىپ، جاۋاپكەرشىلىك سەزىم مەن كوكەي تەستىلىك سەزىمدى ونان ارى كۇشەيتىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باس تاكتيكاسى مەن ”يكەمدى نولگە ءتۇسىرۋ“ باس باعىتىنا تاباندى بولىپ، اناعۇرلىم پارمەندى دە ءونىمدى شارا قولدانىپ، جەرگىلىكتى ىندەتكە بار كۇشتى سالىپ توتەپ بەرىپ، ءبىر جاقتى ەتىپ، اناعۇرلىم قاتاڭ پوزيتسيا، اناعۇرلىم جەدەل ارەكەت، اناعۇرلىم ناقتى شارا ارقىلى قوعامدىق جاقتا نولگە ءتۇسىرۋدى ەرتەرەك جۇزەگە اسىرۋ كەرەك.

　　ءبىرىنشى، قاباعات تەزدىكپەن جەدەلدەتە ىستەۋدى ءبىر تۇتاس جوسپارلاپ ورنالاستىرۋ كەرەك. ىندەت تۋىلعان اۋدان - قالالار باسىمدىققا يە بايلىقتى، باسىمدىققا يە كۇشتى ىندەتتەن ساقتانۋدىڭ الدىڭعى شەبىنە شوعىرلاندىرىپ، حىسۋان تەكسەرۋ، فاڭساڭ توسەك ورنى، اۋاشالاۋ بولمەسىن ءبولۋ سياقتىلاردى ءبىر تۇتاس ورنالاستىرۋ، ينفورماتسيانى ءبىر تۇتاس جوسپارلاۋدى، بايلىقتى ءبىر تۇتاس جوسپارلاۋدى، ارەكەتتى ءبىر تۇتاس جوسپارلاۋدى كۇشەيتۋ، تارالۋ تىزبەگىن دەرەۋ ايقىنداپ، ىندەتتىڭ قاينارىن انىقتاپ، ىندەتتى جىلدام جويۋ كەرەك. باسقا وڭىرلەر ىندەتتەن ساقتانۋدىڭ جالپى تىزبەگى مەن ءارقايسى بۋىندارىن ءاردايىم قاداعالاپ، ءبىر - بىرلەي تەكسەرۋ، سارالاۋ - ولشەۋ سەرپىنىن ارتتىرىپ، ىندەت تۋىلا قالعاندا جەدەل اڭىس ەتىپ، جوعارى ونىمدىلىكپەن ءبىر جاقتى ەتۋگە شىنايى كەپىلدىك ەتۋ كەرەك.

　　ەكىنشى، حاۋىپ - قاتەرلى اۋماقتاردى عىلمي ايىرىپ، ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىرۋ كەرەك. 9 - نۇسقاداعى ساقتانۋ - تىزگىندەۋ جوباسىنىڭ تالابى بويىنشا، ناۋقاستار مەن اۋرۋ بەلگىسى جوق جۇعىمدالۋشىلاردىڭ قيمىل جاساعاندا جۇرگەن جولدارى مەن ىندەت تارالۋ حاۋىپ - قاتەرىنىڭ ۇلكەن - كىشىلىگى بويىنشا جوعارى، ورتا، تومەن حاۋىپ - قاتەرلى اۋماقتاردى عىلمي ايىرىپ، ”تەز بەكىتۋدى، تەز ەكشەۋدى، تەز جويۋدى، تەز بوساتۋدى“ ورىنداۋعا شىنايى كەپىلدىك ەتۋ كەرەك. اۋرۋ بەلگىسى جوق جۇعىمدالۋشىلاردى، حىسۋان تەكسەرۋدە بولىمدى بولۋ كۇمانى بولعان جەكە ناۋقاستاردى ەكشەپ تەكسەرىپ، انىقتاۋ مەزگىلىن دەر كەزىندە مىقتى يگەرىپ، جىلدام بەكىتىپ، جىلدام ەپيدەميولوگيالىق تەكسەرۋ جۇرگىزىپ، ءتۇيىندى وڭىرلەردى ءجيى قاداعالاپ، مىقتى قاراپ، ىندەتتى قالدىرماي جويۋ كەرەك.

　　ءۇشىنشى، جوعارى جيىلىكتە بارلىق ادامنىڭ حىسۋانىن ەكشەپ تەكسەرۋدى تىڭعىلىقتى ۇيىمداستىرۋ كەرەك. الۋ، جەتكىزۋ، تەكسەرۋ، مالىمدەۋ، اۋىستىرۋ، قابىلداۋ سياقتى جالپى بۋىندى، بارىستى ۇزدىكسىز ساپالىلاندىرىپ، بولىمدى بولعانداردىڭ ىزىنە ءتۇسۋدىڭ ارناۋلى كەزەكتەگى كۇش - قۋاتىن ارتتىرىپ، بارلىق جۇعىمدالۋشىلار جانە ءجيى جاناسۋشىلار، جانامالاي جاناسۋشىلار جانە ءوز كەزىندە ۋاقىت - كەڭىستىكتە ارالاسۋشىلار سياقتىلاردى ءدال تاۋىپ، دەرەۋ اپارىپ اۋاشالاپ، ساقتانۋ - تىزگىندەۋ شارالارىن تياناقتاندىرىپ، اۋاشالاۋعا تيىستىلەرىن مۇمكىندىگىنشە اۋاشالاۋعا، قابىلدانۋعا تيىستىلەرىن مۇمىندىگىنشە قابىلداۋعا، كۇن سايىن اداقتاپ، كۇن سايىن ءبىتىرىپ وتىرۋعا شىنايى كەپىلدىك ەتۋ كەرەك.

　　ءتورتىنشى، مەديتسينالىق قۇتقارۋ - ەمدەۋ بايلىعىن، كۇش - قۋاتىن شوعىرلاندىرىپ، ويداعىداي پايدالانۋ كەرەك. فاڭساڭ شيپاحاناسى قۇرىلىسىن جەدەل كەمەلدەندىرىپ، ەمدەۋگە الىنعان ناۋقاستاردى تەزىرەك اپارىپ، 9 - نۇسقاداعى دياگنوز قويۋ - ەمدەۋ جوباسىن قاتاڭ اتقارىپ، ەلىمىزدە وندىرىلگەن تۇڭعىش جاڭا تيپتى ايدارشا ۆيرۋس وكپە قابىنۋعا ىشەتىن ءدارىنى ويداعىداي پايدالانىپ، باعىتتامالىلىعى بار ەمدەۋ ءتاسىلىن اتقارىپ، جۇعىمدالۋشىلاردى عىلمي، جوعارى ءونىمدى قۇتقارىپ - ەمدەپ، اۋرۋحانادا جۇعىمدالۋدان ساقتانۋدى شىن مانىندە ويداعىداي ىستەۋ كەرەك. تەگىن انىقتاۋ قىزمەتىنە اناعۇرلىم دەن قويىپ، حاۋىپ - قاتەرلى تۇيىندەردى جاپپاي سالالاپ، شىن مانىندە قىزمەتتى جاقسارتۋ، ساڭلاۋلاردى بىتەۋ كەرەك.

　　بەسىنشى، بار كۇشپەن حالىق تۇرمىسىن قامتاماسىزداندىرىپ، بۇقارا نازار اۋدارىپ وتىرعان ىستەرگە جاۋاپ قايتارۋ كەرەك. زاتتىق ماتەريالدارمەن قامداۋعا كەپىلدىك ەتۋدى كۇشەيتىپ، جەتكىزۋ ارناسىن ىركىلىسسىزدەندىرىپ، زات باعاسىن ورنىقتىرىپ، دەر كەزىندە جەتكىزىپ، ونىمدىلىكتى جوعارىلاتىپ، تۇرعىنداردىڭ نەگىزگى تۇرمىسىن جانە قالىپتى ەمدەلۋ، ءدارى ساتىپ الۋ سياقتى قاجەتتەرىن بار كۇشپەن قامتاماسىزداندىرۋ كەرەك. بۇقارانىڭ ۇنىنە مۇقيات قۇلاق ءتۇرىپ، حالىق سايتى لەبىز تاقتاسى، انار بۇلت 12345 كەڭەس سۇراۋ تاقتاسى سياقتى نەگىزگى اعىمدىق مەديالاردىڭ ينتەرنەتتىك تۇعىرىنىڭ، ۇكىمەتتىك ىستەر ىستىق لەنياسىنىڭ دانەكەرلىك رولىن ساۋلەلەندىرىپ، بوگەلىپ قالعان جولاۋشىلاردىڭ، اۋىلىنا قايتقان داشۋە وقۋشىلارىنىڭ ىلەدەن، شينجياڭنان اتتانۋى سياقتى بۇقارا بارىنشا نازار اۋدارىپ وتىرعان ىستەرگە قاتىستى ساياسات ينفورماتسيالارىن دەر كەزىندە جاريالاپ، بۇكىل قوعامنىڭ ىندەتپەن شايقاسۋ سەنىمىن ۇيىستىرىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە بىرگە قول جەتكىزۋ كەرەك.

　　ما شيڭرۇي بىلاي دەپ باسا دارىپتەدى: قوعامدىق جاقتا نولگە ءتۇسىرۋ نىساناسىنان كوز جازباي، ساياسي دەڭگەيدى جوعارىلاتىپ، جاۋاپكەرشىلىك ارقالاۋدى كۇشەيتىپ، ساقتانۋ - تىزگىندەۋ شارالارىن مىقتى، ناقتى، ەگجەي - تەگجەيلى يگەرىپ، ەڭ زور قۇلشىنىسپەن جەرگىلىكتى ىندەتتى تىزگىندەپ، قارابايىرلىقپەن ىستەۋ، ”ءبارىن ءبىر تاياقپەن ايداۋ“ جانە ”ءۇستى - ۇستىنە اۋىرتپالىق قوسۋ“ سياقتى جايتتەردەن باتىل ساقتانىپ، ەكونوميكالىق، قوعامدىق دامۋعا جانە بۇقارانىڭ وندىرىسىنە، تۇرمىسىنا كورسەتەتىن ىقپالدى ەڭ زور شەكتە تومەندەتىپ، ”ەكىنى تۇراقتاندىرۋدى“ ادالدىقپەن قولداۋدى، ”ەكىنى قورعاۋدى“ باتىل ورىنداۋدى ءىس جۇزىندىك ارەكەتتە ايگىلەپ، اسا جوعارى جاۋاپكەرشىلىك سەزىممەن جانە بورىشتىلىق سەزىممەن ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتتەرىن بار كۇشپەن ويداعىداي يگەرۋ كەرەك.

　　ۋاڭ ميڭشان، ليۋ سۋشى قاتارلىلار جوعارىداعى قيمىلدارعا قاتىناستى.